پریس ریلیز

اے افواج میں موجود افسران! تم اپنے رب کو کیا جواب دو گے جب فلسطین کے نہتے بچے قیامت کے دن تمہارے اسلحے، جہازوں، میزائلوں اور تمہاری طرف اشارہ کر کے تمہارے سکوت کا شکوہ کریں گے کہ تم ناپاک یہودی وجود کے جبر کو روکنے کے لیے حرکت میں نہیں آئے!

پچھلے دو دنوں میں غزہ کی پٹی، فلسطین میں ، یہودی افواج کی وحشیانہ بمباری کے نتیجے میں 24افراد شہید ہوچکے ہیں، جس میں بچے بھی شامل ہیں، جبکہ 200 سے سے زائد افراد زخمی ہوچکے ہیں۔ اس وحشیانہ بمباری میں اسپتال کو بھی نشانہ بنایا گیا۔انڈونیشیا سے لے کر مراکش تک مسلمان امت اس ظلم پر شدید ردعمل کا اظہار کررہی ہے، مگر اِن کی گردنوں پر سوار حکمران ، جن میں پاکستان کے حکمران بھی شامل ہیں، ایسے ردعمل کا اظہار کررہے ہیں جیسے یہ بمباری ارض مقدس ،قبلہ اول کی سرزمین فلسطین کے مسلمانوں کے گھروں  پر نہیں بلکہ کسی جنگی مشق میں سنگلاخ پہاڑوں یا صحراؤں میں  ہورہی ہو۔ مسلم حکمران اُنھی بدمعاش اور دہشت گرد مغربی  استعمار سے مدد کی اپیلیں کر رہے ہیں جن کے بل بوتے پر یہود ان جرائم کا ارتکاب کر رہے ہیں۔بلکہ یہ بمباری اگر مسلمانوں کے بجائے درختوں، جانوروں یا جنگلات پر ہوتی تو ان حکمرانوں کا ردعمل اس سے شدید ہوتا جتنا کہ ابھی ہے!!! 

اے مسلمانو !

تم دیکھتے ہو کہ یہودی وجود جب چاہے فلسطین کے مسلمانوں پر وحشیانہ بمباری کر کے انہیں اُنھی کے خون میں نہلا دیتا ہے، انھیں ان کے گھروں سے بےدخل اور ان کے گھروں کو مسمار کرتا ہے، بلکہ جوتوں سمیت قبلہ اوّل مسجد الاقصیٰ میں داخل ہوکر اس کی بے حرمتی کرتا ہے۔ یہودی وجود کو خوف نہیں کہ اس کے ظلم اور جبر کے جواب میں مسلمان حکمرانوں کی جانب سے کوئی ردعمل آئے گا۔ یہودی وجود کو خوف نہیں کہ وہ چاروں جانب سے مسلم علاقوں اور ان کی افواج میں گھرا ہوا ہے۔  یہود کو اس بات کا ذرا بھی خوف نہیں کہ مسلم حکمران یہودی وجود کے خلاف کوئی بھی کاروائی کر سکتے ہیں کیونکہ یہ سب حکمران استعمار کے ایجنٹ ہیں، بلکہ یہ حکمران تو امریکہ کے حکم پر قطار در قطار اس غیر قانونی وجود کو تسلیم کرنے کیلئے بے تاب ہیں۔ تو آگے بڑھو اور ان حکمرانوں کے گریبان پکڑ لو اور ان کو ان کے تختوں سے گھسیٹ کر اکھاڑ پھینکو کہ ایسے حکمرانوں کا کیا فائدہ جو ہماری جانوں اور ہمارے مقدسات کا تحفظ کرنے سے انکاری ہوں۔

اے افواج پاکستان! 

اے مسلم افواج میں موجود صلاح ایوبی کے بیٹو! ان  بے غیرت حکمرانوں اور غدار قیادت کو مسترد کر دو اور ان کے تخت الٹا دو! خلافت کے قیام کے کیلئے نصرہ فراہم کرو جو یہودی  وجود کو کرہ ارض سے مٹا دے گی۔ مسجد اقصیٰ تمہارے ٹینکوں، جہازوں، آرٹلری، اور بندوقوں کی گھن گرج سننے کو بے تاب ہے۔ وہ تمہاری انفنٹری اور ایس ایس جی کی تکبیرات سننے کی منتظر ہے، کہ کب تم اس کے پاک صحن میں صلواۃ الفتح ادا کرو گے۔ تو آگے بڑھو، مسلمانوں کی خلافت کو قائم کرو اور خلیفہ کی قیادت میں جہاد کی تکبیر بلند کرو۔اللہ سبحانہ و تعالیٰ نے فرمایا؛ 

﴿وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ﴾ 

"انہیں قتل کرو جہاں بھی انھیں پاؤ، اور نکالو انھیں وہاں سے جہاں سے انہوں نے تمہیں نکالا ہے۔" (سورۃ البقرہ،2:191)

ولایہ پاکستان میں حزب التحرير کا میڈیا آفس