تلفزيون الواقية: برنامج حواري "شؤون الأمة"
يسر المكتب الإعلامي المركزي لحزب التحرير أن يقدم لمتابعي وزوار صفحات المكتب الإعلامي المركزي برنامجاً حوارياً مرئياً جديداً من برامج تلفزيون الواقية بعنوان "شؤون الأمة"، يلتقي من خلاله الشيخ عدنان مزيان نخبة من أهل الفكر وحملة المبدأ يناقش معهم أهم القضايا التي تهم الأمة الإسلامية، فكونوا معنا..
ولاية سوريا: كلمة مسجد بعنوان "لعلكم تتقون!"
كلمة مسجد بعنوان "لعلكم تتقون!" ألقاها الأستاذ منير ناصر عضو المكتب الإعلامي لحزب التحرير / ولاية سوريا في مدينة سلقين في ريف إدلب.
عقر دار الإسلام، 12 رمضان المبارك 1438هـ الموافق 07 حزيران/يونيو 2017م
اې د پاکستان مخلصو او خیر غوښتونکو مسلمانانو!
تر رسول الله صلی الله علیه وسلم وروسته، د اسلام د واکمنۍ په پېړیو کې اسلامي دولت د دښمن پر وړاندې د امت لپاره ډال و. د روژې په میاشت کې، هغه مهال چې اسلامي دولت له پیاوړي دښمن سره مخ شو، نو خپل وسله وال ځواکونه يې سترو بریاوو ته د رسېدو په موخه چمتو کړل. د ( ۱۳هـ ق) کال په روژه کې اسلامي دولت د بویب په جګړه کې د فارس لويې امپراتورۍ ته ماته ورکړه، بنسټونه یې و لړزول او د تباهۍ زېرۍ يې ورکړ. په (۹۲ هـ ق) کال د روژې په میاشت کې د خلافت لمن تر اندلس (هسپانيې) پورې پراخه شوه او همداشان د پېړیو پېړیو حاکمیت لپاره يې د اسلام لمن تر اروپا پورې وغځوله. دغه راز په همدغه کال، محمد بن قاسم د هند نیمه جزیره د اسلام پر مخ فتحه کړه او د پېړیو لپاره هندي مشرکینو د اسلام تر نفوذ لاندې ژوند کاوه. د (۲۲۳ هـ ق) کال د روژې په میاشت کې خلافت اموریه تر خپل قلمرو لاندې راوسته، په داسې حال کې چې دا سیمه د ځواکمنې رومي امپراتورۍ وياړلی ځای و. په (۶۵۸ هـ ق) کال کې د روژې په میاشت کې د عین جالوت په جګړه کې خلافت پر تاتاریانو بریالی شو، سره له دې چې تاتاریانو له یوه کال څخه زیات د اسلامي سیمو لويي برخې اشغال کړې وې؛ خو د امت د بریالیتوب راز په دې کې و، چې امت ډال درلود او روژه د مسلمانو وسله والو ځواکونو لپاره د بریا او لاسته راوړنې میاشت وه.
د روژې په روانه میاشت (۱۴۳۸ هـق) کال کې، له ډال پرته، زموږ وسله وال ځواکونه د یهودي دولت له منګولو څخه د مسجد الاقصی له ازادۍ او د اشغال شوي کشمیر مسلمانانو له ژغورولو څخه ډډه کوي؛ چې د هندي مشرکینو له لورې زخمیان کیږي، ړندېږي او په پای کې په شهادت رسېږي. خو تر اوسه چارواکي په دې لټه کې دي، چې زموږ ځواکونه د ښکېلاکګر کفر د ساتنې په موخه د هغو مجاهدینو لپاره ولېږي چې د دوی پر وړاندې جګړه کوي. کله چې د امریکا نظامي چارواکي له نوموړو واکمنانو څخه د یو شي غوښتنه کوي، دوی همغسي کوي. که څه هم هغه د امریکا له لوري د افغانستان د اشغال غوښتنه وه، چې هغوی له هغه ځایه په وار وار زموږ پر قبایلي سیمو، بلوچستان او نورو ښارونو بریدونه وکړل اود هند څارګري ادارې ته يې د افغانستان پر مخ دروازه پرانیسته.
پر دې سربېره د دې پر ځای چې وسله وال ځواکونه زمو د ساتنې لپاره لاس په کار شي، چارواکي په دې لټه کې دي، چې د پرله پسې امتیازونو څخه په ګټې اخیستنې د کفر اشغال پیاوړی کړي. په دغه روژه کې لکه عرب واکمنان چې د «عادي کېدو» تر نامه لاندې د یهودي دولت په مخ کې ټیټیږي، دغه رنګه پاکستاني واکمنان د هندو دولت ته سر ټیټوي. د واشنګټن د بادارانو د خوشحالولو لپاره، پاکستاني واکمنان شپه او ورځ په دې بوخت دي، چې له هند سره فرهنګي، اقتصادي، نظامي او سياسي جوړجاي ته ورسي، خو د مسلمانانو له اړتیاوو څخه ډډه کوي. په رښتیا سره، د باجوا نواز رژیم زموږ د امنیت لپاره قبر کیني، ترڅو په عملي توګه د اخاند بهارت (ستر هند) لرلید ته د عمل جامه ور واغوندي، کټ مټ د عربو د هغو واکمنانو په څېر چې خپل بنسټونه يې د (ستر اسرایل) په مخ کې ایښي دي.
سره له دې چې پاکستان د ځمکو، سرچینو او وسله والو ځواکونو لرونکی دی او د نړۍ له لویو ځواکونو سره په سیالۍ کې دی، خو اغیزمنتوب یې تر دغه واقیعت کم دی. له اسلامي دولت څخه پرته نني واکمنان زموږ د سرونو د ساتنې په موخه هېڅ ډال نه شي کېدای. دوی زموږ د اندامونو لپاره ولچک دي، د غاړو لپاره مو تورې دي او تر دښمن مخکې زموږ د کمزوتیا لامل ګرځېدلي دي.
اې د پاکستان مسلمانانو!
روژې ته رسول الله صلی الله علیه وسلم له هغه ډال سره تړاو ورکړی، چې په فردي توګه د جهنم له اور څخه زموږ د هر یوه ساتنه کوي. په دې اړه فرمایي:
«الصِيامُ جُنَة مِنَ النَارِ کَجُنة اَحَدِکُم مِنَ القِتَالِ»
(ابن ماجه)
روژه د اور پر وړاندې د هغه ډال په شان ده، چې د جنګ پر وړاندې ډال وي.
دې روژې موږ هر یو په فردي توګه مکلف کړي یو، چې د الله سبحانه و تعالی د ثواب، بښنې او رحمت په لټه کې شو او له غضب څخه یې ځان وژغورو. دغه راز رسول الله صلی الله علیه وسلم خلافت ته له ډال سر تړاو ورکړی، په فردي توګه نه، بلکې د یو واحد امت په توګه يې موږ ټولو ته فرمایلي:
«اِنَمَاالاِمامُ جُنَةُ يْقاتلُ مِنْ ورائِهِ و يُتَقي بِهِ»
(مسلم)
په رښتيا امام (خلافت) ډال دی، چې تر شا يې جنګیږئ او په هغه سره ساتل کیږئ.
په دې روژه کې باید له خپلو ځانونو څخه و پوښتو، آیا موږ د دغه مکلفیت د اداکولو لپاره څه کولای شو؟ موږ د دغه مکلفیت په اړه څه کولای شو، په داسې حال کې چې د هغه په نشت کې نه یوازي د شریعت یو حکم ځنډېدلی؛ بلکې په سلګونو نور حکمونه يې د تعلیق په حالت کې پاتې دي؟ په رښتیا زموږ د دین د پلي کېدو لپاره خلافت یوه اسلامي تګلاره ده، چې د یو دولت په توګه زموږ واکمني، اقتصاد، تعلیم، قضاء، کورنی او بهرنی سیاست د قرآن او سنتو په نظر کې نیولو سره ډاډمن کوي.
اې د پاکستان مسلمانانو!
په دې روژه کې، زموږ لپاره یوازې روژه نیول، لمونځ کول او الله ته ژړل د بښنې لپاره بسنه نه کوي، په داسې حال کې چې موږ له ډال پرته ژوند کوو. پر موږ لازمه ده چې په رښتیني توګه او کلکه اراده سره د امریکا راج ته د پای ټکی کېږدو او د اخاند بهارت د پراختیا مخه ونیسو. دغه روژه موږ ته فرصت راکوي، چې له حزب التحریر سره یوځای د نبوت پر تګلاره د خلافت د دویم ځلي تاسیس په موخه خپل ږغونه اوچت کړو.
که موږ د خلافت د تاسیس لپاره مکلفیت ادا نه کړو، دا به د اوسنيو واکمنانو پر ډېرو ګناهونو زموږ اقرار وي او اوس دا موږ ټولو ته څرګنده ده. په دنیا کې به مو حالت تر دغه هم زیات خراب شي او د اخرت پېټی به مو دروند شي. رسول الله صلی الله علیه وسلم فرمایي:
«اِنَ اللَه عزَوَجَلْ لَا ُیعَذَبُ العَامَة بِعَمَلِ الخَاصَة حَتَی یَرَوُ المُنْکَرَ بَیْنَ ظَهْرَانِیهِمْ وَ هُم قَادَرُوْنَ عَلی اَنْ یُنْکِرُوْهُ فَلَا یُنْکِرُوْهُ فَاِذَا فَعَلُوا ذَلِکَ عَذَبَ اللهُ الخَاصَةَ وَ العَامَةَ»
(احمد)
الله به عامو مسلمانانو ته په یو خاص عمل تر هغه جزا ورنه کړي، تر څو چې دوی په خپلو منځونو کې منکر ووینی، د مخنیوي توان يې ولري، خو دا کار و نه کړي. که يې داسې وکړل الله به خاص او عامو ته سزا ورکړي.
اې د پاکستان د وسله والو ځواکونو مخلصو افسرانو!
په روانه روژه کې د باجوا نواز رژیم د امریکا راج په پیاوړي کولو کې فعاله ونډه لري او د اخاند بهارت لپاره بنسټونه چمتو کوي. په داسې وخت کې د ملکي وګړو لپاره دا بسنه کوي، چې د ظالمانو پر وړاندې د حق ناره پورته کړي. که څه هم دا ستاسو لپاره بسنه نه کوي، ځکه تاسو نظامي چارواکي یاست، لکه د مدینی د انصارو د مشرانو په څېر اوس تاسو مادي وړتیا لرئ، چې ظالمان ونیسئ، ریښې یې له سټې وباسئ او د دوی ټګۍ او درغلۍ ته د پای ټکی کېږدئ.
زموږ وسله وال ځواکونه د پیاوړو زمریانو په څېر دی، ډېر سخت تړل شوي دي، خو هر کله چې خپله خپړه دښمن ته ښکاره کړي، منډې به وهي. زموږ وسله وال ځواکونه آزاد کړئ او د امت ډال بېرته راستون کړئ. حزب التحریر ته د روښانفکره سیاسي مشر او جلیل القدره عالم «شیخ عطا بن خلیل ابو رشته» تر مشرتابه لاندې د نبوت پر تګلاره د خلافت د ژر تر ژره بیا تاسیس لپاره نصرت (مادي مرسته) ورکړئ. په دغه مبارکه میاشت کې راوړاندې شئ او د مومنانو زخمي زړونه و رغوئ، د روژې میاشت د کفر او کافرانو پر وړاندې د بریا میاشت وګرځوئ.
﴿اِنْ یَنْصُرْکُمُ اللهُ فَلَا غَالِبَ لکم وَاِنْ یَخْذُلکُمْ فَمَنْ ذَا لَذِي یَنْصُرْکُمْ مِنْ بَعْدِهِ وَ عَلَی اللهِ فَلْیَتَوَکَلِ المُومِنُونْ﴾
(العمران:۱۶۰)
که الله مو مرستندوی وي، نو هيڅ قوت در باندې برلاسه کېدای نه شي او که هغه مو پريږدي، نو بیا له الله وروسته څوک ستاسو مرسته کولی شي؟ رښتني مومنان دې یوازې پر الله توکل وکړي.
حزب التحریر- ولایه پاکستان
ولاية سوريا: حملة توزيع ملصقات "رمضان شهر الانتصارات" نظم حزب التحرير / ولاية سوريا حملة واسعة تحت عنوان "رمضان شهر الانتصارات" بعد صلاة الجمعة وزعت خلالها الملصقات على جموع المصلين. عقر دار الإسلام، 14 رمضان المبارك 1438هـ الموافق 09 حزيران/يونيو 2017م -
(ژباړه)
د هند دولت چارواکو، د ۲۰۱۷م د مې پر ۲۸ مه د اشغال شوي کشمیر په ډېرو برخو کې د مجاهد قومندان، سبزار احمد بټ او یو بل شپاړس کلن مجاهد د شهادت پر وړاندې د اعتراض کوونکو د مخنیوي لپاره د روژې په مبارکه میاشت کې د شپې په ګرځېدو بندیز ولګاوه. الله سبحانه و تعالی دې دواړو ته فردوس جنت په نصیب کړي. خو بیا هم زرګونه زړور مسلمانان د خپلو اتلانو په جنازه کې د ګډون لپاره د اسلامي احساساتو څخه ډکو نارو په ویلو سره د امنیتي ځواکونو پر وړاندې ودرېدل. پر دې سربېره د اشغال شوي کشمیر مسلمانان له هغې ورځې ناارامه دي چې د ۲۰۱۶ کال د جولای پر ۸ مه یو ۲۲ کلن مجاهد «برهان واني» په شهادت ورسېد. ظالمو او اشغالګرو هندي پوځیانو دوی ډېر شمېر له ټپي کولو، وهلو ډبولو او ړندولو وروسته په شهادت رسولي.
اې د پاکستان مسلمانانو! اووه لسيزې کېږي چې په کشمیر کې زموږ مسلمانان وروڼه او خویندې د هندي اشغالګرو پوځیانو تر سخت ظلم لاندې دي. اویا زره مسلمانان شهیدان شوي او په څرګنده توګه ګڼ شمېر نور شهادت ته تیار دي. مګر بیا هم د باجوه نواز رژیم هندي هېواد، خبرو اترو او د اړیکو عادي کولو ته رابولي، ته وا دوی سوله او عدالت را وستلی شي. پوه شئ چې هندوان، مسلمانانو ته سوله نشي را وستلی، ځکه چې دوی مشرکین دي، د دوی په اړه الله سبحانه و تعالی په خپل کتاب کې، چې په همدې مبارکه میاشت کې نازل شوی، فرمایي:
﴿لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا...﴾
(المائده:۸۲)
ته به د مومنانو په دښمنۍ کې تر ټولو زیات سخت یهودیان او مشرکان ومومې.
پوه شئ چې دوی حتی د خپلو مختلفو ډلو لپاره عدالت نشي راوستی، د نورو دینونو هغه پیراون خو پر ځای پرېږده چې د هند په نیمه وچه کې میشت دي. پوه شئ چې یوازینی وخت چې مسلمانان د هندوانو څخه په امن کې وو، هغه پر هند نیمه وچه، د مسلمانانو د واکمنۍ وخت و. هغه وخت به په هند نیمه وچه کې د نورو دینونو او مذاهبونو له پیروانو سره عدالت کېده، پرته له دې چې د دوی دین، حالت او اخلاقي سلوک په پام کې ونیول شي.
اې د پاکستان د پوځ افسرانو! موږ چې کله د اشغال شوي کشمیر پر مسلمانانو باندې د ظلم په اړه اوروو! سترګې مو له اوښکو او زړونه مو له غوسې ډک شي.
موږ تاسې د ۱۰۹۹م کال د اګېسټ د میاشتې چې ۴۹۲هـ ق کال د رمضان له میاشتې سره سمون خوري، هغه تاریخي وینا دریادوو، کله چې د دمشق د قاضي ابو سعد الهروي، د صلیبي لښکرو له لوري د زرګونو مسلمانانو د ټولوژنې او د هغوی د سپېڅلو ځایونو ړنګولو په اړه کړې وه. په داسې حال کې چې له سترګو یې اوښکې روانې وې مسلمانان یې داسې ملامتول؛ تر ټولو ناوړه دا ده چې سړی له وسلې څخه دې پنا یوسي چې اوښکې د جګړې په هغه اور تويې کړي چې تورې پرې تېرېږي.
موږ تاسې ته دریادوو چې تاسو د پاکستان د وسله وال پوځ مشري کوئ، هغه سپیڅلی او نیک پوځ چې د اسلام په نوم د ۱۳۶۶ د رمضان په ۲۷ مه چې د ۱۹۴۷ کال د اګېسټ له ۱۴ مې سره سمون لري، د ټولومسلمانو لپاره د یوې تګلارې په توګه یې بنسټ کېښودل شو. موږ دریادوو چې تاسو هغه ځواک یاست چې د پاکستان، بنګله دېش، اشغال شوي کشمیر، افغانستان او په خپله د هند مسلمانان چې شمېر یې تر نیم بېلیون اوړي، سره یو موټی کولی شئ، څو د هندوانو ظلم ختم کړي. موږ دا هر څه د روژې په مبارکه میاشت کې دریادوو، د اسلام د بریا، د بدر غزا، د مکې فتحې او پر هندو مشرکینو باندې ستاسو د سلف محمد بن قاسم د بریا میاشت چې په سیمه کې یې د پېړیو لپاره د اسلامي شریعت بنسټ کېښود.
حزب التحریر ولایه پاکستان پر تاسو غږ کوي، چې د اشغال شوي کشمیر د مسلمانانو د اوښکو د بدل اخیستلو لپاره چې د خپلو شهیدانو جسدونه یې د پاکستان په بیرغ کې تاو کړي دي، خپل مسولیت ادا کړئ! پر تاسو لازمه ده چې دوی ته د خپل ایمان، وینې، جګړې او وسلې پر مټ ځواب ورکړئ، تاسې پوهېږئ چې دوه د خوښۍ خبرونه؛ بریا یا شهادت تاسې ته په تمه دي.
د دغه کار لپاره لومړی ګام دا دی چې د باجوه نواز رژیم د ځنځیر کړۍ چې تاسو یې مهار کړي یاست، ماتې کړئ او د رسول الله صلی الله علیه وسلم پر تګلاره د خلافت د تاسیس لپاره، حزب التحریر ته د جلیل القدر عالم سیاستوال او قانون پوه امیر «شیخ عطا بن خلیل ابو الرشته» تر مشرۍ لاندې، نصرت ورکړئ.
موږ تاسې رابولو او غږ درباندې کوو او له دغه کاره به هېڅ وخت ستړي هم نشوو، څو چې الله سبحانه و تعالی نصرت راکړي او موږ پر تاسو شاهدان کړي، ایا تاسو مثبت ځواب ورکوئ؟ راشئ په دې مبارکه میاشت کې د مومنانو پر زخمي زړونو ملهم ولګوئ او د روژې له مبارکې میاشتې څخه د کفر او کفارو پر وړاندې د بریا میاشت جوړه کړئ.
﴿إِن يَنصُرْكُمُ اللَّهُ فَلاَ غَالِبَ لَكُمْ وَإِن يَخْذُلْكُمْ فَمَن ذَا الَّذِى يَنصُرُكُم منْ بَعْدِهِ وَعَلَى اللَّهِ فلْيَتَوَكَّلِ الْمُؤْمِنُونَ﴾
(ال عمران:۱۶۰)
که مو الله مرستندوی وي، هېڅ قوت نشي درباندې برلاسی کېدی او که مو هغه پرېږدي، نو بیا له الله وروسته څوک ستاسو مرسته کولی شي؟ نو څوک چې ریښتیني مومنان دي، هغوی دې پر الله توکل وکړي.
د حزب التحریر- ولایه پاکستان مطبوعاتي دفتر
(ژباړه)
د امریکا ولسمشر ډونالد ټرامپ، په خپل لومړي بهرني سفر کې سعودي عربستان ته ولاړ. دی په دغه سفر کې د عربستان د پاچا سلمان بن عبدالعزیز لخوا خورا په بې ساري ډول استقبال شو او د دواړو هېوادونو تر منځ د نوو اړیکو پاڼه یې پرانېسته. د دې مقالې په لړ کې د یاد سفر مهمو ټکو ته اشاره کوم:
لومړی ـ د ټرامپ له لوري د آل سعود لوشل: یو وخت ډونالد ټرامپ ویلي وو، چې عربستان موږ ته د یوې شېدې ورکوونکې غوا په څېر دی، تر هغه چې شېدې ورکوي، لوشو یې او کله یې چې شیدې؛ ډالر او طلا را نه کړل، د ذبحې دستور یې ورکوو او یا له نورو غواړو چې دا کار وکړي. دغه ویناوې یې عربستان ته له سفر سره پلې شوې او وتوانېد چې د شیدو له دغې غوا سره د ۳۸۰ ملیاردو ډالرو په قیمت هوکړه لیک لاسلیک کړي، چې ۱۱۰ ملیارده ډالره پکې د تجهیزاتو او وسلو خرڅلاو او عربستان ته نظامي خدمات وو.
په دومره کچه د وسلو پلور، د امریکا اقتصاد ته د سرمایې د لړۍ د تګ د دوام لامل کېږي. که څه هم ځینو شنونکو د امریکا او عربستان تر منځ د اقتصادي او نظامي هوکړو واقعي شمېره تر یو تریلیون ډالرو لوړه ښودلې، چې په امریکا کې د یو میلیون دندو د رامنځته کېدو لامل کېږي او د ۲۰۰۸ز کال له اقتصادي کړکېچ څخه وروسته د امریکا په کالبد کې نوی روح پو کوي. حال دا چې په عربستان کې همدا اوس بیکاري او فقر مخ پر زیاتېدو دی، چې د رسمي شمېرو له مخې ۱۲ سلنې ته رسېږي.
دغه هوکړه لیک په دې ورستیو کې د امریکا لخوا پر عربستان د وسلو د پلور خورا لوی او مهم هوکړه لیک بلل شوی، چې په منځنۍ اسیا کې به د تسلیحاتي رقابتونو نوې لړۍ پیل کړي او امریکا به پکې اساسي رول ولوبوي. د سیمې د هېوادونو مسلح کول، منځنی ختیځ او اسلامي خاورې د باروتو په امبار بدلوي، چې ډېرې خطرناکې پایلې به ولري. هغه پایلې چې په لویه کچه د مسلمان وژنه لامل کېږي. ځکه اوس امریکا دوه بلاکه یعنې سني بلاک یې (د عربستان په مشرۍ) او شیعیه بلک یې د (ایران په مشرۍ) په منځنۍ اسیا کې را منځته کړي او دغه دواړه د یو او بل پر وړاندې پاروي او ناوړه ګټه ترې اخلي.
البته، د یاد څو سوه ملیارد ډالري هوکړه لیک بل اړخ په قدرت کې د ال سعود سلمان بن عبدالعزیز د کورنۍ پاتې کېدل دي، چې امریکا یې د یاد هوکړه لیک په بدل کې د خپلو کورنیو رقیبانو پر وړاندې ملاتړ وکړي. همدا اوس د ملک سلمان یو زوی په امریکا کې د عربستان سفیر، بل یې د عربستان په کابینه کې وزیر او بل یې د عربستان د پاچاهۍ ولیعهد دی. له بل پلوه، دغه ستر مالي قرار داد یو ډول فدیه ده، چې امریکا ته د سیاسي او نظامي ملاتړ او د عربستان د امنیت د ساتنې لپاره ورکول کېږي.
دویم ـ د وخت د فرعون ته د مسلمانو رهبرانو سرټیټي: ټرامپ په دغه سفر کې د خپل مزدور عربستان په مرسته وکولی شول چې د اشرف غني په ګډون د ۴۰ مسلمان میشتو هېوادونو نامشروع او دیکتاتور رهبران را ټول کړي او د افراطیت پر وړاندې د مبارزې ژمنه ترې واخلي. البته یاد غدار او مزدور حکام په دومره بېشرمۍ د ټرامپ ویناوو ته ناست وو، ته وا د مکتب زده کوونکي دي، چې ښوونکی یې لوی شیطان (ټرامپ) دی او ان په یاده غونډه کې یې ګډون یو ډول ویاړ باله.
تر دې چې د مسلمان میشتو هېوادونو د رهبرانو را ټولېدل، تعظیم او د وخت فرعون (ټرامپ) ته سر ټیټي، په امریکایي سي.ان.ان شبکه کې د امریکایي شنونکو د خندا او مسخرو لامل شوی و. په داسې حال کې چې ټرامپ امریکا ته د اوو مسلمان مېشتو هېوادونو د اوسېدونکو پر راتګ بندیز لګولی و. همدا راز ټرامپ په خپلو ټاکنیزو کمپاینونو کې اسلام ضد خبرې هم کړې وې؛ خو دغو خاینو رهبرانو په حقیقت کې په دغه کار خپله مزدوري او دوستي امریکا ته او خپل خیانت او خباثت اسلام او مسلمانانو ته څرګند کړ، چې د الله سبحانه وتعالی او رسول الله دښمن ته د دوستۍ لاس ورکوي. په ځانګړي ډول د ملک سلمان کورنۍ چې د ټرامپ د خوښۍ لپاره یې له هېڅ ډول خوش خدمتۍ ډډه ونه کړه او د حرمین شریفین خاوره چې د وحی او د اسلام د وړانګې سرچينه ده، پر مزدوره خاوره او د مسلمانانو پر وړاندې یې د جګړې پر خاوره بدله کړه.
همداراز د افغانستان جمهوري ریاست په غرور په یوه اعلامیه کې د ټرامپ او غني د ناستې خبر ورکړی و، په داسې حال کې چې غني او ټرامپ په سعودي کې د افغانستان په اړه کومه لېدنه نه درلوده او یوازې روغبړ یې کړی و. اعلامیې همداراز د ټرامپ لخوا د افغان نظامي ځواګونو د ستایلو خبر ورکړی و، چې په ډېره ښه توګه د مسلمانانو پر وړاندې امریکایي جګړه د مسلمانانو د وینو په بیه پر مخ وړي.
درېیم ـ امریکا؛ د تاریخ وحشي جنایتکار: ټرامپ د خپلو ویناوو په یوه برخه کې وویل:«غواړي د دوستۍ، هیلې او مینې پیغام راوړونکی وي» ده زیاته کړه چې له ترهکرۍ سره يې مبارزه «د وحشي جنایتکارانو له منځه وړل دي، چې غواړي د انسان ژوند له منځه یوسي د هغو پر وړاندې چې د خپل ژوند او دین ساتنه کوي.» همدا راز ویې ویل:« د ترهګرۍ پر وړاندې جګړه، د ادیانو تر منځ جګړه نه ده، بلکې د خیر او شیطان (شر) تر منځ جګړه ده.»
په داسې حال کې چې جګړه د خیر یعنې د اسلامي مبدا، اسلامي امت او شیطان (شر) یعنې د پانګوالۍ او اړوند دموکراسي نظام تر منځ ده.
د ټرامپ ویناوې ښیي چې امریکا مسلمانانو ته د وحشیانو او جنایتکارانو په سترګه ګوري. نو ځکه ځان ته حق ورکوي چې پانګه یې لوټ کړي، مسیر ته یې د امریکایي ګټو په لور تغییر ورکړي او د هغو حکامو ملاتړ په لاس راوړي چې د مسلمانانو په څاڅکي څاڅکي وینه کې شریک دي. په داسې حال کې چې د بشر تاریخ تر امریکا بل وحشي او جنایتکار نه دي لیدلي.
امریکا یوازې په وروستۍ یوه نیمه لسیزه کې، تر یوه میلیون ډېر مسلمانان له خاورو سره خاورې کړي. افغانستان او عراق یې د وینو په حمام بدل کړي. سوریه، سوډان، سومالیه، پاکستان او یمن یې د مسلمانانو په وژنتون بدل کړي، تر دې چې یوازې د اوباما په دوره کې په هرو اتو دقیقو کې پر مسلمانانو یو بم راغورځېده.
اوس وحشي او جنایت کار څوک دی؟ وحشي امریکا ده چې د ټولو بمونو مور یې پر افغانستان راوغورځوله او د افغانانو په وینه یې چین، روسیې او شمالي کوریا ته خپل سیاسي او نظامي پیغام ورساوه. همدا راز د ټرامپ په سفر کې د عربې ناټو د جوړښت په اړه خبرې اترې وشوې. په حقیقت کې عربي ناټو هغه ارګان دی چې د مسلمانانو تر منځ د داخلي جګړې او د امریکا د نظامي لګښتونو د کموالي په موخه جوړ شوی. یعنې امریکا اوس غواړي، امریکایي جګړه د مسلمانانو د فوځ، پیسو او انرژۍ په وسیله پر مخ ولاړه شي او د امریکا پر وړاندې د مسلمانانو ګواښ، د مسلمانانو په وسیله کنټرول او وځپل شي.
امریکا د دې ستراتېژۍ په مرسته هڅه کوي، خپل مستقیم نظامي حضور په ځينو هېوادونو کې کم کړي، تر څو له یوې خوا خپل نظامي لګښت کم کړي او له بلې خوا مسلمان مېشته هېوادونه د خپلې نیابتي جګړې لپاره پخپله چمتو او تجهیز کړي.
هیله ده چې د ټرامپ دغه سفر د غفلت له خوب څخه د مسلمانانو د ویښېدو لامل شي او د مسلمانانو پر وړاندې د امریکا له سیاست او له نړۍ څخه یو سم درک ته ورسیږي، تر څو د امریکا او د امریکا اړوندو رهبرانو اصلي څېره درک کړي. په ځانګړي ډول، موږ افغانان چې دا شپاړس کاله د امریکا له ټانګونو او توپونو لاندې خاورې اېرې شوو او د امریکا د ستراتېژیکو موخه لپاره مو د زړونو ټوټې له لاسه ورکړې. خو تر اوسه هم ځينې ګوډاګیان او خاینان د افغانستان په اړه د ټرامپ سیاست ته په تمه دي او انتظار کوي چې ټرامپ د بدبختیو او تروږمیو څه نوې نسخه دغې غم لړلې سیمې ته لیکي.
مصدق سهاک
د حزب التحریر ولایه ـ افغانستان مطبوعاتي دفتر غړی
