چهارشنبه, ۲۵ جمادی الاول ۱۴۴۶هـ| ۲۰۲۴/۱۱/۲۷م
ساعت: مدینه منوره
د حزب التحریر مطبوعاتي دفتر
Menu
القائمة الرئيسية
القائمة الرئيسية

له الله سبحانه و تعالی سره دوامداره اړېکه

له الله سبحانه و تعالی سره دوامداره اړېکه

بسم الله الر حمن الر حیم

له عبادة بن صامت څخه روايت دی چې رسول الله صلی الله عليه وسلم فرمايلي:

«مَنْ تَعَارَّ مِنَ اللَّيْلِ، فَقَالَ: لاَ إِلَهَ إِلَّا اللَّهُ وَحْدَهُ لاَ شَرِيكَ لَهُ، لَهُ المُلْكُ وَلَهُ الحَمْدُ، وَهُوَ عَلَى كُلِّ شَيْءٍ قَدِيرٌ، الحَمْدُ لِلَّهِ، وَسُبْحَانَ اللَّهِ، وَلاَ إِلَهَ إِلَّا اللَّهُ، وَاللَّهُ أَكْبَرُ، وَلاَ حَوْلَ وَلاَ قُوَّةَ إِلَّا بِاللَّهِ، ثُمَّ قَالَ: اللَّهُمَّ اغْفِرْ لِي، أَوْ دَعَا، اسْتُجِيبَ لَهُ، فَإِنْ تَوَضَّأَ وَصَلَّى قُبِلَتْ صَلاَتُهُ»  رواه البخاري(1154).

ژباړه: څوک چې د شپې راويښ شي او ووايي: «لاَ إِلَهَ إِلَّا اللَّهُ وَحْدَهُ لاَ شَرِيكَ لَهُ، لَهُ المُلْكُ وَلَهُ الحَمْدُ، وَهُوَ عَلَى كُلِّ شَيْءٍ قَدِيرٌ، الحَمْدُ لِلَّهِ، وَسُبْحَانَ اللَّهِ، وَلاَ إِلَهَ إِلَّا اللَّهُ، وَاللَّهُ أَكْبَرُ، وَلاَ حَوْلَ وَلاَ قُوَّةَ إِلَّا بِاللَّهِ» بيا ووايي: «اللَّهُمَّ اغْفِرْ لِي» يا بله دعاء وکړي، نو دعاء يې قبلېږي او که چېرې اودس وکړي او لمونځ اداء کړي، هغه هم قبلېږي.

اې الله! ته پاک او سپېڅلی ذات يې او موږ دې حمد او ثنا وايو، ته عظیم او ستر ذات يې او له تا پرته بل هيڅ حق معبود نشته. ته پاک او سپېڅلی ذات يې چې موږ دې پيدا کړي يو او موږ ته دې سمه سيده او روښانه لار راښودلې ده، چې تګ پرې وکړو او بېلارې نه شو. ته پاک او سپېڅلی ذات يې چې موږ ته دې داسې رسۍ او تارونه راکړي دي چې له تا سره پرې اړېکه ټينګوو، کله چې موږ د تسبيح او تحميد رسۍ نيسو، نو په زړونو کې مو ايمان زياتېږي او کله چې د ذکر تارونه نيسو، نو تقوا مو زياتېږي. نو خوشالي دې وي د هغه چا لپاره چې ستا ورکړه يې اخيستې ده او افسوس د هغه چا پر حال چې ستا له اطاعت څخه يې مخ ګرځولی.

اې مسلمانانو!

له الله تعالی سره د اتصال دوام چې الله تعالی يې له بندګانو غواړي، اوس هغسې نشته څنګه يې چې الله تعالی غوښتتنه لري،  دا ځکه چې پستو (لوېدلو) حکامو له امت سره خيانت کړی او د دوستۍ پر ځای دښمني ورسره کوي. له هغه راهيسې چې دغو حکامو پر امت باندې د غربي وضعي نظامونو تطبيق پيل کړی ـ چې نه له امت او نه يې له دين سره تړاو لري ـ امت د پانګوال نظام تر سيوري لاندې خورا په سخت حالت کې ژوند کوي، نو اوس د ذکر تارونه بدل شوي او د الله تعالی د تسبيح او تهليل ځای حکامو ته ښېرا او د هغوی پر وړاندې د تکبير غږونو کولو نيولی، خو په دې کې هم خير دی، ځکه په دې دواړو حالتونو کې له الله تعالی سره د اتصال دوام شته.

اې الله! موږ ته ژر د نبوت پر منهج راشده خلافت راکړې، چې په وسيله يې د مسلمانانو ستونزې او کړاوونه ختم شي. اې الله په خپل مبارک نور سره ځمکې ته روښنايي وروبخښه. الهم آمين.

ليکنه: ابو مريم

ژباړه: يما افغان

د مطلب ادامه...

پر معروف امر او له منکر څخه نهی د مسلمانانو د پیاوړتیا کیلي ده

  • خپور شوی په سیاسي
پر معروف امر او له منکر څخه نهی د مسلمانانو د پیاوړتیا کیلي ده

بسم الله الرحمن الرحیم

په حقیقت کې د هر ستر امر تر شاه یو رمز شته چې هغه ته لکه روح غوندې په بدن کې ژوند او وړتیا ورکوي، چې روح یې د ژوند، پیاوړتیا او خوښۍ کیلي ده. بدن له روح پرته خپل ارزښت له لاسه ورکوي او په یو وچ او بې روحه کالبوت یا جسد بدلېږي چې نور باید خښ شي. په اسلامي امت کې ځينې رازونه ژوند بښونکي دي چې غوره امت ترې جوړوي. دغه ستر رازونه او رمزونه د الله سبحانه وتعالی کتاب او د رسول الله صلی الله علیه وسلم سنت دي. امام مسلم په خپل صحیح کې له جابر بن عبدالله رضی الله عنه څخه روایت کړی چې رسول الله صلی الله علیه وسلم وفرمایل:

«تَرکتُ فِیکُم مَا لَن تَضِلُّوا بَعدَهُ إنِ اعتَصَمتُم بِهِ کِتَابَ الله»

ژباړه: تاسو ته مې یو څه پرېښودل چې که منګولې پرې ولګوئ، هېڅګله نه ګمراه کېږئ او هغه د الله سبحانه وتعالی کتاب دی.

حاکم دغه حدیث له ابن عباس رضی الله عنه څخه داسې روایت کړی دی:

«یَاأیُّهَاالنَّاسُ إِنِّی قَدتَرکتُ فِیکُم مَا لَن تَضِلُّوا بَعدَهُ إنِ اعتَصَمتُم بِهِ کِتَابَ الله»

ژباړه: اې خلکو! په حقیقت کې ما تاسو ته یو څه پرېښودل چې که منګولې پرې ولګوئ، هېڅکله نه ګمراه کېږئ او هغه د الله سبحانه  وتعالی کتاب دی.

بل رمز په معروف امر او له منکر څخه نهی ده چې الله سبحانه وتعالی داسې فرمایلي دي:

﴿كُنْتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِاللَّهِ﴾ [آل عمران: ۱۱۰]

ژباړه: «اې مومنانو!» تاسو تر ټولو غوره امت یاست چې د خلکو د ګټې لپاره پیدا شوي یئ، کله چې په معروف امر او له منکر څخه نهی کوئ او په الله سبحانه وتعالی ایمان لرئ.

الله سبحانه وتعالی دغه رازونه هغه وخت د اسلامي امت لپاره د ژوند او قوت تر لاسه کولو سرچینه کړل چې له همدغو رازونو سره ژوند وکړي. الله سبحانه وتعالی د دغو رازونو د غوښتونو عملي کولو ته هڅولي یو او د حقونو په ادا کولو کې یې له افراط او تفریط څخه منع کړي یو؛ لکه څنګه چې الله سبحانه وتعالی فرمایلي دي:

﴿فَلَوْلَا كَانَ مِنَ القُرُونِ مِن قَبْلِكُمْ أُولُوا بَقِيَّةٍ يَنْهَوْنَ عَنِ الْفَسَادِ فِى الْأَرْضِ إِلَّا قَلِيلًا مِّمَّنْ أَنجَيْنَا مِنْهُمْ وَ اتَّبَعَ الَّذِينَ ظَلَمُوا مَا أُتْرِفُوا فِيهِ وَ كَانُوا مُجْرِمِينَ﴾ [هود: ۱۱۶]

ژباړه: نو ولې په تېرو قومونو کې د عقل او ایمان څښتنان نه وو چې په ځمکه کې د فساد مخه ونیسي؟ دغسې خلک که راپیدا هم شول، ډېر لږ وو چې موږ وژغورل. هغوی چې ظلم یې کاوه، په دنیوي خوندونو او نعمتونو پسې ولاړل او فاسق خلک وو.

امام طبري د ژغورل شویو کسانو په اړه وایي: «هغوی ګنهګاران له ګناهونو او کافران له کفر څخه راګرځول.» همدارنګه الله سبحانه وتعالی له بنی اسراییلو کفارو څخه د کرکې دلیل له منکر څخه د هغوی ډډه نه کول یاد کړي او داسې یې فرمایلي دي:

﴿لُعِنَ الَّذِينَ كَفَرُوا مِنْ بَنِي إِسْرائيلَ عَلَى لِسَانِ دَاوُدَ وَعِيسَى ابْنِ مَرْيَمَ ذَلِكَ بِمَا عَصَوْا وَكَانُوا يَعْتَدُونَ * كَانُوا لا يَتَنَاهَوْنَ عَنْ مُنْكَرٍ فَعَلُوهُ لَبِئْسَ مَا كَانُوا يَفْعَلُونَ﴾ [مائده: 78- 79]

ژباړه: هغو بني اسراییلو چې کفر غوره کړ،  د داوود او د مریم د زوی عیسی پر ژبه پر هغوی لعنت وویل شو. دا د دې لپاره وو چې هغوی (د الله متعال له فرمان څخه) پرلپسې سرغړونه او (په ظلم او فساد کې) له حده تېری کاوه. هغوی به د ناوړه اعمالو له ترسره کولو لاس نه اخیست او یو بل یې له ناوړه کارونو څخه نه منع کول او نصیحت یې نه ورته کاوه او څومره ناوړه کارونه یې ترسره کول (ځکه حرام کارونه یې کول او یوې ډلې چوپتیا غوره کوله او په دې سره ټول په جرم کې شریکېدل).

په پورتني ایت کې له منکر څخه د نهی ډېر ستر راز ښکاره شوی دی. رسول الله صلی الله علیه وسلم په هغه حدیث کې چې ابو داوود او ترمذي له ابن مسعود رضی الله عنه څخه روایت کړی، ټینګار کړی او داسې یې فرمایلي دي:

«إِنَّ أَوَّلَ مَا دخَلَ النَّقْصُ عَلَى بَنِي إِسْرائيلَ أَنَّه كَانَ الرَّجُلُ يَلْقَى الرَّجُلَ فَيَقُولُ: يَا هَذَا اتَّق اللَّه وَدعْ مَا تَصْنَعُ فَإِنَّهُ لاَ يَحِلُّ لَكَ، ثُم يَلْقَاهُ مِن الْغَدِ وَهُو عَلَى حالِهِ، فَلا يمْنَعُه ذلِك أَنْ يكُونَ أَكِيلَهُ وشَرِيبَهُ وَقعِيدَهُ، فَلَمَّا فَعَلُوا ذَلِكَ ضَرَبَ اللَّه قُلُوبَ بَعْضِهِمْ بِبَعْضٍ" ثُمَّ قَالَ: ﴿لُعِنَ الَّذِينَ كَفَرُوا مِنْ بَنِي إِسْرائيلَ عَلَى لِسَانِ دَاوُدَ وَعِيسَى ابْنِ مَرْيَمَ ذَلِكَ بِمَا عَصَوْا وَكَانُوا يَعْتَدُونَ (78) كَانُوا لا يَتَنَاهَوْنَ عَنْ مُنْكَرٍ فَعَلُوهُ لَبِئْسَ مَا كَانُوا يَفْعَلُونَ(79) تَرَى كَثِيراً مِنْهُمْ يَتَوَلَّوْنَ الَّذِينَ كَفَرُوا لَبِئْسَ مَا قَدَّمَتْ لَهُمْ أَنْفُسُهُمْ﴾ إِلَى قوله ﴿فَاسِقُونَ﴾} [مائده: 78-81]»

ژباړه: لومړنی عیب چې په اسراییلو کې راښکاره شو، هغه دا و چې کله به یو سړي بل د ګناه په حالت کې لیده، ورته ویل یې: دا څه دي؟ له الله سبحانه وتعالی څخه وډار شه او دغه عمل نور پرېږده؛ ځکه دغه کار ناروا دی. بل ورځ به یې چې هغه په همغه حالت کې لیده، (یعنې د هغه په اړه دومره جدي نه و)  او په خوراک، څښاک او کېناستلو کې به ورسره مل و. کله ېې چې همداسې وکړل، الله سبحانه وتعالی د هغوی زړونه د نورو غوندې کړل. وروسته رسول الله صلی الله علیه وسلم د مائده سورت له ۷۸څخه تر ۸۱پورې ایتونو تلاوت کړل او ویې فرمایل:

«كَلاَّ، وَاللَّه لَتَأْمُرُنَّ بالْمعْرُوفِ، وَلَتَنْهوُنَّ عَنِ الْمُنْكَرِ، ولَتَأْخُذُنَّ عَلَى يَدِ الظَّالِمِ، ولَتَأْطِرُنَّهُ عَلَى الْحَقِّ أَطْراً، ولَتقْصُرُنَّهُ عَلَى الْحَقِّ قَصْرا»

ژباړه: هېڅکله داسې نه ده، پر الله سبحانه وتعالی قسم چې حتمآ به په معروف امر او له منکر څخه نهی کوئ. حتمآ به له ظلم څخه د ظالم مخنیوی کوئ، هغه به حق ته راګرځوئ او د حق منلو ته به یې اړ کوئ!

د امر په معروف او له منکر څخه د نهی تر ټولو مهمه غوښتنه له ظلم څخه د ظالم مخنیوی دی او له هغه حاکم څخه به بل سخت ظالم چېرته وي، چې په بما انزل الله حکم نه کوي؟ څنګه چې الله سبحانه وتعالی فرمایلي دي:

﴿وَ مَن لَم یَحکُم بِمَا أَنزَلَ اللَّهُ فَأُولَٰئِكَ هُمُ الظَّٰلِمُونَ﴾ [مائده: 45]

ژباړه: څوک چې په بما انزل الله حکم ونه کړي، هغوی ظالمان دي.

پر معروف امر او له منکر څخه نهی د دعا د قبلېدو کیلي او هغه رسۍ ده چې الله سبحانه وتعالی ته پرې رسېږو. له حذیفه بن الیمان رضی الله عنه څخه روایت دی چې رسول الله صلی الله علیه وسلم وفرمایل:

«وَالَّذِي نَفسِي بِيَدِه، لَتَأْمُرُنَّ بِالمَعرُوف، وَلَتَنهَوُنَّ عَنِ المُنْكَر؛ أَو لَيُوشِكَنَّ الله أَن يَبْعَثَ عَلَيكُم عِقَاباً مِنْ عِندِهِ، ثُمَّ لَتَدعُنَّهُ فَلاَ یَستَجِیبُ لَکُم»

ژباړه: قسم په هغه ذات چې روح مې د هغه په لاس کې دی، حتمآ به په معروف امر او له منکر څخه نهی کوئ، یا دا وېره شته چې الله سبحانه وتعالی به پر تاسو عذاب راولي او هغه وخت به د عذاب لېرې کېدو لپاره له الله سبحانه وتعالی څخه مرسته وغواړئ، خو دعا به مو قبوله نه کړي.

له ابو هریره رضی الله عنه څخه پورتنی حدیث داسې روایت شوی دی:

«لَتَأْمُرُنَّ بِالمَعرُوف، وَلَتَنهَوُنَّ عَنِ المُنْكَر، أَو لَیُسَلِّطَنَّ اللهُ عَلَیکُم شِرَارَکُم فَیَدعُو خِیَارُکُم فَلَا یُستَجَابُ لَهُم»

ژباړه: حتمآ به په معروف امر او له منکر څخه نهی کوئ، یا به الله تعالی ستاسو تر ټولو بد پر تاسو واکمن کړي او وروسته به ستاسو تر ټولو غوره کسان د ژغورلو لپاره دعا وکړي، خو دعا به یې قبولې نه شي.

رسول الله صلی الله علیه وسلم ټینګار کړی چې له منکر څخه نهی تر ټولو مهمه کیلي او راز دی، هغه یې د ټولو مسلمانانو مکلفیت وباله او دا د هغه حدیث محتوا ده چې امام مسلم له ابو سعید خدري رضی الله عنه څخه روایت کړې ده. هغه وویل چې له رسول الله صلی الله علیه وسلم څخه مې واورېدل چې ویې فرمایل:

«مَن رَأى مِنکُم مُنکَرا فَلْیُغَیِّرْهُ بِیَدِهِ ، فإن لَم یَستَطِعْ فبِلِسانِهِ ، فإن لَم یَستَطِعْ فبِقَلبِهِ و ذلکَ أضعَفُ الإیمانِ»

ژباړه: له تاسو څخه هره یوه چې منکر ولیدل، باید پخپلو لاسونو هغه ته تغیر ورکړي! که یې ونه شو کولی، باید په ژبه یې تغیر کړي (اعتراض وکړي) او بیا یې که ونه شو کولی، په زړه کې دې انکار ترې وکړي او دا د ایمان تر ټولو کمزوری حالت دی.

د دغه حدیث په لوستلو او لیدلو سره نور هېڅ داسې څه نه پاتې کېږي چې که یو څوک منکر ویني او پر وړاندې یې همداسې چوپ پاتې شي. نو که مسلمان وس درلود، په لاس یې دې تغیر کړي او که یې وس نه و، په ژبه یې دې تغیر کړي او که یې دا هم نه شو کولی، په زړه کې یې دې بد وګڼي، په داسې بڼه چې د انکار نښې پکې ښکاره شي.

لنډه دا چې له منکر څخه نهی تر ټولو ستر راز او د مسلمانانو د پیاوړتیا کیلي ده چې په وسیله یې شریعت اظهار کېږي، د الله سبحانه وتعالی حکم پلی کېږي او د اسلامي امت هیبت په نورو ملتونو کې ساتل کېږي. همدارنګه له منکر څخه انکار د دې سبب کېږي چې منکر په نطفه کې شنډ شي او د مسلمانانو شاوخوا له منکرو او چټلیو څخه پاکه شي. په دې سره د الله سبحانه وتعالی د طاعت تر چتر لاندې ژوند پیل شي او په پایله کې د دې لامل کېږي چې د الله سبحانه وتعالی په لاره کې د جهاد په وسیله اسلام د نړۍ ټولو برخو ته ورسېږي.

الرایه جریده: ۴۲۷

لیکوال: شیخ عصام عمیره – بیت المقدس

ژباړن: بهیر «ویاړ»

د مطلب ادامه...

د مودي حکومت د مسلمانانو د ځپلو او له دوی څخه د هندوانو د وېرولو تر منځ خپل ټاکنیز کمپاین ته لار هواروي

د مودي حکومت د مسلمانانو د ځپلو او له دوی څخه د هندوانو د وېرولو تر منځ خپل ټاکنیز کمپاین ته لار هواروي

مطبوعاتي اعلامیه

(ژباړه)

د مودي پوپولیست مجنون دولت چې په ټاکنو کې له خپل برخلیک څخه وېره لري، یو ځل بیا د ټولنې د بېلا بېلو طبقاتو ترمنځ د شک او بدګومانۍ احساسات راپاروي او په دې سره غواړي چې خپل ځان د رایه ورکوونکو د د ژغورونکي په توګه مطرح کړي. د جنورۍ له ۲۰مې بیا د همدې میاشتې تر ۲۲مې، د دریو ورځو په ترڅ کې د ټول هند پولیسو د رییسانو/عمومي پلټونکو ۵۷م کنفرانس ترسره شو. په یاد کنفرانس کې لومړي وزیر نریندرا مودي، د کورنیو چارو وزیر امیت شاه، د ملي امنیت سلاکار اجیت دووال او د هیواد شاوخوا د پولیسو ۳۵۰ لوړ پوړو افسرانو برخه اخیستې وه. په هېواد کې د ستونزو او ننګونو په اړه ډېرې ویناوې وشوې، له دې ډلې د دوی د «افراطي کېدل، په ځانګړي ډول د مسلمانو ځوانانو » تور و. دا یې د ملي امنیت پر وړاندې یو اصلي ګواښ وباله. د هغو سازمانونو له ډلې چې د افراطي په نامه ډلبندي شوي، یو یې حزب التحریر و. یوه سپارل شوې رساله د دغو سازمانونو پر وړاندې څو اړخیز چلند ته اړتیا په ګوته کوي چې یو یې پر پټو فعالیتونو څارنه او د اطلاعاتي ډيټابیس رامنځ ته کول دي. په دغې رساله کې ادعا شوې چې په هند کې د مذهبي بنسټپالنې وده د لوړې کچې مذهبي عقیدې او د اړیکو عصري وسایلو ته د اسانه لاسرسي له امله ده.

په دې توګه دا څرګنده شوه چې د مودي حکومت او هغه امنیتي چارواکی چې د اسلامپالو پر وړاندې یې له تهمت څخه ډکه رساله ترتیب کړې، غواړي عامه افکار او د هند امنیتي ادارې په مصنوعي اندیښنو بوخت کړي؛ د دوی اصلي موخه د مسلمانانو او هندوانو ترمنځ د تفرقې اور ته لمن وهل دي. دوی د هندوانو تر منځ له مسلمانانو وېره خپروي او په ورته وخت کې مسلمانان ځوروي.

واک ته له رسېدو راهیسې د مودي حکومت د پوپولیستي جنون بدبویي خوره ده. اوس په دې وېره کې دی او نه پوهېږي چې څنګه له هغه کړکیچ څخه راووځي چې خپله یې ځان پخپله پکې ښکېل کړی. دغه له ناورین ډکې پرېکړې د ۲۰۲۱م کال له پیل راهیسې د مودي او د هغه د سلاکارانو د نهیلۍ پر بنسټ وشوې. دوی خلک وهڅول چې خپل عادي ژوند ته دوام ورکړي او فکر وکړي چې د COVID-19 وبا له هند څخه ورکه شوې ده. بیا، د دغې وبا تاریخي زیاتوالی د دې لامل شو چې هند څو میاشتې بې شمېره جنازې پورته کړي. له دې سره حکومت اړ شو چې ټولو ته د غلو او دانو وېشلو پرېکړه وکړي. له هغه وخت راهیسې، د مودي حکومت په دې هڅه کې دی چې ایا دا مرستې مخکې له هغې بندې کړي چې د هند په اقتصاد کې کسر دومره زیات شي چې بیا یې د جوړولو وړتیا نه لري او که مرستو ته دوام ورکړي چې د خلکو غوسه را ونه پارېږي او د مودي او د هغه د بهارتیا جنتا ګوند پر شهرت منفي اغیز ونه کړي.

حکومت دغه پرېکړه وځنډوله. د غلو دانو او کود د ویشلو لپاره یې د وروستیو نېټو تمدیدولو ته دوام ورکړ چې د ټاکنو تر ضرب الاجل پورې یې ورسوي، خو ویې نه شوی کولی. اوس چې د دغې پرېکړې کولو ته اړ دي، مودي، د بل هر ناکام سیاستوال په څېر خپله همېشنۍ بټن وهي. دی د نژاد پرستۍ او قومي شخړو د تحریک بټن وهي. یعنې د مسلمانانو د ځورولو سیاست پر مخ وړي چې هغوی غبرګون ته اړ کړي او له بلې خوا یې له مسلمانانو څخه د هندوانو د وېرولو کمپاین پیل کړی چې په خپل ځان او خپل حکومت یې راټول کړي.

ډېر د خواشینۍ ځای دی چې د امنیتي ادارو مشران چې د ګواښونو پر وړاندې د خپل هېواد امنیت ساتلو دنده پر غاړه لري؛ د څېړنیزو مقالو په لیکلو او امنیتي سپارښتنو سره یې د هند پر وړاندې اصلي ګواښ ورکړ کړی. د هند او د هند د خلکو پر وړاندې ریښتینی ګواښ نرندرا مودي او د هغه بې بصیرته دولت دی. مودي په زور هند هغې خوا ته کش کوي، چې له امریکا سره د چین پر مهار او د چین پر وړاندې احتمالي جګړه کې ښکېل شي. د مودي اصلي اندېښنه دا ده چې امریکا، هند د خپلې نوې کارخونې په توګه ومني؛ دی داسې انګېري که دا کار وده وکړي نو هند به د ۱۹۷۰مو کلونو په څېر مخ پر ودې هېواد شي!

پر حزب التحریر د ترهګرۍ او افراطیت تور پورې کولو په اړه باید ووایو؛ کوم امنیتي چارواکي چې د نوي ډهلي کنفرانس کې دا تور پور کړ، یا خو یې د څېړنې وړتیا د ماشومانو ده او یا که ځان استاد بولي نو د مودي په څېر د هند له مسلمانانو کرکه لري. د مسلمانانو پر وړاندې د تحریک او پر دوی د تور پورې کولو په اړه باید ووایو چې مودي یې په خپله ړنده کرکه د امریکا په مشرۍ د استعمارګرو پلان پلی کوي. دا مودي ته سیاسي پوښښ ورکوي چې واک ته د اسلام د رسېدو مخه ونیسي، ځکه دی له دې وېرېږي چې پانګوالۍ ځپلي بې وزله خلک د اسلام – چې دوی ته عدالت تضمینوي- له لوري هدایت ونه مومي. بیا به دا خلک د دوی پر وړاندې درېږي او د اسلام د حاکمیت او ژوند ته د اسلام د بېرته راتګ غوښتنه به کوي.

په ټوله کې د هند هغو خلکو ته چې فکر کوي او په ځانګړې توګه هغو کسانو ته چې د امنیتي ادارو په سر کې دي:

مودي او د هغه حکومت د هند او د هند د خلکو راتلونکي ته یو اصلي ګواښ دی. دوی په واک کې د پاتې کېدو لپاره چمتو دي چې ټول هېواد اور ته واچوي. د بي بي سي د هغه مستند فلم په اړه د دوی وروستی غبرګون څه دی پر سړکونو د ګډوډیو او وینې بهېدنې په اړه یې د مودي د لېواتیا په اړه جوړ کړی و؟ دوی په واک کې د پاتې کېدو لپاره امریکا ته د پوره تسلیمۍ په ګډون د هر کار کولو ته چمتو دي. ځکه خو درته وایو، وړاندې تر دې چې ناوخته شي د مودي او د هغه د افراطي حکومت لاسونه ونیسي.

موږ دغه راز تاسو ته بلنه درکوو چې د هغه څه په اړه په اخلاص څېړنه وکړئ چې حزب التحریر مو وربولي. که اسلام د نبوت پر منهج سم پلی شي، لکه څنګه چې حزب التحریر یې د تاسیس لپاره کار کوي، نو دا به فرد او ټولنې دواړو ته خیر وي او دواړه به د ژوند لوړو معیارونو ته ورسوي. په اسلامي دولت کې اتباع سره مساوي دي، د مسلمان او نا مسلمان ترمنځ هیڅ توپیر نشته. اسلام له وړاندې تر زرو کالو زيات پلی شوی؛ چې په ترڅ کې يې د عزت، عفت، پاکوالي، پر کمزورو مهربانۍ او د ټولو اتباعو ترمنځ د عدالت په اړه د مسلمانانو په ځانګړتياوو کې هيڅ بدلون نه دی راغلی. مسلمانان پوهیږي چې الله سبحانه و تعالی پر دې مکلف کړي چې خلک د کفر او شرک له تیارو څخه د اسلام رڼا او عدالت ته راوباسي. الله سبحانه وتعالی فرمايي:

 [الر كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلَى النُّورِ بِإِذْنِ رَبِّهِمْ إِلَى صِرَاطِ الْعَزِيزِ الْحَمِيدِ]

ژباړه: «الف، لام، را. [ای پیغمبره (صلی الله علیه وسلم)!] دا (قرآن) یو کتاب دی چې پر تا مو د دې لپاره نازل کړی دی چې خلک له تیارو څخه د رڼا په لور راوباسي. د هغو د رب په توفیق سره، د هغه الله تعالی لارې ته چې زورور او په خپل ذات کې په خپله ستایل شوې دي.» [ابراهیم: ۱]

انجنیر صلاح الدین عضاضه

د حزب التحریرـ مرکزي مطبوعاتي دفتر مشر

د مطلب ادامه...

پر سلام پيل کول د خير له دروازو څخه يوه دروازه ده

پر سلام پيل کول د خير له دروازو څخه يوه دروازه ده

بسم الله الرحمن الرحيم

له حديث شريف سره

عن أبي هريرة رضي الله عنه قال: قال رسول الله صلى الله عليه وسلم: « يُسَلِّمُ الرَّاكِبُ عَلَى الْمَاشِي وَالْمَاشِي عَلَى الْقَاعِدِ وَالْقَلِيلُ عَلَى الْكَثِيرِ». رواه البخاري

ژباړه: له ابو هريرة رضي الله عنه څخه روايت دی، هغه وايي چې رسول الله صلی الله عليه وسلم وفرمايل: «سپور بايد پر پلي، پلی پر ناست او کم شمېر کسان پر ډېر شمېر کسانو سلام واچوي.»

حافظ ابن حجر په خپل کتاب «فتح الباري» کې ويلي: علماوو د سلام د پيل کولو (لومړی سلام اچولو) حکمتونه داسې بيان کړي چې: د کشر لخوا پر مشر سلام اچول په دې خاطر دي چې کشر مکلف دی چې د مشر احترام او پر وړاندې يې تواضع وکړي، او دا چې لږ شمېر کسان به پر ډېرو کسانو سلام اچوي، دا د جماعت د فضيلت له امله او دا چې سپور به پر پلي سلام اچوي، دا په دې خاطر چې هغه پر خپله سپرتيا تکبر ونه کړي او تواضع ته راوګرځي، په همدې ترتيب... .

اې مسلمانانو: 

د پورته حديث د يوې برخې په تفصيل کې؛ پر افرادو باندې د جماعت د حق يا د امت پر افرادو باندې د حزب د حق په اړه لږ تم کېږو؛ کله چې په لږ شمېر کسانو واجب ده چې پر ډېر شمېر کسانو سلام واچوي، نو هغه څه چې تر سلام لوړ دي، د هغه وجوب هم زيات دی. پر دې اساس کله چې يو څوک د يوې ډلې په اړه اوري چې د الله لور ته دعوت کوي او دغه ډله د فقاهت، فکر او علم لرونکې وي، نو دغه کس ته پکار ده چې لومړيوالی وکړي او تر نورو وړاندې دغې ډلې ته سلام ووايي، بيا يې د دعوت، فقهې او فکر په اړه پوښتنه وکړي، بيا دې وګوري، که هغه څه چې دغه ډله ورته دعوت کوي د الله تعالی او هغه د رسول له کلام سره سمون لري، نو له دغه حزب سره دې ملتيا وکړي، دا د خير هغه ستره دروازه ده چې پيل يې په سلام سره کېږي.

اې الله! د پيغمبر صلی الله عليه وسلم په منهج خلافت ژر راوله چې په وسيله يې د مسلمانانو ستونزې او ناخوالې له منځه ځي. اې الله په خپل مبارک نور سره ځمکې ته روښنايي وروبخښه. الهم آمين، آمين آمين.

ليکنه: ابومریم

ژباړه: يما افغان

د مطلب ادامه...

د ولي الأمر لقب

د ولي الأمر لقب

بسم الله الرحمن الرحیم

له حديث شريف سره

مسلم په خپل صحيح کې روايت کړی دی:

 عَنْ عَوْفِ بْنِ مَالِكٍ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ: "خِيَارُ أَئِمَّتِكُمْ الَّذِينَ تُحِبُّونَهُمْ وَيُحِبُّونَكُمْ وَيُصَلُّونَ عَلَيْكُمْ وَتُصَلُّونَ عَلَيْهِمْ وَشِرَارُ أَئِمَّتِكُمْ الَّذِينَ تُبْغِضُونَهُمْ وَيُبْغِضُونَكُمْ وَتَلْعَنُونَهُمْ وَيَلْعَنُونَكُمْ قِيلَ: يَا رَسُولَ اللَّهِ أَفَلَا نُنَابِذُهُمْ بِالسَّيْفِ فَقَالَ: لَا مَا أَقَامُوا فِيكُمْ الصَّلَاةَ وَإِذَا رَأَيْتُمْ مِنْ وُلَاتِكُمْ شَيْئًا تَكْرَهُونَهُ فَاكْرَهُوا عَمَلَهُ وَلَا تَنْزِعُوا يَدًا مِنْ طَاعَةٍ".

له عوف بن مالک رضي الله عنه څخه روايت دی، هغه له رسول الله صلی الله عليه وسلم څخه روايت کوي چې فرمايلي يې دي: «ستاسو غوره امامان (حاکمان) هغه دي چې تاسو ورسره محبت لرئ او هغوی هم له تاسو سره محبت لري، هغوی تاسو ته دعا کوي او تاسو هغوی ته دعا کوئ او ستاسو شرير او ناوړه امامان هغه دي چې تاسو ورسره بغض (کينه او دښمني) کوئ او هغوی هم له تاسو سره بغض لري او تاسو پر هغوی لعنت وايئ او هغوی پر تاسو لعنت وايي: اصحابو وويل: اې د الله رسوله! ايا د دوی پر وړاندې توره پورته نه کړو؟ ويې فرمايل: نه، تر هغه چې په تاسو کې لمونځ اقامه کوي او کله چې مو له خپلو چارواکو داسې څه وليدل چې تاسو يې ناوړه بولئ، نو عمل يې ناوړه وبولئ خو له اطاعت څخه يې لاس مه اخلئ.»

نووي د مسلم په شرح کې د رسول الله صلی الله عليه وسلم د دې قول: «خِيَار أَئِمَّتكُمْ الَّذِينَ تُحِبُّونَهُمْ وَيُحِبُّونَكُمْ وَيُصَلُّونَ عَلَيْكُمْ وَتُصَلُّونَ عَلَيْهِمْ» په اړه وايي چې دلته  په «يُصَلُّونَ» او «تُصَلُّونَ» کې صلاة د دعا په معنا دی.

رسول الله صلی الله عليه وسلم په دې حديث کې د خلافت په دولت کې، حاکم امام نومولی دی.

له رسول الله صلی الله عليه وسلم څخه نور صحيح روايتونه هم شته چې هغه صلی الله عليه وسلم حاکم د خليفه په لقب هم نومولی دی. لکه هغه حديث چې مسلم په خپل صحيح کې له ابو سعيد خدري رضي الله عنه څخه روايت کړی، هغه وايي چې رسول الله صلی الله عليه وسلم وفرمايل:

إِذَا بُويِعَ لِخَلِيفَتَيْنِ فَاقْتُلُوا الْآخَرَ مِنْهُمَا

ژباړه: کله چې په يوه وخت کې د دوو خليفه‌ګانو لپاره بيعت واخيستل شي، نو دويم يې ووژنئ.

دغه راز اصحابو د حاکم لپاره د امير المؤمنين لقب د غوره کولو پر جواز اجماع کړې ده. حاکم په خپل مستدرک کې له ابن شهاب زهری څخه روايت کړی دی چې عمر بن عبد العزيز له ابو بکر بن سليمان بن ابي حثمه څخه وپوښتل: ... چې پخوا د ابو بکر رضي الله عنه په عصر کې ليکل کېدل: د رسول الله صلی الله عليه وسلم د خليفه له لوري، بيا د عمر رضي الله عنه د دور په لومړيو کې ليکل کېدل: د ابو بکر د خليفه له لوري، نو د لومړي وار لپاره چا وليکل چې د امير المؤمنين له لوري؟ هغه وويل: شفاء ـ چې له لومړيو مهاجرينو ښځو څخه ده ـ ما ته روايت کړی چې عمر رضي الله عنه په عراق کې خپل عامل ته وليکل چې دوه تنه چابک اشخاص راته رارولېږه، تر څو د عراق او د عراق د خلکو حال او احوال ترې وپوښتم، د عراق عامل د بليد بن ربيعه او عدی بن حاتم په نومونو دوه تنه ورولېږل، کله چې دوی مدينې ته ورسېدل، خپل اوښان يې د مسجد په صحن کې پرې ايستل او دوی مسجد ته ننوتل، هلته له عمرو بن عاص رضي الله عنه سره مخ شول، هغه ته يې وويل: اې عمرو! له امير المؤمنين سره زموږ لپاره د ملاقات اجازه واخله، هغه وويل: پر الله سوګند چې تاسو د هغه لپاره مناسب او ښه نوم غوره کړ، موږ مؤمنان يو او هغه مو امير دی. عمرو ابن عاص رضي الله عنه له ځنډ پرته د عمر رضي الله عنه خوا ته ورغی او ورته ويې ويل: السلام عليکم اې امير المؤمنين! عمر رضي الله عنه ورته وويل: په دې نامه کې تا ته څه ښکارې اې عمرو! الله پوهېږي چې ته څه وايې! عمرو ابن عاص رضي الله عنه وويل: بليد بن ربيعه او عدي بن حاتم راغلل، خپل اوښان يې د مسجد په صحن کې پرې ايستل، بيا دننه زما خوا ته راغلل او راته ويې ويل: اې عمرو! له امير المؤمنين سره زموږ لپاره د ملاقات اجازه واخله، پر الله سوګند دوی ستا لپاره ډېر مناسب نوم غوره کړ، موږ مؤمنان يو او ته مو امير يې. نو کاتب بيا له همغې ورځې د «د امير المؤمنين له لوري» ليکل پيل کړل. او شفاء د ابو بکر بن سليمان انا (نيا) وه. تر دې وروسته په همدې توګه د امير المؤمنين نوم د صحابه‌و په وخت کې او هم تر هغوی وروسته د خلفاوو لپاره کارېده. د دې روايت پر اساس، تر دې وروسته تل عمر رضی الله عنه ته د اصحابو په مخکې امير المؤمنين ويل کېده چې هغوی ليده او اورېده، خو هيڅ صحابي هم له دې سره مخالفت نه دی کړی، نو په دې توګه دا د اصحابو اجماع ده.

له تېر بحث څخه څرګندېږي چې که د مسلمانانو حاکم د امام، خليفه او امير المؤمنين په لقبونو ونومول شي، دا سم کار دی. ځکه له دغو لقبونو څخه هر يو يې شرعي دليل لري چې پر صحت يې دلالت کوي. خو زما لپاره د خليفه لقب تر ټولو خوښ او زړه ته نږدې لقب دی، ځکه دا لقب موږ ته زموږ تېر تاريخ رايادوي، چې په هغه سره د وياړ، عزت او حيثيت احساس کوو او موږ هڅوي چې خليفه بېرته راوګرځوو، دا هغه لقب دی چې تل د الله سبحانه و تعالی د دښمنانو په زړونو کې وېره او رعب خپروي او خوب يې له سترګو تښتوي او دوی ته هغه ماتې ور په زړه کوي چې د خلافت په زرين دوران کې يې د خلفاوو لخوا خوړلي دي. نو کله چې الله سبحانه و تعالی له خپلې خوښې سره سم بېرته موږ ته خلافت راکړي، نو خپل ولي الأمر ته به د خليفه په نامه غږ وکړو، تر څو کافران ـ چې په خپلو ټول توان يې د دې لقب د له منځه وړلو لپاره هڅې کړي ـ له خپلې غوسې څخه مړه شي او هيلې يې د سراب په څېر په ناهيلۍ بدلې شي. نو کله چې خلافت دوباره قايم شي، امت به يو وار بيا د حيثيت او ځواک څښتن شي، هغه څه چې د کفارو د وېرې او رعب سبب کېږي.

اې الله! دغه ښکلې او ځلانده ورځ ژر پر موږ ولوروه!

ژباړه: يما افغان

د مطلب ادامه...

د خلافت د ړنګېدو د (۱۰۲) تلين په ياد کې د حزب التحرير د امير لوی عالم عطاء بن خليل ابو الرشته وينا

  • خپور شوی په سیاسي
د خلافت د ړنګېدو د (۱۰۲) تلين په ياد کې د حزب التحرير د امير لوی عالم عطاء بن خليل ابو الرشته وينا

الحمد لله والصلاة والسلام على رسول الله وعلى آله وصحبه ومن والاه وبعد،

په عام ډول ټول اسلامي امت او په ځانګړي ډول د راشده خلافت د بیا راګرځولو دعوتګرانو ته...

السلام عليكم ورحمة الله وبركاته!

له نن څخه (۱۰۲) هجري کلونه وړاندې په همدې ورځ؛ د ۱۳۴۲ هـ کال د رجب په ۲۸مه چې د ۱۹۲۴ م د مارچ له ۳مې سره برابره ده، د هغه وخت د برېتانيا په مشرۍ استعمارګر کفار په دې وتوانېدل چې د عرب او ترک خائنانو په مرسته د خلافت دولت له منځه يوسي. مصطفی کمال د دغې ورځې په سهار په استانبول کې د خلافت په لغوه کولو، د خليفه په محاصره کولو او د هغه په شړلو سره د بواح کفر مرتکب شو.

 په دې توګه، کله چې د خلافت په له منځه تللو سره په اسلامي خاورو کې دغه دردناکه پېښه رامنځته شوه... همغه وخت پر امت واجب وه چې د دغه بواح کفر له مرتکب سره يې په توره جګړه کړې وای؛ لکه په متفق عليه حديث کې چې عبادة ابن صامت رضي الله عنه روايت کړی چې وايي:

« وَأَنْ لَا نُنَازِعَ الْأَمْرَ أَهْلَهُ إِلَّا أَنْ تَرَوْا كُفْراً بَوَاحاً عِنْدَكُمْ مِنْ اللَّهِ فِيهِ بُرْهَانٌ»

ژباړه: او دا چې له اولو الامر (حکامو) سره د حکم په چارو کې شخړه ونه کړو، مګر دا چې له هغوی څخه بواح کفر وليدل شي، چې د الله له لوري پرې څرګند دليل ولرو.

مګر امت دغه مجرم او د هغه ملاتړو ته داسې ګوزار ور نه کړ چې هغه او د هغه ملاتړي يې مات کړي وای، بلکې د امت غبرګون او ځواب خورا کمزوری او په هغه کچه نه و چې دغه څه پرې لاسته راوړي.

وروسته له هغه چې د حق او عدالت دولت «خلافت» له منځه لاړ، له همغې ورځې د امت توره ورځ راپيل شوه او اوس يې د دولتونو شمېر څو پنځوسو ته رسېدلی دی. چارواکي يې هغه ظالمان دي چې پر خپلو خلکو ظلم کوي، ان د دغې  مياشتې په نيمايي کې د سوريې او ترکيې زورورې زلزلې ونه شوای کولی، چې د مسلمانانو تفرقه له منځه يوسي او د يو واحد دولت تر چتر لاندې دوی ته وحدت ورکړي، بلکې امت لا هم تر زلزلو وړاندې او وروسته خپل ټوټه ټوټه حالت ته دوام ورکوي او هيڅ پند نه اخلي:

﴿أَوَلَا يَرَوْنَ أَنَّهُمْ يُفْتَنُونَ فِي كُلِّ عَامٍ مَّرَّةً أَوْ مَرَّتَيْنِ ثُمَّ لَا يَتُوبُونَ وَلَا هُمْ يَذَّكَّرُونَ﴾

ژباړه: ايا دوی نه ويني چې دوی هر کال يو يا دوه ځله ازمويل کېږي، خو دوی بيا هم نه توبه کوي او نه پند اخلي.

سره له دې بیا هم وروستيو زلزلو وښوده، چې اسلام لا تراوسه د عامو مسلمانانو په زړونو کې ځای لري. ومو ليدل چې مسلمانانو خپل وروڼه د نړېدلو ودانيو له خاورو را ايستل او د «الله اکبر» نارې يې وهلې، په ځانګړې توګه کله يې چې هغه نوی زېږېدلی ماشوم له خاورو را وايست، چې مور يې تر خاورو لاندې وفات شوې وه... يا هغه کس چې په خاورو کې پټ و او لاس يې ښکارېده چې د شهادت په ګوته يې د الله تسبيح بيانوله... يا هغه خلک چې هڅه یې کوله ترڅو هغه ښځه وژغوري، چې تر نړېدلې ودانۍ لاندې شوې وه، خو هغې له راوتلو مخکې د سر د پټولو لپاره د ټکري غوښتنه وکړه، ترڅو ويښتان يې معلوم نه شي... يا هغه کس چې د ړنګې شوې ودانې تر پاتې‌شونو لاندې و او کله چې را وايستل شو، نو لومړی يې د اوداسه لپاره اوبه غوښتلې، ترڅو لمونځ يې قضا نه شي... دغه راز هغه کس چې تر ويرانو لاندې يې د ژغورل کېدو هڅه کېدله، خو ژغورونکو وليدل چې قرآن يې تلاوت کاوه او د سورة البقرې آيتونه يې لوستل... يا هغه پېغله چې ژغورونکو يې د را ايستلو هڅه کوله، خو د هغې په څېره کې له دې امله خپګان ښکارېده چې د دغې ورځې لمونځ ترې قضا شوی و... خو د دغو ټولو تر څنګ هغو مسلمانانو په لوړ آواز د تکبير نارې وهلې... الله أاکبر... الله تعالی دې پر ټولو هغو مسلمانانو رحم وکړي چې په دغه زلزله کې وفات شول او هيله ده چې دوی به په آخرت کې د شهيدانو له ډلې څخه وي ان‌شاء الله. او ټپيانو ته دې الله تعالی بشپړه شفا ورپه برخه کړي... او کوم مسلمانان چې له دغې زلزلې ژوندي وتلي، الله تعالی دې ورسره مرسته وکړي او الله تعالی دې غوره ژوند ور په برخه کړي چې د الله تعالی او د هغه د رسول په اطاعت کې يې تېر کړي.

دا مسلمانان دي او هغه د اسلامي خاورو حکام دي، چې تر منځ يې د دوو ختيځونو په اندازه توپېر دی. دغه واټن له هغې ورځې پيل شو کله چې (۱۰۲) کاله وړاندې د خلافت د له منځه تلو لويه غميزه پېښه شوه! تر دې وروسته بيا استعمارګرو کفارو د خلافت له نه شتون څخه په استفادې مسلمانانو ته یو بل دردناک ګوزار ورکړ؛ هغه دا چې د رسول الله صلی الله علیه وسلم د اسراء او معراج په مبارکه خاوره کې يې د يهودانو دولت جوړ کړ او هلته يې هغوی ته د بقاء اسباب ورکړل. له دغو اسبابو څخه لومړی يې د هغو مزدورو حکامو په واسطه دوی ته د امنيتي ملاتړ برابرول دي، چې د دوی شاوخوا دي. دغو حکامو به د يهودو پر وړاندې په هره جګړه کې ماته خوړله، ان تر دې چې يهودي دولت ته يې د هغه له مقام او حالت پرته بل مقام ورکړ چې الله پرې موصوف کړي دي ﴿وَضُرِبَتْ عَلَيْهِمُ الذِّلَّةُ وَالْمَسْكَنَة﴾.. ژباړه: (او پر دوی باندې د خوارۍ او بېچارګۍ مهر ووهل شو). حکامو يوازې پر دې بسنه ونه کړه، بلکې په خپل ټول توان يې له سيمې څخه د يهودي بنسټ د لرې کولو پر ځای یې قضيه د خبرو اترو خوا ته بوتلله، چې ګوندې په دې سره به يهود په ۱۹۶۷ کال کې له اشغال کړو خاورو يو څه يې پرېږدي!

بيا يهودي دولت په فلسطین کې خورا وحشي جنايتونه ترسره کړل او لا يې هم ترسره کوي چې د 2023/1/26  د جنين ټولوژنه يې تازه بېلګه ده. د  يهودي بنسټ پوځ په خورا لوی ځواک سره د جنين پر کمپ بريد وکړ او د ټولوژنې په ترڅ کې يې نهه تنه شهيدان کړل. پر قتلونو سربېره يې نور وحشي جنايتونه هم وکړل، پر ټپيانو يې ديوالونه چپه کړل او استوګنځايونه یې په بيلډوزرو ونړلول. تر دې وروسته يې په نابلس کې خپل تېري ته دوام ورکړ او د عقبة جبر پر کمپ يې برید وکړ، هلته يې هم مرګ ژوبله واړوله او ډېر کسان يې شهيدان او ټپيان کړل... دا هر څه د حکامو د سترګو پر وړاندې تېرېږي، پرته له دې چې دوی د مرستې لپاره کوم ګام پورته کړي، په دوی کې تر ټولو نامي يې هغه دی چې د مجرم او مظلوم تر منځ د منځګړيتوب اعلان کوي! ﴿قَاتَلَهُمُ اللَّهُ أَنَّىٰ يُؤْفَكُونَ﴾ ژباړه: (الله دې دوی ووژني چې څه ډول له حق څخه انحراف کوي.) نو کله چې دوی له يهودو سره د اړيکو د عادي کولو د جرم لپاره بيړه کوي، نو تر دې اضافه به څه وکړي؟ وروسته له هغه چې د مصر حکامو د ذلت او خوارۍ ډکه لار رهبري کړه، نو سازمان او د اردن، اماراتو، بحرين، المغرب... حکامو هم د دوی پر پله پل کېښود... او دا دی سوډان هم په دغه جرم کې له دوی سره يو ځای کېږي، په 2023/2/2 نېټه د سوډان ولسمشر عبد الفتاح البرهان د سوډان په پلازمېنه خرطوم کې د يهودو د بهرنيو چارو وزير ايلي کوهين ته ښه راغلاست وايي، ترڅو د اړيکو د عادي کولو پر مسله خبرې اترې ورسره وکړي!! خو دوی ټول د هغه حقارت او سپکوالي څخه بې پروا دي چې ورسره مخ کېدونکي دي:

﴿سَيُصِيبُ الَّذِينَ أَجْرَمُوا صَغَارٌ عِندَ اللَّهِ وَعَذَابٌ شَدِيدٌ بِمَا كَانُوا يَمْكُرُونَ﴾

ژباړه: هغه کسان چې جرم يې کړی، ډېر ژر به د خپلو مکرونو له امله د الله پر وړاندې له حقارت، ذلالت او سخت عذاب سره مخ شي.

د حيرانتيا وړ خو دا ده چې يهودي بنسټ چې هر جنايت او ظلم ترسره کوي، په هماغه ورځ يا ترې يوه ورځ وړاندې يهودي مشران د عرب حکامو په غېږ او يا له هغوی سره په ملاقات کې وي، لکه د جنين تر جنايت مخکې چې نتنياهو د اردن په شاهي ماڼۍ کې مېلمه و!.. او د جنايت د ترسره کېدو پر وخت يې له يهودو سره امنيتي همغږي کوله، ځکه د دوی له اعتراف سره سم دوی فکر کاوه چې له دغه جنايت وروسته به امنيتي همغږي متوقفه شي او همداسې هم وشول. تر ټولو ډېره جالبه او نا اشنا خو دا ده، کله چې د فلسطيني اتلانو له ډلې يو اتل له خپلې خاورې او خلکو څخه په دفاع کې راپورته شو او له دغې ټولوژنې وروسته یې د قدس په عملياتو کې اووه يهودان ووژل، نو د اسلامي خاورو حکامو ډېر ژر په غندلو لاس پورې کړ! د ترکيې، اماراتو، اردن او مصر د بهرنيو چارو وزارتونو په خپلو اعلاميو کې د قدس دغه پېښه وغندله!!

يوازې فلسطين نه دی چې دغو حکامو پرې ايښی دی بلکې د مسلمانانو د پاکې خاورې نورې برخې يې هم پرېښودې او يا يې کفارو ته تسليم کړلې؛ کشمير مشرکو هندوانو له خپل دولت سره يو ځای کړ، خو د پاکستان حکام چوپ دي... په ميانمار (برما) کې روهينګيايي مسلمانان حلالېږي، خو د بنګله‌ديش حکام داسې دي لکه ويده چې وي او هيڅ نه ويني... شرقي ترکستان چې چين پکې نسل وژنې کوي، خو په اسلامي خاورو کې شته دولتونه پرې داسې چوپ دي لکه مړي او کله چې د دغو ټولوژنو په اړه څه وايي، نو هغه دا وي چې دا د چين کورنۍ مسله ده!

﴿كَبُرَتْ كَلِمَةً تَخْرُجُ مِنْ أَفْوَاهِهِمْ إِنْ يَقُولُونَ إِلَّا كَذِباً﴾

ژباړه: تر خولو يې لويه خبره راوځي، خو دوی يوازې دروغ وايي...

استعمارګرو کفارو يوازې د امت پر دغه سپکوالي بسنه ونه کړه، بلکې د دوی عقيدې ته يې هم سپکاوی وکړ، د بالوډان په نامه يو افراطي شخص وروسته له هغه چې د سويډين دولت اجازه ورکړه، په 2023/1/21م نېټه يې په سټاکهلم کې د ترکيې د سفارت مخې ته د قرآن کريم نسخه وسوځوله، تر دې وروسته په لاهه او کوپنهاګن کې د جمعې په ورځ په 2023/1/27 د قران کريم نورې نسخې وسوځول شوې. خو تر دې پېښو وروسته الازهر په خپله خپره کړې اعلاميه کې دا کار په سختو ټکو وغانده او ديني مقدساتو ته د سپکاوي پر وړاندې د درېدو غوښتنه يې وکړه... مګر شک نشته چې د ازهر علماء په دې ښه پوهېږي چې د قرآن د سوځولو پر وړاندې غبرګون په لفظي غندنه نه کېږي، بلکې د الله د کتاب د نصرت او ملاتړ لپاره بايد لښکرې راپورته شي، ځکه د مصحف سوځول د اسلامي امت او اسلامي عقيدې پر وړاندې د جګړې اعلان دی، نو ځواب يې بايد داسې جګړه وي چې د شا لښکرې يې هم خورې ورې شي.

﴿فَإِمَّا تَثْقَفَنَّهُمْ فِي الْحَرْبِ فَشَرِّدْ بِهِمْ مَنْ خَلْفَهُمْ لَعَلَّهُمْ يَذَّكَّرُون﴾

ژباړه: که له دوی سره د جګړې په ډګر کې مخ شوې، نو داسې بريد پرې وکړه چې پر دوی پسې شاته خلک هم تيت او پرک شي، ښايي چې پند واخلي.

اې مسلمانانو: د مسلمانانو پر وړاندې د تېري ځواب په منظمو او پيل شو خبرو ـ چې هيڅ درد نه دوا کوي ـ نه ورکول کېږي، بلکې دغه تېري ته بايد په تورې سره ځواب ورکړل شي، یعنې چې دښمن ته داسې ګوزارونه ورکړل شي چې د شيطان وسوسې ترې هېرې شي. کله چې مسلمانانو خلافت درلود، هغه وخت همداسې وو، په هغه وختونو کې واقع شوې پېښې موږ ته همدا کيسه کوي او دا يوه ثابته خبره ده چې هيڅ  د بصيرت خاوند ترې انکار نه شي کولی.. بېلګې يې د مسلمانانو په تاريخ کې خورا ډېرې دي چې د ابن کثير په (البداية و النهاية) د بلازري په (فتوح البلدان)، د ابن خلدو په تاريخ، د ذهبي په (تاريخ الاسلام) او نورو کتابونو کې نقل شوي دي، چې تاسو ته يې څو بېلګې راوړم:

«بيا ۸۷ هجري کال راورسېد... په دې کال کې قتيبة بن مسلم پر بيکند بريد وکړ چې دا د بخارا يوه عماله (اداري واحد) ده، کله چې ورځ تر نيمې ورسېده، نو الله تعالی دوی ته نصرت ور په برخه کړ... نو د دوی هغه سړی چې د مسلمانانو پر وړاندې يې جګړې ته خلک هڅول او شيړا و (يوه سترګه يې پوچه وه) هغه اسير کړل شو، هغه وويل: زه د خپل ځان د ازادۍ په بدل کې تاسو ته پنځه سوه زره چينايي جامې په فديه کې درکوم چې هره يوه يې زر قيمت لري، نو قوماندانانو قتيبه ته اشاره وکړه چې فديه يې قبوله کړي، خو قتيبه وويل: نه، پر الله تعالی سوګند تا ته به هيڅکله دا فرصت درنه کړم چې يو ځل بيا مسلمان وځوروې، نو د هغه د وژلو امر يې وکړ او غاړه يې پرې شوه.»

«بيا ۹۰ هجري کال راورسېد... په دې کال کې د سند حاکم داهر پر يوه کښتۍ بريد وکړ چې مسلمانې ښځې پکې وې او هغوی یې اسيرانې  کړې، نو خليفه خپل والي ته خبر ولېږه چې له دغه ظالم څخه کسات واخلي، هغه لښکر چې محمد بن قاسم يې مشري کوله، مسلمانې اسيرانې يې ازادې کړې او له دغه سرکښ حاکم څخه يې غچ واخيست او د سند خاورې يې فتحه کړلې.»

«بيا ۲۲۳ هجري کال راورسېد، د روم پاچا د اسلامي خاورو پر لور وخوځېد او د زبطره پر سيمه يې بريد وکړ، ځينې خلک يې ووژل او ځينې یې مريان کړل... يوې مسلمانې ښځې ناره کړه چې «وا معتصما» دا خبر د وخت خليفه معتصم ته ورسېد، هغه د دغې ښځې نارې ته لبيک ووايه او جګړې ته روان شو چې پخپله يې د پوځ مشري کوله او د هغې مسلمانې ښځې غچ يې واخيست... بيا يې وپوښتل چې د روم تر ټولو ستر ښار کوم يو دی؟ ورته وويل شول چې عموريه (انقرې ته نږدې) نو همغه ښار يې فتحه کړ.»

«بيا ۵۸۲ هجري کال راورسېد... په دغه کال کې د کرک حاکم ارنات خيانت وکړ او د حاجيانو د هغه لښکر لاره يې ونيوله چې له مصر څخه حج ته روان وو، د کاروان ځينې کسان يې ووژل او ځينې يې اسيران کړل، نو سلطان صلاح الدين جګړې ته تياری ونيوه او له نورو اسلامي خاورو يې عسکر وغوښتل، نذر يې کېښود چې که الله تعالی بری ورپه برخه کړي، نو دی به پخپله ارنات ووژني، نو الله تعالی د ۵۸۳ هجري د ربيع الآخر په نيمايي کې د حطين په جګړه کې هغه ته بريا ورپه برخه کړه او په دې سره صلاح الدين ارنات ته د خيانت او لار شکولو جزا ورکړه او هغه يې په خپل لاس وواژه.»

«بيا په ۱۳۰۷ هجري کې چې له ۱۸۹۰م سره برابر دی، د يوې کيسې (ډرامې) ليکوال چې په هغې کې يې په رسول الله صلی الله عليه وسلم پسې افتراء کړې وه او هڅه يې کوله چې خپله ډارمه د پاريس په يوه تياترځای (نندارتون) کې نندارې ته وړاندې کړي. کله چې خليفه عبد الحميد له دې خبر شو، نو په استانبول کې يې د فرانسې سفير احضار کړ، له هغه سره يې په نظامي لباس کې وليدل او تهديد يې کړ چې که چېرې دغه ډرامه نندارې ته وړاندې شي، نو عثماني دولت به له فرانسې سره د اړيکو پريکون اعلان کړي او د جګړې حالت به ورسره غوره کړي او په تنده لهجه يې ورته وويل: زه د مسلمانانو خليفه يم... که د دغې نندارې مخنيوی مو ونه کړ، نو دنيا به مو درباندې چپه کړم! فرانسې د هغه خبره ومنله او د نندارې د وړاندې کېدو مخه يې ونيوله.»

هغه وخت استعمارګر کفار پوهېدل چې د اسلام او مسلمانانو د هر ډول سپکاوي په بدل کې به يې ژبې او پښې پرې شي... خو نن ورځ پر قرآن کريم باندې تېری کوي، رسول الله صلی الله عليه وسلم ته سپکاوی کوي او د مسلمانانو پر خاورو تېری کوي، خو د تېري پر وړاندې يې هيڅ غبرګون نه ښودل کېږي! دا په دې خاطر چې مسلمانان امام نه لري، هغه راشد خليفه چې امت له شريرو دښمنانو ساتي... په متفق عليه حديث کې راځي:

«إِنَّمَا الْإِمَامُ جُنَّةٌ، يُقَاتَلُ مِنْ وَرَائِهِ، وَيُتَّقَى بِهِ»

ژباړه: امام ډال دی، چې تر شا يې جګړه کېږي او هغه ته پناه وروړل کېږي.

په پای کې يو ځل بيا ستاسو پام دې ته را اړوم؛ اې د ځواک او قدرت څښتنانو... يوازې تاسو ياست چې کولی شئ د امت سينه له دښمنانو وساتئ، چې ستاسو د دين دښمنان دي. يوازې تاسو ياست چې کولی شئ هغه ذلت له منځه يوسئ چې مسلمانان ورسره په خپلو خاورو کې مخ دي... نو د خپل واجب د ترسره کولو لپاره پورته شئ، الله تعالی دې تاسو ته برکت درکړي، زموږ د نصرت لپاره راپورته شئ، د راشده خلافت د اقامې لپاره حزب التحرير ته نصرت ورکړئ، د نصرت دا طريقه نه يوازې دا چې د واقعيت غوښتنه ده، بلکې په لومړي ګام کې يو ستر فرض دی. څوک چې توان هم لري، مګر د خلافت د اقامې او د بيعت وړ خليفه د راتګ لپاره ګام نه پورته کوي، نو د هغه ګناه هم ستره ده او دا چې «د هغه مرګ داسې دی لکه د جاهليت مرګ» دا خبره يې د ګناه پر شدت او لويوالي دلالت کوي، لکه رسول الله صلی الله عليه وسلم چې فرمايي:

«وَمَنْ مَاتَ وَلَيْسَ فِي عُنُقِهِ بَيْعَةٌ، مَاتَ مِيتَةً جَاهِلِيَّةً»

ژباړه: څوک چې په داسې حال کې  مړ شي چې د بيعت کړۍ يې په غاړه کې نه وي، نو مرګ يې د جاهليت مرګ دی.

دويم دا چې مسلمانانو د رسول الله صلی الله عليه وسلم د ميت تر تدفين وړاندې له خليفه سره بيعت کولو ته لومړيتوب ورکړ، په داسې حال کې چې د هغه تدفين هم فرض و، دا کار يې د خلافت د اهميت له امله وکړ. درېيم دا چې عمر رضي الله عنه د خپل وفات په ورځ شپږ تنو مبشر بالجنة اصحابو ته د خليفه د تعين لپاره درې ورځې وخت وټاکه، چې تر دریو ورځو به نه زياتېږي، او ويې ويل چې که په دغه موده کې دوی د خليفه پر ټاکنه اتفاق ته ونه رسېږي، نو مخالف کس دې ووژني، دا کار د ګڼ شمېر اصحابو په حضور کې وشو چې هيچا ورسره مخالفت ونه کړ؛ نو په دې توګه دا د اصحابو اجماع ده. خو دا دی پر موږ باندې د «دریو ورځو» خورا ډېرې ټولګې تېرې شوي دي! نو په دې توګه د خلافت اقامه يو ستر امر دی.

اې د الله لښکره: موږ پوهېږو چې هيڅکله کومه ملائکه له اسمانه نه راځي چې زموږ لپاره خلافت قائم کړي، مګر که موږ د خلافت د اقامې لپاره هڅه وکړو، نو الله تعالی به زموږ د مرستې لپاره ملائکې راولېږي او دا د الله تعالی په کتاب کې د هغه ريښتنې ژمنه ده:

﴿وَعَدَ اللَّهُ الَّذِينَ ءَامَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ﴾

ژباړه: الله تعالی له تاسو څخه له هغو کسانو سره چې ايمان يې راوړی او نېک عملونه کوي، وعده کوي چې خامخا به ورته په ځمکه کې خلافت ورکړي، لکه تر دوی وړاندې يې چې نورو ته خلافت ورکړی و.

 او د رسول الله صلی الله عليه وسلم په حديث کې د عزت زېری دی، چې تر اوسنیو جبريه نظامونو وروسته به راځي، لکه رسول الله صلی الله عليه وسلم چې فرمايي:

«...ثُمَّ تَكُونُ مُلْكاً جَبْرِيَّةً فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا إِذَا شَاءَ أَنْ يَرْفَعَهَا ثُمَّ تَكُونُ خِلَافَةً عَلَى مِنْهَاجِ النُّبُوَّةِ» ثُمَّ سَكَتَ ﷺ. أخرجه أحمد..

ژباړه: ... بيا به ملک جبريه (ديکتاتور نظامونه) وي، دا به تر هغه وي چې د الله خوښه وي او بيا چې کله د الله خوښه شي چې پورته يې کړي، نو هغه به پورته کړي، بيا به د نبوت په منهج خلافت راشي. بيا چوپ شو.

 دغه راز موږ پوهېږو چې د اسلام دښمنان د خلافت بيا راتګ ناشونی بولي او د خپلو پخوانيو ډلو وينا تکراروي چې د استهزاء په ډول به يې ويل: ﴿غَرَّ هَؤُلَاءِ دِينُهُمْ﴾ ژباړه: (دوی (مسلمانان) خپل دين تېر ايستلي دي)، مګر لکه څنګه چې پخوا دغه وينا بېرته پر خپلو ويونکو راوګرځېده او الله تعالی خپل دين ته عزت او مسلمانانو ته نصرت ورکړ، همداسې نن هم د دوی وينا پر دوی راګرځېدونکې ده، عزيز او حکيم الله تعالی تل له خپلو هغو مخلصو بندګانو سره دی چې خپله هڅه کوي، پرته له دې چې زړونه او اندامونه يې د الله له دې قول څخه بېل شي:

﴿إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً﴾

ژباړه: الله تعالی د خپلې چارې بشپړوونکی دی، الله تعالی د هر شي لپاره قدر او اندازه ټاکلې ده.

 او دوی د هرې ورځې په تېرېدو سره د الله تعالی دغه «قدر» ته نږدې کېږي:

﴿وَيَقُولُونَ مَتَى هُوَ قُلْ عَسَى أَنْ يَكُونَ قَرِيباً﴾

ژباړه: او دوی وايي چې هغه به کله وي؟ ورته ووايه ښايي چې نږدې (ژر) وي...       

انشاء الله.

والسلام عليكم ورحمة الله وبركاته

1444هـ کال د رجب ۲۸مه

الموافق 2023/2/19م

ستاسو ورور عطاء بن خليل أبو الرشتة

د حزب التحرير امير

د مطلب ادامه...

د امریکا سیاسي قطبي کېدل

  • خپور شوی په سیاسي
د امریکا سیاسي قطبي کېدل

بسم الله الرحمن الرحيم

په داسې حال کې چې د کپیټل هېل پاڅونونو(پر کانګرس ماڼۍ د جمهوريت غوښتونکو برید) په دویمه کلیزه کې د استازو مجلس د ريیس ټاکلو پر سر له ډېرو پړاونو تېر شو؛ پر کانګرس ماڼۍ د برید څیړلو لپاره ټاکل شوې ځانګړې کمېټې خپله پرېکړه واوروله.

کمېټه دې پایلې ته ورسېده چې د ۲۰۲۱م کال د جنوري په ۶مه، په ولسمشریزو ټاکنو کې د ولسمشر ډونالډ ټرمپ تر ماتې وروسته، د هغه یوې ډلې پلویانو په واشنګټن ډي سي کې پر کانګرس ماڼۍ برید وکړ. پاڅونوالو پر واک د ټرمپ د پاتې کېدو لپاره هڅه کوله د کانګرس د هغې ګډې ناستې مخه ونیسي چې د امریکا انتخاباتي کالج رایې یې شمېرلې؛ له دې سره د ولسمشر بایډن بریا رسمي اعلانېده. تر ۲۰۰۰ زیات پاڅون کوونکي او یاغیان ماڼۍ ته ننوتل؛ هلته یې ویجاړۍ او لوټ وکړ. پاڅونوالو د کانګرس پر پولیسو برید وکړ او د استازو ځای پیدا کولو هڅه یې وکړه چې ویې نیسي. دغه برید ته پر ډیموکراسۍ او هر هغه څه د برید په سترګه کتل کېږي چې امریکا یې دفاع او ملاتړ کوي. د امریکا په تاریخ کې لومړی ځل دی چې پر امریکایي سیسټم برید کېږي؛ ځکه ډېرو یې نه منله چې د خوښې نوماند یې په عمومي ټاکنو کې ماته خوړلې.

د بایډن ادارې او د سنا مجلس نویو غړو پر کپیټل هېل یا کانګرس ماڼۍ د برید په اړه څیړنو لپاره ځانګړې کمیټه وټاکله. دغې کمیټې تر زرو زیاتو کسانو سره مرکې وکړې او تر یو میلیون زیات اسناد یې وڅېړل. د ټرامپ د نږدې کړۍ ځینو غړو له یادې کمیټې سره همکاري وکړه، خو ځینو یې له له همکارۍ انکار وکړ. سټیو بنون (Steve Bannon) له شهادت ورکولو د انکار په سبب په بند محکوم شو، خو اوس له استناف وروسته ازاد دی. دغې کمیټې ولسمشر ټرمپ هم په دې نامه د شهادت ورکولو لپاره احضار کړ چې «د ټاکنو لغوه کولو او د واک سوله‌ایز لېږد د مخنیوي اصلي هسته ده او د امریکا لومړنی ولسمشر دی چې دا کار کوي». ټرمپ د دغې احضاریې په ځواب کې له شهادت ورکولو ډډه وکړه او له یادې کمیټې ېې شکایت وکړ چې دا احضاریه بنده کړي.

له ټولو شهادتونو او اورېدنو وروسته دا څرګنده شوه چې ټرمپ او همکارانو یې د دغه روایت پر بنسټ چې په ټاکنو کې درغلي شوې، د دغو «لویو درواغو» اوازه خپره کړه چې د جو بایډن د ۲۰۲۰ کال ولسمشري نا قانوني ده. دغې کمیټې د یادو شهادتونو په حواله وویل چې دا ټولې هڅې په داسې حال کې وشوې چې د مخکیني ولسمشر ډېرو سلاکارانو او د سپینې ماڼۍ کارکوونکو ده او د ده نږدې همکارانو ته وویل چې ټاکنې په عادلانه ډول بایډن ګټلې.

ټرمپ او ملګرو یې د ټاکنو ګډوډولو لپاره څو اړخیزه دسیسه په لاره واچوله. د جنورۍ ۶مې په اړه لومړني شواهد ښيي چې ټرمپ او ملګرو یې څنګه د دغې دسیسې پلان جوړ کړ، خوره یې کړه او پیسې یې پرې ولګولې. په داسې حال کې چې د کانګرس پر ماڼۍ برید په ۲۰۲۱ کال کې شوی و، خو شواهد ښيي چې ټرمپ او ملګري يې له میاشتو راهیسې د ټاکنو ګډوډولو پر یوې سټراټیژۍ لګیا وو چې په لنډو نوټونو، یادښتونو او پاورپاینټ پرېزېنټېشنونو کې ترتیب شوې وه. د ټاکنو پایلو ته د درناوي پرځای، ټرمپ د ټاکنو د پایلو ګډوډولو لپاره دسیسه جوړه کړه چې پر واک پاتي شي.

ټرمپ او د ده د امریکا بیا لویه کړئ (MAGA) شعار ملګرو د ټاکنو کمیسیون هغه چارواکي چې نه یې غوښتل قانون مات کړي، وګواښل او پلان یې درلود چې د دوی پرځای جعلي ټاکونکي وګوماري. کمیټې موندلې چې ټرمپ په وار وار د امریکا له عدلیې وزارت څخه غوښتي وو چې په ټاکنو کې د درغلۍ په نوم څیړنې پیل کړي او د مرستیال ولسمشر مایک پېنس پر وړاندې په عامه توګه کمپاین پر مخ یوسې چې د ټاکنو پایلې سبوتاژ کړي. ټرامپ ته څو څو ځله ویل شوي وو چې کړنې یې ناقانوني او ناشوني دي؛ خو ده دوام ورکړ.

په سوله‌ایز ډول د واک لیږد مخنیوي لپاره ټرمپ په وروستۍ هڅه کې یوه ډله خلک واشنګنن ته راوغوښتل. سره له دې چې ټرمپ پوهېده چې دا کسان پر کانګرس مانډۍ د هجوم پلان لري، بیا یې هم د جنورۍ په ۶مه خپل ملاتړي سپنې ماڼۍ ته راوبلل. د کانګرس ماڼۍ پر لوري د تګ په وخت کې ډېری دغه کسان پر وسلو سمبال وو او ګومان یې کاوه چې ټرمپ به هم ورسره یوځای کیږي. د جنورۍ د ۶مې پاڅون له وینې تویولو او ګډوډۍ ډکه پېښه وه. دا له تاوتریخوالي ډک برید متعصبو د سپین پوستو د برترۍ غوښتونکو وکړ. سره له دې چې لوړپوړو سلاکارانو او د کانګرس غړو په وار وار غوښتنه ترې وکړه خو ولسمشر ټرمپ غلی ناست و، کتل یې او د مرستې رسونې لپاره یې غږ پورته نه کړ. په حقیقت کې، دغه شهادتونه ښيي چې د امریکا له اساسي قانون څخه د مایک پنس تر ملاتړ کولو وروسته، ټرمپ د پاڅونوالو د هغو نارو ملاتړ کاوه چې مرستیال ولسمشر، مایک پنس دې په دار شي.

د کانګرس څیړنې ښيي چې ټرمپ له هرې لارې چې کولی يې شول، قوانین یې تر پښو لاندې کول او له خپلو شاوخوا خلکو یې تمه درلوده چې د ۲۰۲۰ کال د ټاکنو پایلو ته له پام پرته پر واک د پاتې کېدو لپاره د ده پلانونه پلي کړي. په ټاکنو کې د درغلۍ په اړه له لویو ادعاوو سره سره، ټرمپ ونه شو کولی چې د خپلې ادعا لپاره کافي شواهد وړاندې کړي؛ خپلو سلاکارانو یې ورته ویلي وو چې کافي ثبوتونه نه لري.

ټاکل شوې کمیټې د امریکا عدلیې وزارت ته سپارښتنه وکړه چې د ټرمپ پر وړاندې جنایې څیړنې پیل کړي؛ که دا کار وشي نو د امریکا په تاریخ کې به لومړی ځل وي چې د یوه ولسمشر پر وړاندې داسې څېړنې کېږي. خو د امریکا لپاره تر دې هم د اندېښنې وړ خبره د امریکا د سیاسي نظام په زړه کې درزونه دي؛ د استازو مجلس کې د مشر ټاکلو پر سر لانجو وښوده چې دا درزونه څومره ژور شوي! د امریکا سیاسي قطبي کېدل، دغه هېواد سره پاشي.

د حزب التحریر مرکزي مطبوعاتي دفتر ته

عدنان خان

۲۰۲۳م کال، د جنورۍ ۱۶مه

۱۴۴۴هـ.ق، د جمادی الثاني ۲۳مه

د مطلب ادامه...

د مسلمانې کورنۍ فاسدول، د دین د له منځه وړلو په مانا دي

  • خپور شوی په سیاسي
د مسلمانې کورنۍ فاسدول، د دین د له منځه وړلو په مانا دي

له عایشې رضی الله عنها څخه روایت دی، چې رسول الله صلی الله علیه وسلم وفرمایل:

«إذا ظهر السوء فی الأرض أنزل الله بأهل الأرض بأسه» قالت: و فیهم أهل طاعة الله عز و جل؟ قال: «نعم، ثم یصیرون إلی رحمة الله تعالی»

ژباړه: کله چې په ځمکه کې فساد څرګند شي، نو الله تعالی خپل عذاب پرې نازلوي. عایشې رضي الله عنها وویل: ان که په منځ کې یې مطيع خلک هم وي؟ ویې ویل: هو، خو وروسته هغوی د الله تعالی د رحمت وړ ګرځي.

د دې موضوع د لیکلو اصلي انګېزه د هغو موضوعاتو روښانه کول دي، چې پر مسلمانو نجونو، هلکانو، کورنیو، ټولنو، ارزښتونو او نېکو اخلاقو سخت بریدونه کوي. په دې برخه کې اصلي جنایتکاران هغه سیاستوال او رهبران دي چې پر چټکو او پرله پسې پروګرامونو کار کوي، ترڅو په دې توګه پر اسلام، د هغه پر پیروانو او هغې پاکۍ او شرافت یرغل وکړي، چې له اسلام څخه سرچینه اخلي. دغه راز موخه یې په فساد او بې‌لاریو کې د مسلمانانو ډوبول دي:

﴿وَدُّواْ لَوْ تَكْفُرُونَ كَمَا كَفَرُواْ فَتَكُونُونَ سَوَاءً فَلَا تَتَّخِذُواْ مِنْهُمْ أَوْلِيَاءَ﴾ [نساء: 89]

ژباړه: هغوی غواړي چې تاسو (هم) د دوی په شان کافران شئ، نو له دوی سره به يو څېر شئ، نو له دوی څخه ځان ته دوستان مه غوره کوئ!

دا پروګرامونه په مستقیم ډول په هغه سازمان پورې تړلي دي، چې ملګري ملتونه ورته وايي او د فرهنګ، تمدن او پرمختګ په نامه یې مخته بیایي. د پلي کولو وسیلې یې پر اسلامي خاورو هغه حاکم مزدور نظامونه دي، چې مشران او رهبران یې رسول الله صلی الله علیه وسلم «روبیضات» یاد کړي دي؛ یعنې هغه کم عقله خلک چې د خلکو د چارو اړوند خبرې کوي.

دغه رهبران له ګناه او منکراتو څخه په ملاتړ ویاړي! دغه واقعیت هغوی داسې ذلیل کړي چې زړونه یې ټول تور شوي او هغه کړنې رهبري کوي، چې د بې‌غیرتۍ د ترویج لامل کېږي. پلار او ورور د خپلې لور او خور د عزت ساتلو پر وړاندې بې‌غیرته کوي او د هغوی له ابرو ساتلو څخه یې منعه کوي. دغه راز مېړه د خپلې مېرمنې په اړه بې‌غیرته کوي! د خپلو دغه ډول فعالیتونو د توجیه کولو لپاره یې د پلار او مېړه لخوا د «کورني تاوتریخوالي» په نامه قوانین وضع کړي، چې له قران او سنتو سره په ټکر کې دي. ان دین په تاوتریخوالي او ترورېزم تورنوي او وایي چې دا احکام له اوسني وخت سره مناسب نه دي، د غرب له تمدن او نوي مدنیت سره جوړ نه راځي. الله سبحانه وتعالی فرمایي:

﴿وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلاً﴾ [نساء: 34]

ژباړه: او هغه ښځې چې له سرغړونې يې اندېښنه لرئ، لومړی نصېحت ورته وکړئ، بیا مو د خوب ځایونه ورنه بېل کړئ او (که بیا یې هم سرغړونه کوله) ویې وهئ او بیا یې که چېرې ستاسو اطاعت وکړ، نو پر هغوی د ظلم لپاره پلمې مه لټوئ.

رسول الله صلی الله علیه وسلم په ځانګړې توګه له داخل څخه د کورنۍ د ملاتړ په اړه فرمایي:

«مُرُوا أَبْنَاءَكُمْ بِالصَّلَاةِ لِسَبْعٍ، وَاضْرِبُوهُمْ عَلَيْهَا لِعَشْرٍ، وَفَرِّقُوا بَيْنَهُمْ فِي المضاجع»

ژباړه: خپلو زامنو ته مو په اووه کلنۍ کې پر لمانځه امر وکړئ او په لس کلنۍ کې یې د لمانځه پر نه کولو ووهئ او د خوب ځای یې له نورو څخه بېل کړئ.

پر همدې اساس بې‌ناموسي د کفارو مذهب دی، بې حجابي او بې غیرتي یې دین دی، تر دې چې الله تعالی پر دوی باندې جنت او یا هم د جنت بوی حرام کړی دی. رسول الله صلی الله علیه وسلم فرمایلي دي:

«ثَلَاثٌ لَا يَدْخُلُونَ الْجَنَّةَ وَلَا يَنْظُرُ اللَّهُ إِلَيْهِمْ يَوْمَ الْقِيَامَةِ: الْعَاقُّ وَالِدَيْهِ، وَالْمَرْأَةُ الْمُتَرَجِّلَةُ الْمُتَشَبِّهَةُ بِالرِّجَالِ، وَالدَّيُّوثُ». (رواه أحمد)

ژباړه: درې ډوله خلک جنت ته نه شي داخلېدای او د قیامت په ورځ به د الله تعالی له رحمت څخه بې برخې وي؛ هغه کس چې د والدینو نافرماني کوي، هغه ښځه چې په جامو او چلند کې له سړیو سره ورته والی کوي او بل بې غیرته دیوث سړی دی.

رسول الله صلی الله علیه وسلم د هغه چا په اړه چې خپل عزت نه خوندي کوي، فرمایي:

«إِنَّ اللَّهَ يَغَارُ، وَإِنَّ الْمُؤْمِنَ يَغَارُ، وَغَيْرَةُ اللَّهِ أَنْ يَأْتِيَ الْمُؤْمِنُ مَا حَرَّمَ عَلَيْهِ»  (مسلم و بخاری)

ژباړه: الله تعالی (پر ځينو شيانو) غيرت کوي او مومن هم (پر ځينو شيانو غيرت کوي) او الله تعالی پر دې غيرت کوي چې مومن هغه څه ترسره کړي چې الله تعالی پرې حرام کړي دي.

 

که پورتنیو دوو حدیثونو ته پام وکړو، نو دا په ډاګه کېږي چې د دغو سختو بریدونو موخه په حقیقت کې د الله تعالی وحې ده. همدارنګه که چېرې په دې برخه کې د بې درېغه فيمنیسټي فعالیتونو، د دوبي تفریحي پروګرامونو، بهر ته له محرم پرته سفر، د اوبو ګډو حوضونو او هغو بې‌حجابه او بې‌پروا نجونو ته پام وکړو، چې د پلار، ورور او مېړه له تسلط څخه د ځان خلاصولو هڅې کوي او د هغو کسانو ملاتړ تر لاسه کوي، چې دوی بې‌لارۍ ته رابولي (هغه سازمانونه او مؤسسې چې دغه ډول کارونو ته یې تشویقوي) او یا هم د هغو هلکانو حالت ته وګورو، چې شلېدلی پتلون یې پر تن، د طلا یا نقرې زنځیر یې پر غاړه، والۍ پر غوږو او دې ته ورته په سلګونو نور کارونه کوي؛ په حقیقت کې د دغو ټولو موخه د الله تعالی پر دین برید کول دي، چې د ازادۍ، تمدن او پرمختګ په پلمه د الله سبحانه وتعالی اوامر تر پښو لاندې کوي! د الله تعالی احکام ځنډېدلي او له واقعیت څخه ګوښه شوي دي! الله رب العالمین د دغو سینګارونو او خوندونو په اړه فرمایي:

﴿وَإِنْ كُلُّ ذَلِكَ لَمَّا مَتَاعُ الْحَيَاةِ الدُّنْيَا وَالْآخِرَةُ عِنْدَ رَبِّكَ لِلْمُتَّقِينَ (35) وَمَنْ يَعْشُ عَنْ ذِكْرِ الرَّحْمَنِ نُقَيِّضْ لَهُ شَيْطَاناً فَهُوَ لَهُ قَرِينٌ (63) وَإِنَّهُمْ لَيَصُدُّونَهُمْ عَنِ السَّبِيلِ وَيَحْسَبُونَ أَنَّهُمْ مُهْتَدُونَ(37)﴾ [زخرف: 35-37]

ژباړه: دا هر څه د دنیا ژر تېرېدونکې متاع ده او اخرت ستا د رب په نزد د متقيانو لپاره دی. څوک چې د رحمن رب له ذکر څخه بې‌پروا شي، نو موږ یو شیطان پرې ګومارو، چې تل به ورسره وي. دا شیطانان دغه ډول خلک پر سمه لاره له تلو څخه منعه کوي، خو دوی به ګومان کوي چې موږ سم روان یو.

ګرانه لوستونکیه! ایا د قیامت ورځ دې په یاد ده، هغه ورځ چې د الله سبحانه وتعالی په حضور کې به بېرته راپورته کېږې! د هغه څه د پلټلو ورځ چې په دنیا کې له کړو عملونو څخه دې پرده پورته کوي، دا هغه عملونه دي چې خپل دین دې پرې له منځه وړی، ژوند دې پرې برباد کړی او ان په ټولو ناوړه کارونو کې له شیطان او د هغه له ډلې سره یو ځای وې! هغه ورځ چې پښېماني او د ځان ملامتول پکې هېڅ ګټه نه لري! الله تعالی فرمایي:

﴿حَتَّى إِذَا جَاءَنَا قَالَ يَا لَيْتَ بَيْنِي وَبَيْنَكَ بُعْدَ الْمَشْرِقَيْنِ فَبِئْسَ الْقَرِينُ (38) وَلَنْ يَنْفَعَكُمُ الْيَوْمَ إِذْ ظَلَمْتُمْ أَنَّكُمْ فِي الْعَذَابِ مُشْتَرِكُونَ﴾ [زخرف: 38-39]

ژباړه: کله چې دغه انسان زموږ حضور  ته راشي، نو (خپل شیطان ته به) وایي: کاشکي زما او ستا تر منځ د ختیځ او لوېدیځ په اندازه فاصله وای، ته خو ډېر بد ملګری وې. (دا وخت به دوی ته وویل شي) دا چې تاسو ظلم کړی، نو نن ستاسو لپاره دا خبره هېڅ ګټه نه کوي، ځکه چې تاسو په عذاب کې له یو بل سره شریک یاست.

دا چې د دغو ټولو فسادونو پر وړاندې د درېدو توان پیدا کړو او د الله تعالی پر دین او شریعت باندې د برید او د رسول الله صلی الله علیه وسلم د سنتو د له منځه وړلو مخه ونیولی شو، نو د کفارو پلانونه او دسیسې باید افشا کړو، اسلوب یې خلکو ته ښکاره کړو او په مستقیم او ښکاره ډول یې پر وړاندې مبارزه وکړو. ځکه هغوی بیا پر موږ د پردې تر شا برید نه کوي، بلکې په ښکاره مو پر دین، عزت، کرامت، ارزښتونو او ارزښت لرونکو مقامونو بریدونه کوي. الله سبحانه وتعالی موږ ته امر کوي، چې په قران منګولې ټینګې کړو او فرمایي:

﴿فَاسْتَمْسِكْ بِالَّذِي أُوحِيَ إِلَيْكَ إِنَّكَ عَلَى صِرَاطٍ مُسْتَقِيمٍ (43) وَإِنَّهُ لَذِكْرٌ لَكَ وَلِقَوْمِكَ وَسَوْفَ تُسْأَلُونَ﴾ [زخرف: 43-44]

ژباړه: پر هغه څه منګولې ټینګې کړه، چې تا ته وحې شوي دي؛ له شک پرته چې ته په سمه لاره یې. په حقیقت کې قران ستا او ستا د قوم لپاره پند او ذکر دی او (ډېر ژر به تاسو د هغه په اړه) وپوښتل شئ.

د الله تعالی دغه امر رسول الله صلی الله علیه وسلم او موږ ته راجع شوی دی، چې پر وحې منګولې ولګوو، له الله او د هغه له رسول څخه پیروي وکړو او له دغه دین سره په ډېره مینه او احترام چلند وکړو، ترڅو زموږ ایمان زیات شي او د واقعي مؤمنانو صفات خپل کړو. الله سبحانه وتعالی فرمایلي دي:

﴿وَأَطِيعُوا اللَّهَ وَرَسُولَهُ إِنْ كُنْتُمْ مُؤْمِنِينَ (1) إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَاناً وَعَلَى رَبِّهِمْ يَتَوَكَّلُونَ (2) الَّذِينَ يُقِيمُونَ الصَّلَاةَ وَمِمَّا رَزَقْنَاهُمْ يُنْفِقُونَ (3) أُولَئِكَ هُمُ الْمُؤْمِنُونَ حَقّاً لَهُمْ دَرَجَاتٌ عِنْدَ رَبِّهِمْ وَمَغْفِرَةٌ وَرِزْقٌ كَرِيمٌ﴾ [انفال: 1- 4]

ژباړه: که تاسو مؤمنان یاست، نو له الله او د هغه له رسول څخه اطاعت وکړئ. رښتیني مؤمنان هغه دي چې زړونه یې د الله تعالی د نوم په اورېدلو لړزیږي او کله چې دوی ته د قرآن ایاتونه تلاوت کېږي، ایمان یې زیاتیږي او پر خپل رب توکل کوي. هغه کسان چې لمونځ قایموي او څه مو چې ورکړي له هغو څخه (زموږ په لار کې) لګوي؛ داسې خلک رښتیني مؤمنان دي. هغوی یې د خپل رب لخوا له لوړو درجو او پراخې روزۍ څخه برخمن دي.

دوی د الله تعالی له هغه فطرت سره سم جنګېږي، چې خلک یې د همغه پر اساس پیداکړي دي. شیطانان د انسانانو په جامه کې دي او الله تعالی موږ ته امر کړی چې د شیطان د وسوسو څخه پیروي مه کوئ! الله تعالی فرمایي:

﴿يَا أَيُّهَا النَّاسُ كُلُوا مِمَّا فِي الْأَرْضِ حَلَالاً طَيِّباً وَلَا تَتَّبِعُوا خُطُوَاتِ الشَّيْطَانِ إِنَّهُ لَكُمْ عَدُوٌّ مُبِينٌ * إِنَّمَا يَأْمُرُكُمْ بِالسُّوءِ وَالْفَحْشَاءِ وَأَنْ تَقُولُوا عَلَى اللَّهِ مَا لَا تَعْلَمُونَ﴾ [168-169]

ژباړه: اې خلکو! د ځمکې حلال او پاک نعمتونه وخورئ او د شیطان پیروي مه کوئ، ځکه هغه ستاسو ښکاره دښمن دی. شیطان تاسو ته په بدو او ناوړه کارونو امر کوي او (تاسو اندېښمن کوي) ترڅو هغه شیان په الله تعالی پورې وتړئ، چې تاسې پرې نه پوهېږئ.

کوم څه چې په دغو بریدونو کې پېښېږي، دا هغه خبرې دي چې د ناپوهۍ او نادانۍ له مخې یې پر الله پورې تړي او ځانونه د ځمکې خدایان بولي. په صحیح مسلم کې له جابر رضی الله عنه څخه روایت دی، چې رسول الله صلی الله علیه وسلم وفرمایل:

«إِنَّ إِبْلِيسَ يَضَعُ عَرْشَهُ عَلَى الْمَاءِ ثُمَّ يَبْعَثُ سَرَايَاهُ، فَأَدْنَاهُمْ مِنْهُ مَنْزِلَةً أَعْظَمُهُمْ فِتْنَةً، يَجِيءُ أَحَدُهُمْ فَيَقُولُ: فَعَلْتُ كَذَا وَكَذَا، فَيَقُولُ: مَا صَنَعْتَ شَيْئاً! قَالَ: ثُمَّ يَجِيءُ أَحَدُهُمْ فَيَقُولُ: مَا تَرَكْتُهُ حَتَّى فَرَّقْتُ بَيْنَهُ وَبَيْنَ امْرَأَتِهِ. قَالَ: فَيُدْنِيهِ مِنْهُ وَيَقُولُ: نِعْمَ أَنْتَ»

ژباړه: ابلیس خپل تخت د اوبو پر سر ږدي؛ وروسته خپل لښکر لېږي، (ترڅو خلک په فتنه کې واچوي) او هغه نفر یې تر ټولو ډېر ورته نیږدې دی، چې لویه فتنه رامنځته کړي. وروسته یې له لښکر څخه یو نفر ابلیس ته راشي او ورته وایي: پلانی او پلانی کار مې وکړ. ابلیس ورته وایي: هېڅ دې هم نه دي کړي. یو بل نفر یې راشي او ورته ووایي: پلانی مې تر هغې پرېنښود، ترڅو چې هغه او مېرمن  مې یې سره بېل کړل. ابلیس هغه خپل ځان ته نېږدې کوي او ورته وایي: ته تر ټولو غوره یې.

مسلمانه وروره! پام کوه چې تر ټولو لویه فتنه د کورنۍ پاشل، د ښځې او مېړه بېلول، د بچیانو بې‌برخلیکه کول او د ارزښتونو، فضایلو، عزت او پاکلمنۍ له منځه وړل دي.

اې مسلمانانو! د دغه ستر یرغل مخه یوازې د هغه خلافت دولت او د هغه د لښکر په وسیله نیول کېږي، چې د اسلام حمل کوونکی او د دعوت ساتونکی دی. په دې برخه کې هر مسلمان باید خپل مسوولیت ومني او هغه امانت ته باید ژمن وي، چې اسلام ورسپارلی دی:

«كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ...»

ژباړه: تاسو ټول مسؤل یئ او د هغو کسانو په اړه پوښتنه درڅخه کېږي، چې تاسو يې مسوليت لرئ

د اسلامي امت پر ټولو نارینه او ښځو واجب ده، ترڅو د هغو پروګرامونو مخه ونیسي چې د اسلام د تخریب او له منځه تلو لپاره رامنځته شوي دي او له ټولو څخه غواړو چې د هغو مزدورو حاکمانو پر وړاندې ودرېږي، چې دین او ارزښتونو ته یې درناوی نه کوي؛ ځکه دا حاکمان ناوړه سرچینې او لوی خطرونه دي. که چېرې د دوی پر وړاندې د درېدو هڅه او اقدام ونه کړو، د الله تعالی له عذاب سره به مخ شو! رسول الله صلی الله علیه وسلم فرمایي:

«مَا مِنْ قَوْمٍ يُعْمَلُ فِيهِمْ بِالْمَعَاصِي هُمْ أَعَزُّ مِنْهُمْ وَأَمْنَعُ لَا يُغَيِّرُونَ إِلَّا عَمَّهُمْ اللَّهُ بِعِقَابٍ» ابن ماجه.

ژباړه: هر هغه قوم چې ګناه پکې وشي او دوی له ګنهکارانو څخه قوي وي، خو مخه یې ونه نیسي، الله تعالی دوی ټول په خپل عذاب اخته کوي.

 

له الرایه مجلې څخه

لیکوال: استاد سعیدالکریم

ژباړن: حبیب الله حبیب

د مطلب ادامه...

د مسلمانې کورنۍ فاسدول، د دین د له منځه وړلو په مانا دي

د مسلمانې کورنۍ فاسدول، د دین د له منځه وړلو په مانا دي

له عایشې رضی الله عنها څخه روایت دی، چې رسول الله صلی الله علیه وسلم وفرمایل:

«إذا ظهر السوء فی الأرض أنزل الله بأهل الأرض بأسه» قالت: و فیهم أهل طاعة الله عز و جل؟ قال: «نعم، ثم یصیرون إلی رحمة الله تعالی»

ژباړه: کله چې په ځمکه کې فساد څرګند شي، نو الله تعالی خپل عذاب پرې نازلوي. عایشې رضي الله عنها وویل: ان که په منځ کې یې مطيع خلک هم وي؟ ویې ویل: هو، خو وروسته هغوی د الله تعالی د رحمت وړ ګرځي.

د دې موضوع د لیکلو اصلي انګېزه د هغو موضوعاتو روښانه کول دي، چې پر مسلمانو نجونو، هلکانو، کورنیو، ټولنو، ارزښتونو او نېکو اخلاقو سخت بریدونه کوي. په دې برخه کې اصلي جنایتکاران هغه سیاستوال او رهبران دي چې پر چټکو او پرله پسې پروګرامونو کار کوي، ترڅو په دې توګه پر اسلام، د هغه پر پیروانو او هغې پاکۍ او شرافت یرغل وکړي، چې له اسلام څخه سرچینه اخلي. دغه راز موخه یې په فساد او بې‌لاریو کې د مسلمانانو ډوبول دي:

﴿وَدُّواْ لَوْ تَكْفُرُونَ كَمَا كَفَرُواْ فَتَكُونُونَ سَوَاءً فَلَا تَتَّخِذُواْ مِنْهُمْ أَوْلِيَاءَ﴾ [نساء: 89]

ژباړه: هغوی غواړي چې تاسو (هم) د دوی په شان کافران شئ، نو له دوی سره به يو څېر شئ، نو له دوی څخه ځان ته دوستان مه غوره کوئ!

دا پروګرامونه په مستقیم ډول په هغه سازمان پورې تړلي دي، چې ملګري ملتونه ورته وايي او د فرهنګ، تمدن او پرمختګ په نامه یې مخته بیایي. د پلي کولو وسیلې یې پر اسلامي خاورو هغه حاکم مزدور نظامونه دي، چې مشران او رهبران یې رسول الله صلی الله علیه وسلم «روبیضات» یاد کړي دي؛ یعنې هغه کم عقله خلک چې د خلکو د چارو اړوند خبرې کوي.

دغه رهبران له ګناه او منکراتو څخه په ملاتړ ویاړي! دغه واقعیت هغوی داسې ذلیل کړي چې زړونه یې ټول تور شوي او هغه کړنې رهبري کوي، چې د بې‌غیرتۍ د ترویج لامل کېږي. پلار او ورور د خپلې لور او خور د عزت ساتلو پر وړاندې بې‌غیرته کوي او د هغوی له ابرو ساتلو څخه یې منعه کوي. دغه راز مېړه د خپلې مېرمنې په اړه بې‌غیرته کوي! د خپلو دغه ډول فعالیتونو د توجیه کولو لپاره یې د پلار او مېړه لخوا د «کورني تاوتریخوالي» په نامه قوانین وضع کړي، چې له قران او سنتو سره په ټکر کې دي. ان دین په تاوتریخوالي او ترورېزم تورنوي او وایي چې دا احکام له اوسني وخت سره مناسب نه دي، د غرب له تمدن او نوي مدنیت سره جوړ نه راځي. الله سبحانه وتعالی فرمایي:

﴿وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلاً﴾ [نساء: 34]

ژباړه: او هغه ښځې چې له سرغړونې يې اندېښنه لرئ، لومړی نصېحت ورته وکړئ، بیا مو د خوب ځایونه ورنه بېل کړئ او (که بیا یې هم سرغړونه کوله) ویې وهئ او بیا یې که چېرې ستاسو اطاعت وکړ، نو پر هغوی د ظلم لپاره پلمې مه لټوئ.

رسول الله صلی الله علیه وسلم په ځانګړې توګه له داخل څخه د کورنۍ د ملاتړ په اړه فرمایي:

«مُرُوا أَبْنَاءَكُمْ بِالصَّلَاةِ لِسَبْعٍ، وَاضْرِبُوهُمْ عَلَيْهَا لِعَشْرٍ، وَفَرِّقُوا بَيْنَهُمْ فِي المضاجع»

ژباړه: خپلو زامنو ته مو په اووه کلنۍ کې پر لمانځه امر وکړئ او په لس کلنۍ کې یې د لمانځه پر نه کولو ووهئ او د خوب ځای یې له نورو څخه بېل کړئ.

پر همدې اساس بې‌ناموسي د کفارو مذهب دی، بې حجابي او بې غیرتي یې دین دی، تر دې چې الله تعالی پر دوی باندې جنت او یا هم د جنت بوی حرام کړی دی. رسول الله صلی الله علیه وسلم فرمایلي دي:

«ثَلَاثٌ لَا يَدْخُلُونَ الْجَنَّةَ وَلَا يَنْظُرُ اللَّهُ إِلَيْهِمْ يَوْمَ الْقِيَامَةِ: الْعَاقُّ وَالِدَيْهِ، وَالْمَرْأَةُ الْمُتَرَجِّلَةُ الْمُتَشَبِّهَةُ بِالرِّجَالِ، وَالدَّيُّوثُ». (رواه أحمد)

ژباړه: درې ډوله خلک جنت ته نه شي داخلېدای او د قیامت په ورځ به د الله تعالی له رحمت څخه بې برخې وي؛ هغه کس چې د والدینو نافرماني کوي، هغه ښځه چې په جامو او چلند کې له سړیو سره ورته والی کوي او بل بې غیرته دیوث سړی دی.

رسول الله صلی الله علیه وسلم د هغه چا په اړه چې خپل عزت نه خوندي کوي، فرمایي:

«إِنَّ اللَّهَ يَغَارُ، وَإِنَّ الْمُؤْمِنَ يَغَارُ، وَغَيْرَةُ اللَّهِ أَنْ يَأْتِيَ الْمُؤْمِنُ مَا حَرَّمَ عَلَيْهِ»  (مسلم و بخاری)

ژباړه: الله تعالی (پر ځينو شيانو) غيرت کوي او مومن هم (پر ځينو شيانو غيرت کوي) او الله تعالی پر دې غيرت کوي چې مومن هغه څه ترسره کړي چې الله تعالی پرې حرام کړي دي.

 

که پورتنیو دوو حدیثونو ته پام وکړو، نو دا په ډاګه کېږي چې د دغو سختو بریدونو موخه په حقیقت کې د الله تعالی وحې ده. همدارنګه که چېرې په دې برخه کې د بې درېغه فيمنیسټي فعالیتونو، د دوبي تفریحي پروګرامونو، بهر ته له محرم پرته سفر، د اوبو ګډو حوضونو او هغو بې‌حجابه او بې‌پروا نجونو ته پام وکړو، چې د پلار، ورور او مېړه له تسلط څخه د ځان خلاصولو هڅې کوي او د هغو کسانو ملاتړ تر لاسه کوي، چې دوی بې‌لارۍ ته رابولي (هغه سازمانونه او مؤسسې چې دغه ډول کارونو ته یې تشویقوي) او یا هم د هغو هلکانو حالت ته وګورو، چې شلېدلی پتلون یې پر تن، د طلا یا نقرې زنځیر یې پر غاړه، والۍ پر غوږو او دې ته ورته په سلګونو نور کارونه کوي؛ په حقیقت کې د دغو ټولو موخه د الله تعالی پر دین برید کول دي، چې د ازادۍ، تمدن او پرمختګ په پلمه د الله سبحانه وتعالی اوامر تر پښو لاندې کوي! د الله تعالی احکام ځنډېدلي او له واقعیت څخه ګوښه شوي دي! الله رب العالمین د دغو سینګارونو او خوندونو په اړه فرمایي:

﴿وَإِنْ كُلُّ ذَلِكَ لَمَّا مَتَاعُ الْحَيَاةِ الدُّنْيَا وَالْآخِرَةُ عِنْدَ رَبِّكَ لِلْمُتَّقِينَ (35) وَمَنْ يَعْشُ عَنْ ذِكْرِ الرَّحْمَنِ نُقَيِّضْ لَهُ شَيْطَاناً فَهُوَ لَهُ قَرِينٌ (63) وَإِنَّهُمْ لَيَصُدُّونَهُمْ عَنِ السَّبِيلِ وَيَحْسَبُونَ أَنَّهُمْ مُهْتَدُونَ(37)﴾ [زخرف: 35-37]

ژباړه: دا هر څه د دنیا ژر تېرېدونکې متاع ده او اخرت ستا د رب په نزد د متقيانو لپاره دی. څوک چې د رحمن رب له ذکر څخه بې‌پروا شي، نو موږ یو شیطان پرې ګومارو، چې تل به ورسره وي. دا شیطانان دغه ډول خلک پر سمه لاره له تلو څخه منعه کوي، خو دوی به ګومان کوي چې موږ سم روان یو.

ګرانه لوستونکیه! ایا د قیامت ورځ دې په یاد ده، هغه ورځ چې د الله سبحانه وتعالی په حضور کې به بېرته راپورته کېږې! د هغه څه د پلټلو ورځ چې په دنیا کې له کړو عملونو څخه دې پرده پورته کوي، دا هغه عملونه دي چې خپل دین دې پرې له منځه وړی، ژوند دې پرې برباد کړی او ان په ټولو ناوړه کارونو کې له شیطان او د هغه له ډلې سره یو ځای وې! هغه ورځ چې پښېماني او د ځان ملامتول پکې هېڅ ګټه نه لري! الله تعالی فرمایي:

﴿حَتَّى إِذَا جَاءَنَا قَالَ يَا لَيْتَ بَيْنِي وَبَيْنَكَ بُعْدَ الْمَشْرِقَيْنِ فَبِئْسَ الْقَرِينُ (38) وَلَنْ يَنْفَعَكُمُ الْيَوْمَ إِذْ ظَلَمْتُمْ أَنَّكُمْ فِي الْعَذَابِ مُشْتَرِكُونَ﴾ [زخرف: 38-39]

ژباړه: کله چې دغه انسان زموږ حضور  ته راشي، نو (خپل شیطان ته به) وایي: کاشکي زما او ستا تر منځ د ختیځ او لوېدیځ په اندازه فاصله وای، ته خو ډېر بد ملګری وې. (دا وخت به دوی ته وویل شي) دا چې تاسو ظلم کړی، نو نن ستاسو لپاره دا خبره هېڅ ګټه نه کوي، ځکه چې تاسو په عذاب کې له یو بل سره شریک یاست.

دا چې د دغو ټولو فسادونو پر وړاندې د درېدو توان پیدا کړو او د الله تعالی پر دین او شریعت باندې د برید او د رسول الله صلی الله علیه وسلم د سنتو د له منځه وړلو مخه ونیولی شو، نو د کفارو پلانونه او دسیسې باید افشا کړو، اسلوب یې خلکو ته ښکاره کړو او په مستقیم او ښکاره ډول یې پر وړاندې مبارزه وکړو. ځکه هغوی بیا پر موږ د پردې تر شا برید نه کوي، بلکې په ښکاره مو پر دین، عزت، کرامت، ارزښتونو او ارزښت لرونکو مقامونو بریدونه کوي. الله سبحانه وتعالی موږ ته امر کوي، چې په قران منګولې ټینګې کړو او فرمایي:

﴿فَاسْتَمْسِكْ بِالَّذِي أُوحِيَ إِلَيْكَ إِنَّكَ عَلَى صِرَاطٍ مُسْتَقِيمٍ (43) وَإِنَّهُ لَذِكْرٌ لَكَ وَلِقَوْمِكَ وَسَوْفَ تُسْأَلُونَ﴾ [زخرف: 43-44]

ژباړه: پر هغه څه منګولې ټینګې کړه، چې تا ته وحې شوي دي؛ له شک پرته چې ته په سمه لاره یې. په حقیقت کې قران ستا او ستا د قوم لپاره پند او ذکر دی او (ډېر ژر به تاسو د هغه په اړه) وپوښتل شئ.

د الله تعالی دغه امر رسول الله صلی الله علیه وسلم او موږ ته راجع شوی دی، چې پر وحې منګولې ولګوو، له الله او د هغه له رسول څخه پیروي وکړو او له دغه دین سره په ډېره مینه او احترام چلند وکړو، ترڅو زموږ ایمان زیات شي او د واقعي مؤمنانو صفات خپل کړو. الله سبحانه وتعالی فرمایلي دي:

﴿وَأَطِيعُوا اللَّهَ وَرَسُولَهُ إِنْ كُنْتُمْ مُؤْمِنِينَ (1) إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَاناً وَعَلَى رَبِّهِمْ يَتَوَكَّلُونَ (2) الَّذِينَ يُقِيمُونَ الصَّلَاةَ وَمِمَّا رَزَقْنَاهُمْ يُنْفِقُونَ (3) أُولَئِكَ هُمُ الْمُؤْمِنُونَ حَقّاً لَهُمْ دَرَجَاتٌ عِنْدَ رَبِّهِمْ وَمَغْفِرَةٌ وَرِزْقٌ كَرِيمٌ﴾ [انفال: 1- 4]

ژباړه: که تاسو مؤمنان یاست، نو له الله او د هغه له رسول څخه اطاعت وکړئ. رښتیني مؤمنان هغه دي چې زړونه یې د الله تعالی د نوم په اورېدلو لړزیږي او کله چې دوی ته د قرآن ایاتونه تلاوت کېږي، ایمان یې زیاتیږي او پر خپل رب توکل کوي. هغه کسان چې لمونځ قایموي او څه مو چې ورکړي له هغو څخه (زموږ په لار کې) لګوي؛ داسې خلک رښتیني مؤمنان دي. هغوی یې د خپل رب لخوا له لوړو درجو او پراخې روزۍ څخه برخمن دي.

دوی د الله تعالی له هغه فطرت سره سم جنګېږي، چې خلک یې د همغه پر اساس پیداکړي دي. شیطانان د انسانانو په جامه کې دي او الله تعالی موږ ته امر کړی چې د شیطان د وسوسو څخه پیروي مه کوئ! الله تعالی فرمایي:

﴿يَا أَيُّهَا النَّاسُ كُلُوا مِمَّا فِي الْأَرْضِ حَلَالاً طَيِّباً وَلَا تَتَّبِعُوا خُطُوَاتِ الشَّيْطَانِ إِنَّهُ لَكُمْ عَدُوٌّ مُبِينٌ * إِنَّمَا يَأْمُرُكُمْ بِالسُّوءِ وَالْفَحْشَاءِ وَأَنْ تَقُولُوا عَلَى اللَّهِ مَا لَا تَعْلَمُونَ﴾ [168-169]

ژباړه: اې خلکو! د ځمکې حلال او پاک نعمتونه وخورئ او د شیطان پیروي مه کوئ، ځکه هغه ستاسو ښکاره دښمن دی. شیطان تاسو ته په بدو او ناوړه کارونو امر کوي او (تاسو اندېښمن کوي) ترڅو هغه شیان په الله تعالی پورې وتړئ، چې تاسې پرې نه پوهېږئ.

کوم څه چې په دغو بریدونو کې پېښېږي، دا هغه خبرې دي چې د ناپوهۍ او نادانۍ له مخې یې پر الله پورې تړي او ځانونه د ځمکې خدایان بولي. په صحیح مسلم کې له جابر رضی الله عنه څخه روایت دی، چې رسول الله صلی الله علیه وسلم وفرمایل:

«إِنَّ إِبْلِيسَ يَضَعُ عَرْشَهُ عَلَى الْمَاءِ ثُمَّ يَبْعَثُ سَرَايَاهُ، فَأَدْنَاهُمْ مِنْهُ مَنْزِلَةً أَعْظَمُهُمْ فِتْنَةً، يَجِيءُ أَحَدُهُمْ فَيَقُولُ: فَعَلْتُ كَذَا وَكَذَا، فَيَقُولُ: مَا صَنَعْتَ شَيْئاً! قَالَ: ثُمَّ يَجِيءُ أَحَدُهُمْ فَيَقُولُ: مَا تَرَكْتُهُ حَتَّى فَرَّقْتُ بَيْنَهُ وَبَيْنَ امْرَأَتِهِ. قَالَ: فَيُدْنِيهِ مِنْهُ وَيَقُولُ: نِعْمَ أَنْتَ»

ژباړه: ابلیس خپل تخت د اوبو پر سر ږدي؛ وروسته خپل لښکر لېږي، (ترڅو خلک په فتنه کې واچوي) او هغه نفر یې تر ټولو ډېر ورته نیږدې دی، چې لویه فتنه رامنځته کړي. وروسته یې له لښکر څخه یو نفر ابلیس ته راشي او ورته وایي: پلانی او پلانی کار مې وکړ. ابلیس ورته وایي: هېڅ دې هم نه دي کړي. یو بل نفر یې راشي او ورته ووایي: پلانی مې تر هغې پرېنښود، ترڅو چې هغه او مېرمن  مې یې سره بېل کړل. ابلیس هغه خپل ځان ته نېږدې کوي او ورته وایي: ته تر ټولو غوره یې.

مسلمانه وروره! پام کوه چې تر ټولو لویه فتنه د کورنۍ پاشل، د ښځې او مېړه بېلول، د بچیانو بې‌برخلیکه کول او د ارزښتونو، فضایلو، عزت او پاکلمنۍ له منځه وړل دي.

اې مسلمانانو! د دغه ستر یرغل مخه یوازې د هغه خلافت دولت او د هغه د لښکر په وسیله نیول کېږي، چې د اسلام حمل کوونکی او د دعوت ساتونکی دی. په دې برخه کې هر مسلمان باید خپل مسوولیت ومني او هغه امانت ته باید ژمن وي، چې اسلام ورسپارلی دی:

«كُلُّكُمْ رَاعٍ وَكُلُّكُمْ مَسْئُولٌ عَنْ رَعِيَّتِهِ...»

ژباړه: تاسو ټول مسؤل یئ او د هغو کسانو په اړه پوښتنه درڅخه کېږي، چې تاسو يې مسوليت لرئ

د اسلامي امت پر ټولو نارینه او ښځو واجب ده، ترڅو د هغو پروګرامونو مخه ونیسي چې د اسلام د تخریب او له منځه تلو لپاره رامنځته شوي دي او له ټولو څخه غواړو چې د هغو مزدورو حاکمانو پر وړاندې ودرېږي، چې دین او ارزښتونو ته یې درناوی نه کوي؛ ځکه دا حاکمان ناوړه سرچینې او لوی خطرونه دي. که چېرې د دوی پر وړاندې د درېدو هڅه او اقدام ونه کړو، د الله تعالی له عذاب سره به مخ شو! رسول الله صلی الله علیه وسلم فرمایي:

«مَا مِنْ قَوْمٍ يُعْمَلُ فِيهِمْ بِالْمَعَاصِي هُمْ أَعَزُّ مِنْهُمْ وَأَمْنَعُ لَا يُغَيِّرُونَ إِلَّا عَمَّهُمْ اللَّهُ بِعِقَابٍ» ابن ماجه.

ژباړه: هر هغه قوم چې ګناه پکې وشي او دوی له ګنهکارانو څخه قوي وي، خو مخه یې ونه نیسي، الله تعالی دوی ټول په خپل عذاب اخته کوي.

 

له الرایه مجلې څخه

لیکوال: استاد سعیدالکریم

ژباړن: حبیب الله حبیب

د مطلب ادامه...

سیمه‌ییز اقتصادي بلاکونه او د ډېرو اسلامي خاورو تشه

  • خپور شوی په سیاسي
سیمه‌ییز اقتصادي بلاکونه او د ډېرو اسلامي خاورو تشه

بسم الله الرحمن الرحیم

(ژباړه)

هغه نړۍ چې ګڼو خدمتونو او د بېلابېلو توکو بې‌پایه اړتیاوو او مادیاتو ته پکې اړتیا ده، دولتونه د سترو ازادو بازارونو د رامنځته کېدو او د خدمتونو او سوداګریزو توکو د پراخې راکړې ورکړې هڅه کوي. همدارنګه دولتونه د داسې بازارونو رامنځته کېدو په لټه کې دي چې ګمرکي خنډونه او مالیاتي ستونزې ترې لېرې شي. دوی هڅه کوي چې پردۍ پانګونې او په پرېمانه پیسې راجذب کړي. په داسې یوه نړۍ کې چې دولتونه په یوه سیمه کې راټول شوي، هڅه کوي چې له یو بل سره په یو واحد اقتصادي بلاک کې یوځای شي، چې دا موخې پوره کوي او د اقتصادي تکامل کچې ته د رسېدو لپاره سوداګریزې اسانتیاوې رامنځته کوي؛ ترڅو په دې سره د اقتصادي قدرت درجه تر لاسه شي، چې په یوازې توګه داسې اقتصادي بلاک ته د یو دولت رسېدل ناشوني دي.

په نننۍ نړۍ کې تر لسو ډېر سوداګریز او اقتصادي بلاکونه شته چې همدغو موخو ته د رسېدو هڅې کوي. ځینو هېوادونو واقعي بریاوې تر لاسه کړې چې پر مټ یې د غړو هېوادونو اقتصادي کچه لوړه کړې او د یو شمېر نورو ځانګړو اسبابو له امله، چې پخپل ځای کې یې په اړه خبرې کوو، خپلو موخو ته په رسېدو کې نه دي بریالي شوي.

هغه سیمه‌ییز اقتصادي بلاکونه چې نن په نړۍ کې شته، لس بلاکونه یې یادولی شو، خو پنځه بریالي بلاکونه دا دي:

۱- اروپایي ټولنه: اروپایي ټولنه اوسمهال له ۲۷غړو څخه تشکیل شوې چې یې له «شینګن» سیمې سره یوځای شوي او په «یورو» یو پولي واحد راکړه ورکړه کوي. بهرني مسافر په یوه وېزه سره ټولو هېوادونو ته تللی شي. نو پر دغه اساس، هېڅ داسې ستونزه پکې نشته چې د خلکو د تګ راتګ او په بشپړې ازادۍ او ډېرې اسانتیا سره د سوداګریزو توکو د راکړې ورکړې خنډ شي.  

اروپايي ټولنې د تېرې پېړۍ په ۵۰مه لسیزه کې له شپږو دولتونو سره، چې له فرانسې، المان، ایټالیا، هالنډ، بلژیک او لوکزامبورګ څخه عبارت دي، خپل ماموریت پیل کړ. په دغو هېوادونو کې په پیل کې د ډبرو سکرو او اوسپنې بازار ازاد شو او د وخت په تېرېدو سره په اروپایي بازار بدل شو، چې په ټولو توکو کې ګډ بازار دی. تر دې وروسته د لودیځې اروپا نور هېوادونه لکه اسپانیا، پرتګال، ایرلنډ او بریټانیا هم دغه بازار ته دننه شول. دغه بازار نور هم پراخ شو چې د ختیځې اروپا نور هېوادونه لکه مجارستان، لهستان، بلغارستان، رومانیا، چک جمهوریت او سلواکیا هم ورسره یوځای شول او تل د پراختیا په حال کې دی.

په ۱۹۹۲م کال کې د «ماستریخت» د هوکړې تر لاسلیک وروسته د اروپا بازار پر اروپایي ټولنه بدل شو چې په دې سره اروپا په نړۍ کې له ۵۰۰میلیونه څخه د ډېرو کسانو لپاره د ستر بازار څښتنه شوه.

اروپایي ټولنې په اسانۍ سره په دې ټولنه کې دننه بېلابېلې نژادي او ژبنۍ ستونزې له منځته یوړې او ۲۴رسمي ژبې چې د نن ورځې اروپایان په دې ټولنه کې پر خبرې کوي، په رسمیت وپېژندې.

اروپایي ټولنې د غړو هېوادونو لپاره په اقتصادي او سوداګریزو پرمختګونو بسنه ونه کړه، بلکې د سیاسي اړخونو پراخوالي ته یې هم پوره پام وکړ. پر همدغه اساس، یو عمومي کمېسیون یې رامنځته کړ چې د خپلو هېوادونو د بهرنیو سیاستونو پر یووالي څارنه کوي او د ټولو غړو په استازیتوب یې واحد پارلمان رامنځته کړ. همدارنګه دې ټولنې د الزامي قوانینو د وضع کولو لپاره ټولو هېوادونو ته ګډې محکمې تاسیس کړې.

خو دغه سیاسي او قانوني اړخونه د اروپایي ټولنې په دولتونو لکه فرانسې، المان او بریټانیا کې د شخړو او ستونزو رامنځته کېدو لامل شول، چې له دې ټولنې څخه یې د بشپړې سیاسي خپلواکۍ غوښتنه کوله. دا چاره سبب شوه چې بریټانیا له دغې ټولنې څخه ووځي او په دې سره په فرانسه، المان، ایټالیا او اسپانیا کې هم سیالۍ او لانجې رامنځته شوې.

۲- د نفتا اقتصادي بلاک: دغه تړون د شمالي امریکا د دولتونو یعني د امریکا متحده ایالاتو، کاناډا او مکزیک تر منځ د ازادې سوداګرۍ لپاره دی. دغه اقتصادي بلاک په ۱۹۹۳م کال کې تاسیس شو او په درې ګونو دولتونو کې د سوداګریزو توکو ازادې راکړې ورکړې ته ځانګړی شو چې اوسېدونکي یې له ۴۵۰میلیونه تنو څخه ډېر دي او تر منځ یې هېڅ ستونزه نشته. خو د اروپایي ټولنې پر خلاف سیاسي اړخونه پکې نشته او کېدای شي دا موضوع یې له یادې ناحیې څخه د غوره‌والي لامل شوې وي.

۳- آسه آن بلاک: دغه بلاک د لودیځې اسیا دولتونو د همپالنې بلاک په نامه یادېږي او په دغه بلاک کې لس دولتونه لکه اندونیزیا، مالیزیا، برونټي، ټایلنډ، سنګاپور، ویتنام، لاوس، کمبودیا، فلیپین او میانمار پکې ګډون لري. دغه اقتصادي بلاک د تاسیس له پلوه لومړنی بلاک دی چې په ۱۹۷۶م کال کې تاسیس شو. دغه سوداګریز او فعال بلاک د دغو دولتونو لپاره دی او په مستقیم ډول په محسوس کوانټومي خوځښت سره د اقتصادي کچې په لوړولو کې بریالی شو او هغه یې د مخ پر ودې دولتونو په ردیف کې شامل کړ.

۴- د جنوب ګډ بازار بلاک: دغه بلاک د جنوبي امریکا دولتونو لپاره ځانګړی بلاک دی او لس دولتونه پکې شامل دي، چې له برازیل، ارجنټاین، اروګوای، پراګوای، شيي، پرو، بولیوي، کلمبیا، ونزویلا او اکوادور څخه عبارت دي. دغه بلاک په ۱۹۹۱ م کال کې تاسیس شو او د ودې له پلوه په نړۍ کې چټک اقتصادي بلاک یادېږي.

۵- د ارکیوم بلاک: دا د «کاراییب» سیمې دولتونو ګډ بازار دی او ۱۲مخ پر ودې دولتونه پکې شامل دي چې له ډلې څخه یې هاییتي، جاماییکا، ګرانادا، سورینام او نور واړه هېوادونه دي. دغه اقتصادي بلاک له دغو هېوادونو سره مرسته کړې چې په نسبي بڼه د کمزورو او کوچنیو دولتونو په توګه خپل اقتصاد ته وده ورکړي؛ خو په دغه بازار کې یې شتون له دغو دولتونو سره مرسته کړې چې په کور دننه د لوږې او بېکارۍ له ډېرېدو څخه وژغورل شي؛ څنګه چې دغه موضوع په کوچنیو دولتونو کې په ورته سیمو کې رامنځته کېږي.

نابریالي او متزلزل پنځه اقتصادي بلاکونه دا دي:

1- د اوراسیا اقتصادي ټولنه: دغه ټولنه په ۲۰۱۴م کال کې تاسیس شوه او پنځه دولتونه، روسیه، بلاروس، قزاقستان، ارمنستان او قرغیزستان پکې شامل دي. دغه بلاک د روسیې د ولکې او په روسیه پورې د غړو هېوادونو د نیمه مطلق سیاسي تړښت له کبله بریا ته ونه رسېد.

۲- سیمه‌ییز اقتصادي بشپړ مشارکت: دغه مشارکت په ۲۰۲۰ م کال کې اعلان شو او له ۱۵دولتونو څخه تشکیل شو. لس هېوادونه یې د «آسه آن» په بلاک کې شته او پنځه نور یې چین، جاپان، اسټرالیا، نیوزلنډ او جنوبي کوریا دي. د دغه بلاک د ماتې علت د پرمختللو او سترو دولتونو شتون دی چې ګټې یې په ټکر کې دي او سیاسي لیدلوري یې یو له بل سره جوړ نه دي. چین هڅه کوي چې د خپل اقتصادي قدرت له امله پر دغه بلاک واکمن شي، خو د چین رقابت له یوه پلوه او له جاپان، اسټرالیا، نیوزلنډ او جنوبي کوریا سره سیالي له بل لوري د دې سبب شوې چې دغه بلاک ناکام شي.

۳- د لودیځې افریقا دولتونو اکواس بلاک: دغه بلاک د خپلو دولتونو په منځ کې د یو ګډ بازار په توګه په ۱۹۷۵م کال کې تاسیس شو او د بریټانیا پلوو شپږو هېوادونو لکه نایجیریا، غنا، کنیا، ګامبیا او سیرالیون سره یې پیل غوره و او په جزیي بڼه بریالی شو. وروسته فرانسې خپل پلوي هېوادونه لکه مالي، سنګال او نور دغه بلاک ته ورداخل کړل. پر همدغه اساس، د دغه بلاک غړي هېوادونه ۱۵ته ورسېدل چې اوسېدونکي یې شاوخوا ۳۵۰ میلیونه وو. تر دې وروسته فرانسې هڅه وکړه چې د بریټانیا د اکو پولي واحد تر څنګ خپل افریقایي فرانک پولي واحد هغه ته دننه کړي. نو د دواړو ډلو تر منځ لانجه رامنځته شوه او پر بلاک یې سیاسي برید وکړ. سیاسي نښتې پیل شوې او بلاک ناکام شو، چې له سیاسي او سوداګریز پلوه کمزوری شو.

۴- د ختیځې افریقا بلاک: دغه یو ګډ او نوی بازار دی چې په ۲۰۱۰ م کال کې تاسیس شو. په دغه بلاک کې د ختیځې افریقا اوه هېوادونه کنیا، تانزانیا، اوګاندا، بوروندي، روانډا، کانګو او جنوبي سوډان شامل دي. کېدای شي دلیل یې په جنوبي سوډان او کانګو کې د کورنیو جګړو پیل او د هغوی د اقتصادونو کمزورتیا وي.

۵- د جنوبي افریقا د پراختیا بلاک: دغه بلاک ګډ بازار دی چې په ۱۹۹۲ م کال کې تاسیس شوی. په دغه بلاک کې نهه دولتونه لکه انګولا، بوتسوانا، مالاوي، موزامبیک، تانزانیا، زامبیا، زممبابوې، لسوتو، اسواتیني او یو شمېر نور منزوي هېوادونه شامل دي، چې په نورو هېوادونو کې بند پاتې دي. دغه اقتصادي بلاک د ډېرو دغو دولتونو د اقتصادي کچې په لوړولو او له لوږې څخه د هغوی په ژغورلو کې بریالی نه شو.

دا په نړۍ کې شته سیمه‌ییز مهم اقتصادي بلاکونه دي چې ډېری اسلامي هېوادونه لکه ټول عربي دولتونه، پاکستان، بنګله دېش، ترکیه او ایران کې پکې نشته؛ څنګه چې دغه هېوادونه پر دې نه دي توانېدلي چې د خپل ځان لپاره اقتصادي بلاکونه جوړ کړي او همدې موضوع یې ځواک کمزوری کړی او هغوی یې په نورو پورې تړلي دي.

الرایه جریده: ۴۲۶مه شماره

لیکوال: استاد احمد «الخطوانی»

ژباړه: بهیر «ویاړ»

د مطلب ادامه...
Subscribe to this RSS feed

الواقیه تلویزیون

اسلامي خاورې

اسلامي خاورې

غربي هېوادونه

ټول لینکونه

د پاڼې برخې