ایک بار پھرامریکی افواج نے دو دنوں کے اندر پاکستان میں دو بار فضائی حملہ کر کے 34افراد کو شہید کر دیا۔ دو اپاچی ہیلی کاپٹروں کے ذریعے امریکہ نے پاکستان کی حدود میں فائرنگ و بمباری کر کے پہلے تیس افراد کو شہید کیا اور اگلے روزدوبارہ چار افراد کو شہید کر دیا۔ باوجود یہ کہ پاکستانی سرحد پر افواج پاکستان کی 821چیک پوسٹیں اور ایک لاکھ سے زائد فوجی موجود ہیں لیکن ان کو آنکھیں اور کان بند کرنے کا حکم دیا گیاہے۔ ان واقعات کی اطلاع بھی نیٹو نے پہنچائی اور پاکستانی حکمران کافر صلیبیوں کے ان حملوں سے لوگوں کو بے خبر رکھتے رہے۔ حملہ آوروں کی پریس ریلیز کے مطابق انھوں نے یہ سب کچھ ''درست طریقہ کار‘‘ کے مطابق سر انجام دیا۔ اخباری رپورٹ کے مطابق اس''درست طریقہ کار‘‘ کے معاہدے کے تحت وہ طالبان کا پیچھا کرتے ہوئے 6کلومیٹر تک پاکستان میں گھس کر ان پر حملہ کر سکتے ہیں ۔ یہ واقعات ان ڈرون حملوں کے علاوہ ہیں جس میں سیلاب کے بعد انتہائی شدت لائی گئی ہے اور ہر دن کم از کم ایک، دو حملے کئے جا رہے ہیں۔ اس سال میں اب تک 80سے زائد ڈرون حملے کئے جا چکے ہیں جس کے بارے میں زرداری نےCIAکے سربراہ مائیکل ہیڈن سے کہا کہ ''(ان حملوں میں) عام شہریوں کی ہلاکت سے امریکیوں کو پریشانی ہوتی ہو گی، مجھے اس سے کوئی فرق نہیں پڑتا۔‘‘ کیا رٹ آف دی سٹیٹ صرف جامعہ حفصہ کی بچیوں کو زندہ جلانے کیلئے تھی؟ کیا امریکی ڈرون حملوں اور ہیلی کاپٹروں کے پاکستان میں گھس کر قتل عام کرنے سے اس پر کوئی آنچ نہیں آتی؟ حزب التحریر ان حملوں اور ان غدار حکمرانوں کی شدید مذمت کرتی ہے اور امت کی جانب سے ان سے جواب مانگتی ہے کہ وہ بتائیں کہ کس کی اجازت سے انھوں نے پاکستان کی خودمختاری کو بار بار بیچا؟ امریکہ سیلاب کے بعد کی صورتحال میں فوج کی سیلاب زدگان کی بحالی کی مصروفیات سے شدید پریشان ہے اور وہ امریکی جنگ میں تیزی لانا چاہتا ہے۔

17ستمبر کو ہالبروک نے اسلام آباد میں صحافیوں سے بات چیت کرتے ہوئے واضح انداز میں دھمکی دی، ''یقیناً ہم پاکستانی افواج کی جانب سے (سیلاب زدگان کی مدد کے نام پر )دہشت گردی کے خلاف جنگ میں سستی پسند نہیں کریں گے۔‘‘ یہ ڈرون اور فضائی حملے امریکہ کی اسی جانب کوشش کا حصہ ہے جو وہ پاکستانی حکمرانوں کی ملی بھگت سے کر رہا ہے، اور اس کی پیش رفت کیلئے ملک میں ایک بار پھر لوڈ شیڈنگ کا دورانیہ بھی بڑھا دیا گیا ہے، تاکہ عوام کو اپنے مسائل میں الجھا کر اس سے بے خبر رکھا جا سکے۔ امت اور افواج پاکستان میں مخلص عناصراس سنگین صورتحال پر اپنے گھروں میں کڑھنے کے بجائے حزب التحریر کا ساتھ دیں، تاکہ اس پوری بازی کو پلٹا جا سکے ۔ اور خلافت کے قیام کے ذریعے امریکی استعمار کا گلا گھونٹا جا سکے۔

عمران یوسفزئی
پاکستان میں حزب التحریرکے ڈپٹی ترجمان

آج پاکستان میں ہر طرف انقلاب اور تبدیلی کی بات ہو رہی ہے، گھر ہوں یا دفتر، فیکٹریاں ہوں یا گلی محلے، عوامی مقامات ہوں یا ڈرائینگ روم، عام لوگ اور بااثر طبقہ سب تبدیلی کی بات کر رہے ہیں۔ اسلام اور مسلمانوں کے خلاف ظالم حکمرانوں کے اَن گنت جرائم کے خلاف مسلمان شدید غم وغصے میں ہیں۔ وہ دیکھ رہے ہیں کہ اگرچہ پاکستان بے پناہ وسائل سے مالا مال ہے ، جس میں کوئلہ ، سونا اور تانبے جیسی معدنیات شامل ہیں، اور باوجود یہ کہ مسلمانوں کا دین ایسے معاشی نظام کا حامل ہے جو ہزار سال سے زائد عرصے تک دنیا کے لیے قابلِ رشک رہا ہے ،لیکن آج سیلاب زدہ علاقوں اور دیگر شہروں میں لاکھوں مسلمان بنیادی ضروریات کی چیزوں سے محروم ہیں، کیونکہ ان حکمرانوں نے استحصال پر مبنی سرمایہ دارانہ اقتصادی نظام نافذ کر رکھا ہے ۔ وہ اس بات کا بھی مشاہدہ کر رہے ہیں کہ اگرچہ پاکستان کی فوج دنیا کی ساتویں بڑی فوج ہے ، اس کے باوجودپاکستان کے مسلمان شدید عدم تحفظ سے دوچار ہیں کیونکہ ان حکمرانوں نے امریکہ کو پاکستان میں کھلی چھٹی دے رکھی ہے ، امریکہ کی پرائیویٹ فوجی تنظیمیں پاکستان کے عوامی مقامات میں بم دھماکے کروا رہی ہیں اور امریکی ڈرون طیارے قبائلی علاقوں میں قیامت برپا کر رہے ہیں ۔ اور اگرچہ مسلمانوں نے صدیوں سے اسلام کو سینے سے لگا ئے رکھا ہے اور اس کے لیے ہر دور میں قربانیں دیتے رہے ہیں، پاکستان کے حکمران اسلام کی عمدہ و اعلیٰ اقدار کو کھرچ ڈالنے کی کوشش کر رہے ہیں، انہوں نے استعماری اداروں کو اس بات کی اجازت دے رکھی ہے کہ وہ تعلیمی اصلاحات کے نام پر تعلیمی نصاب کی کانٹ چھانٹ کریں ، دوسری طرف انہوں نے مغربی کمپنیوں کو کھلی چھوٹ دے رکھی ہے کہ وہ ثقافتی میلوں اور مارکیٹنگ کے نام پر غلیظ ثقافت اور رسومات کو مسلمانوں میں فروغ دیں۔

پاکستان کا موجودہ سرمایہ دارانہ نظام محض استعماری کفار اور ان کے ایجنٹوں کو فائدہ پہنچانے کے لیے ہے۔ پچھلی نصف صدی سے مغربی کفار نے پاکستان کے مسلمانوں کے اوپر ایسے حکمرانوں کو مسلط کیا جنہوں نے کفر کو نافذ کیا اور مسلمان ان سے نفرت کرتے تھے۔ جب مسلمانوں کی یہ نفرت ان حکمرانوں کے گلے تک پہنچنے لگی اور حکمرانوں کے خلاف رائے عامہ اس قدر شدید ہو گئی کہ ان ایجنٹ حکمرانوں کے لیے اپنے مغربی آقاؤں کے احکامات کو نافذ کرنا دشوار ہو گیا ، تو استعماری کفار نے اپنے ہی لائے ہوئے ایجنٹ حکمرانوں کو قربان کیا تاکہ پاکستان میں نافذ استعماری نظام کو بچایا جائے اور الیکشن یا فوجی انقلاب کے ذریعے ایک نئے ایجنٹ کو لا کر بٹھا دیا۔ اور ہر بے شرم ایجنٹ حکمران نے اس بات کو فرض جانا کہ وہ جس حد تک ہو سکے سابقہ حکمران کو لعن طعن کرے ، اور اپنے بے نقاب ہو جانے کے بعد نئے ایجنٹ کے لیے جگہ بنائے۔ مشرف اسی انداز سے آیا اور رخصت ہوا تھا اور زرداری بھی اسی انداز سے آیا ہے اور اسی انداز سے جائے گا۔ یہی وجہ ہے کہ لوگ اب جان چکے ہیں کہ موجودہ نظام کے تحت انتخابات مزید ظلم اور تباہی کا پروانہ لے کر آئیں گے۔ اور یہی وجہ ہے کہ لوگوں کا اعتماد اس نظام سے اور ہر اُس لیڈرشپ سے اٹھ چکا ہے جو اس نظام میں شامل ہونے کے لیے لپکتی ہے، خواہ وہ جمہوری قیادت ہو یا کوئی فوجی آمر۔

اس نظام کے ذریعے کبھی حقیقی تبدیلی نہیں آئے گی، کبھی بھی نہیں! اس استعماری نظام کی اصلاح نہیں ہو سکتی اور نہ ہی یہ کبھی مسلمانوں کے لیے کوئی خیر وبھلائی لا سکتا ہے۔ یہ نظام ہمیشہ حکمرانوں کی خاطر محکوم عوام پر ظلم ڈھائے گا ، کیونکہ اس نظام کا بنیاد ی وصف یہ ہے کہ یہ ایک کفریہ نظام ہے جسے اِس انداز سے تعمیر کیا گیا ہے کہ استعماری آقاؤں اور ان کے وفادار حکمرانوں کی خواہشات کو پورا کیا جائے، خواہ یہ حکمران ڈکٹیٹر اور اس کے حواری ہوں یا تمام کی تمام پارلیمنٹ ہو یا پھر ٹیکنوکریٹس اور ''بے داغ سیاست دان‘‘ ہوں۔ عوام اس خواہش و ہوس کے نظام کے استحصال کا نشانہ بنتے ہیں اور یہ انہیں ان کے حقوق اور اللہ کی عطا کردہ رحمتوں سے محروم رکھتا ہے، جبکہ اللہ تعالیٰ نے ارشاد فرمایاہے:

(فَاحْکُمْ بَےْنَھُمْ بِمَآ اَنْزَلَ اللّٰہُ وَ لَا تَتَّبِعْ اَھْوَاءَ ھُمْ عَمَّا جَآءَ کَ مِنَ الْحَقِّ)(المائدہ48 : )
'' پس ان کے درمیان اللہ کے نازل کردہ احکامات کے ذریعے فیصلہ کریں،اور جو حق آپ کے پاس آیا ہے، اس کے مقابلے میں ان کی خواہشات کی پیروی نہ کیجئے گا‘‘

اے مسلمانانِ پاکستان!

صرف خلافت ہی حقیقی تبدیلی لائے گی کیونکہ یہ ایک ایسا نظام ہے جو اللہ سبحانہ تعالیٰ کے نازل کردہ احکامات پر استوار ہوتا ہے۔ یہ ایسا نظام ہے جو خیر کو نافذ کرتا ہے اور شر کا سدِ باب کرتا ہے اور عوام کو چند لوگوں کی خواہشات اور پسند و ناپسند کے حوالے نہیں کرتا ، چنانچہ یہ نظام ظلم و استحصال سے پاک ہوتا ہے۔ یہ نظام عوام کو محفوظ بناتا ہے کیونکہ یہ نظام اس بات کو یقینی بناتا ہے کہ صرف اللہ تعالیٰ کے عطا کردہ قرآن و سنت ہی اس بات کا فیصلہ کریں کہ حق کیا ہے اور باطل کیا ہے، درست کیا ہے اور غلط کیا ہے، قانونی کیا ہے اور غیر قانونی کیا ہے۔ پس اس نظام میں کرپٹ ایجنٹ اور ان کے استعماری آقاؤں کے لیے کوئی گنجائش موجود نہیں کہ وہ لوگوں کا استحصال کر سکیں۔ اللہ تعالیٰ نے ارشاد فرمایا:

(وَعَسى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لاَ تَعْلَمُونَ )
''عجب نہیں کہ ایک چیز تمہیں ناپسند ہو لیکن وہ تمہارے لیے خیر کا باعث ہو اور عجب نہیں کہ ایک چیز تمہیں پسند ہو لیکن وہ تمہارے لیے شر کا باعث ہو۔ ان باتوں کو اللہ ہی جانتا ہے اورتم نہیں جانتے‘‘(البقرۃ:216)

یہ صرف نظامِ خلافت ہی ہے جو حکمران کو دینِ اسلام کا پابند بناتا ہے اور انہیں مجبور کرتا ہے کہ وہ ذاتی مفادات اور خواہشات پر اللہ کے دین کو مقدم رکھے۔ خلیفہ اس بات کا پابند ہوتا ہے کہ وہ اللہ کے نازل کردہ احکامات کو ہی نافذ کرے۔ ریاستِ خلافت میں محکمۂ مظالم ایسے کسی بھی حکمران کو برخاست کرنے کا اختیار رکھتا ہے جو کفریہ قوانین نافذ کرے۔ ریاستِ خلافت میں ایسی سیاسی جماعتیں موجود ہوں گی جو اسلام کی بنیاد پر حکمرانوں کا محاسبہ کریں ، اور انہیں اپنے قیام کے لیے کسی حکومتی اجازت کی ضرورت نہیں ہو گی کیونکہ حکمران کا محاسبہ اسلام کی رُو سے فرض ہے ۔ اور یہ امر امت ، شعور وبصیرت رکھنے والے لوگوں ، علماء اور میڈیا کی حوصلہ افزائی کرے گا کہ وہ منتخب کردہ مجلسِ اُمت میں اوراس کے باہر بھی حکمرانوں کا سنجیدگی سے محاسبہ کریں، اور یوں امر بالمعروف اور نہی عن المنکر کے فرض کو پورا کریں۔

یہ صرف خلیفۂ راشد ہی ہوگا جو چند گھنٹوں میں پاکستان میں ایسی تبدیلی لائے گی، جس کا لوگ مشاہدہ کریں گے اور اسے براہِ راست محسوس کریں گے۔ خلیفہ صلیبی امریکہ کے ساتھ ہرطرح کے تعاون کو فوری طور پر ختم کرتے ہوئے نہ صرف ان کے فوجی سٹاف بلکہ سفارتی عملے کو بھی اسلامی علاقوں سے بیدخل کر دے گا۔ خلیفہ نیٹو کی سپلائی لائن کو فوراً کاٹ دے گا تاکہ افغانستان میں صلیبی قبضے کو اپنی ہی موت ماراجاسکے۔ خلیفہ اُن تمام فوجی اثاثہ جات جیسے جیکب آباد کا ائیر بیس اور دیگر فوجی اڈوں کوآزاد کرائے گاجوامریکی ڈرون حملوں کے لیے استعمال ہورہے ہیں اور انہیں سیلاب زدہ علاقوں میں امدادی کاموں کے لیے استعمال کرے گا۔ خلیفہ قبائلی علاقوں اور بلوچستان میں سے مخلص مسلمانوں کو گلے سے لگائے گا اور انہیں اسلامی فوج کا حصہ بنائے گا، نیزمسلمانوں کی صفوں میں موجود منافق لوگوں کو بے نقاب کرے گا،تاکہ مسلمان اسلام اور امتِ مسلمہ کی خاطر یکجان ہو جائیں۔ خلیفہ گیس اور معدنیات کے ذخائرجیسے عوامی اثاثہ جات پر پرائیویٹ ملکیت ختم کرے گا اور یہ اثاثہ جات خلافت کے تمام باشندوں کی بہبود کے لیے استعمال ہوں گے ، وہ استعماری اداروں سے حاصل کردہ سودی قرضوں کی قسط وار ادائیگی کو فوراً منسوخ کرے گا اور اسلام کے محصولات کے نظام کو قائم کرے گا ،یوں امت کے لیے اربوں ڈالر کی دولت دستیاب ہو گی اورغریب لوگوں کو سکھ کا سانس نصیب ہو گا۔ ٹیکس صرف ان لوگوں سے وصول کیا جائے گا ، جو نہ توضرورت مند ہوں اور نہ ہی یہ ٹیکس ان کی استطاعت سے زیادہ ہو۔ اور خلیفہ تمام مسلم ممالک کو ایک واحد ریاست میں تبدیل کرنے کے لیے دن رات ایک کرے گا، جو وسائل کی کثرت کے لحاظ سے دنیا کی عظیم ترین ریاست ہو گی ۔ یہ سب اسلام کے مکمل نفاذ کا لازمی نتیجہ ہے۔

اے افواجِ پاکستان کے مسلمانو!

کب تک آپ استعماری کفاراور ان کے ایجنٹوں کو اس بات کی اجازت دیں گے کہ وہ آپ کے لوگوں کو دھوکہ دیں اور انہیں حقیقی تبدیلی سے محروم رکھیں؟ کیا آپ محض کھڑے دیکھتے رہیں گے جبکہ اس کفریہ نظام میں ایک اور مصنوعی تبدیلی واقع ہو جائے ؟ بے شک حقیقی تبدیلی کا انحصار آپ لوگوں پر ہے۔ آپ کے بھائی اور بہنیں پاکستان کے مسلمان اِس تبدیلی کے لیے تیار ہیں اور اِس کا مطالبہ کررہے ہیں۔ امریکہ اپنی تباہ حال افواج اور لا علاج اقتصادی بد حالی کی وجہ سے اپنی پوری تاریخ کی نسبت آج سب سے زیادہ کمزور ہے۔ اور اللہ آپ کا مددگار ہے وہ رب العالمین کہ جس نے پوری تاریخ میں ہمیشہ اپنے متقی بندوں کی مدد کی اور کفار پر یہ واضح کر دیا کہ اللہ اپنے بندوں کے ساتھ ہے خواہ وہ تعداد میں قلیل ہوں یا وسائل کے لحاظ سے کمزورہوں ۔ موجودہ نظام میں مصنوعی تبدیلی کو قبول کرنے کی بجائے آپ پر لازم ہے کہ آپ اِس استعماری کفریہ نظام کو اکھاڑ کر خلافت کے دوبارہ قیام کے لیے حزب التحریرکو نصرت دینے کے لیے آگے بڑھیں ۔ آگے بڑھیں تاکہ موجودہ حکمران اور یہ کفریہ نظام ایک مخلص قیادت سے تبدیل ہو جائے ، جو اسلام کے ذریعے حکمرانی کرے ، اور دنیا و آخرت میں امتِ مسلمہ کو سرفراز و کامران کرے۔ اللہ تعالیٰ نے ارشاد فرمایا:

(وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا يَعْبُدُونَنِي لاَ يُشْرِكُونَ بِي شَيْئًا وَمَنْ كَفَرَ بَعْدَ ذَلِكَ فَأُوْلَئِكَ هُمْ الْفَاسِقُونَ)
''اللہ تم میں سے اُن لوگوں سے وعدہ فرما چکا ہے جو ایمان لائے اور نیک اعمال کیے، کہ انہیں ضرور زمین میں اِن حکمرانوں کی بجائے حاکم

بنائے گا جیسے کہ اُن لوگوں کوحاکم بنایا جوان سے پہلے تھے، اور یقیناً ان کے لیے ان کے اس دین کو مضبوطی کے ساتھ محکم کر کے جما دے گاجسے وہ ان کے لیے پسندفرما چکا ہے، اور ان کے اس خوف و خطر کو امن سے بدل دے گا ۔ وہ میری عبادت کریں گے اور میرے ساتھ کسی کوبھی شریک نہ ٹھہرائیں گے۔ اس کے بعد بھی جو لوگ کفر کریں وہ یقیناً فاسق ہیں ‘‘(النور:55)

اے۔ایف۔پی نے منگل ۱۴ ستمبر ۲۰۱۰ کو یہ خبر دی کہ امریکی ڈرون طیاروں نے کل (پیر) کو ایک ہی دن میں شمالی وزیرستان میں اپنے اہداف کے خلاف تین حملے کیے۔ ان حملوں کے لیے وہی جھوٹا جواز استعمال کیا گیا کہ امریکہ نے طالبان اور القاعدہ رہنماؤں کو نشانہ بنایا ہے۔ یہ وہی جھوٹا جواز ہے جو امریکہ مسلمانوں کے قتل عام کو جائز ثابت کرنے کے لیے استعمال کرتا ہے۔

یہ خبر واضح طور پر امریکی صدر اوبامہ کے جھوٹ کو آشکار کرتی ہے جو جھوٹ بولنے میں کوئی شرم محسوس نہیں کرتا۔ اوبامہ نے ۱۱۔۹ کی برسی کے موقع پر ہفتے کو اپنی تقریر میں یہ دعوی کیا تھا کہ ''امریکی ہونے کے ناطے نہ ہم اسلام کے خلاف حالت جنگ میں ہیں اور نہ کبھی ہوں گے‘‘۔ اس نے مزید یہ دعوی بھی کیا کہ امریکی افواج کو خیر کے کاموں میں استعمال کیا جاتا ہے نہ کہ بدی یا تباہی پھیلانے کے لیے۔

یہ کوئی پہلا موقع نہیں ہے جب امریکی صدر نے اس بے شرمی اور ڈھٹائی سے جھوٹ بولا ہو۔ اس سے پہلے بھی،جھوٹ،دھوکا دہی اور فریب کے ساتھ اپنے تعلق پر ثابت قدم رہتے ہوئے، اوبامہ نے ترکی کی پارلیمنٹ کے سامنے ۹ اپریل ۲۰۰۹ کو تقریر کرتے ہوئے کہاتھا کہ ''مجھ کو یہ بات بالکل واضح طور پر کہنے دیجیے کہ امریکہ اسلام کے ساتھ حالت جنگ میں نہیں ہے‘‘۔ اس نے یہی بات ۴ جون ۲۰۰۹ کو قاہرہ میں اپنی تقریر میں بھی دہرائی تھی۔

جب اوبامہ کو اپنے ''کالے گھر‘‘ میں آئے صرف دو دن ہی ہوئے تھے،تو اس مجرم نے وزیرستان میں دو ڈرون حملوں کا حکم نامہ جاری کیا تھا۔ اس حملے کے نتیجے میں بیس لو گ مارے گئے۔ان مارے جانے والوں میں ایک قبائلی سردار اور اس کا پورا خاندان بشمول بیوی اور بچوں کے مارا گیا تھا جبکہ وہ سردار موجودہ حکمرانوں کی حمایت بھی کرتا تھا۔

اے اوبامہ!
تمہارا جھوٹ بے نقاب ہو چکا ہے اور تمہاری اس امت اور دنیا کو گمراہ کرنے کی کوشش بھی ناکام ہوچکی ہے۔ تمہاری بلا امتیاز قتل و غارت گری اور تباہی پھیلانے کے اصول نے تمھاری مجرمانہ پالیسی کی حقیقت کو آشکار کردیا ہے۔تمھاری اس پالیسی نے تمھارے سابقہ قابل نفرت صدر بش کی پالیسی کو بھی پیچھے چھوڑ دیا ہے۔ تمھارے جھوٹے بیانات تمھاری اس مجرمانہ پالیسی کے داغ دار چہرے کو چھپا نہیں سکتے جو تم عملاً افغانستان اور پاکستان یا فلسطین اور عراق میں نافذ کر رہے ہو۔

اے مسلمانو!
امریکیوں کی تمھارے اور تمھارے دین کے خلاف دشمنی اور تمھارے بھائیوں اور بیٹوں کے خلاف مجرمانہ پالیسی تم پر واضح ہو چکی ہے۔ اس کے علاوہ ان کم ہمت اور امریکہ کی اسلام اور مسلمانوں کے خلاف جنگ میں مدد فراہم کرنے والے حکمرانوں کی حقیقت بھی واضح ہو چکی ہے۔ پاکستان میں حکمران فوج کو سیلاب زدگان کو بچانے اور ان کو مدد فراہم کرنے کے لیے استعمال کرنے کے بجائے فوج کو امریکہ کی پالیسی کو نافذ کرنے کے لیے اس مجرمانہ جنگ میں استعمال کر رہے ہیں۔ اب وہ وقت آچکا ہے کہ آپ حزب التحریرکے مخلص داعیوں کے ہاتھوں میں ہاتھ ڈال کر ان غدار حکمرانوں کو،جو امریکہ کی مجرمانہ پالیسی کے تحت کام کررہے ہیں ،کو اکھاڑنے کے لیے کام کریں اور اس خلیفہ کو بیعت دیں جو آپ پر قرآن و سنت کے مطابق حکمرانی کرے گا اور پھر آپ دنیا اور آخرت کی فتح کو حاصل کر لیں گے۔
اللہ سبحانہ و تعالی فرماتے ہیں

(یا أیھا الذین آمنوا استجیبوا للہ وللرسول إذا دعاکم لما یحییکم)
اے ایمان والو! اللہ اور اس کے رسول کی پکار پر لبیک کہو،جب وہ تمھیں پکارے اس چیز کی طرف جس میں تمھارے لیے زندگی ہے

عثمان بخاش
ڈائریکٹر سینٹرل میڈیا آفس
حزب التحریر