په پوهنتونونو کې محصلين ليبرال آندونو منلو ته هڅول کيږي او ورته ویل کېږي چې دا د انصاف او لږکيو منلو يوازینۍ لاره ده. که چيرې ليبرال آندونه ونه منو، نو موږ به د لږکيو پر وړاندې تعصب او ظلم کړی وي. کله چې دنيا ته وګورو چې د لږکيو پر وړاندې بده ‌رويه کيږي، ليبرال اندونه نور هم راته ښکلي ښکاري. هغوی وايې په غير‌لوېديځ هېوادونو کې چې لږکي ځپل کيږي لامل يې دا دی، چې تاسو په کافي اندازه ليبرال شوي نه ياست او په لوېديځو هېوادونو کې چې ظلم کېږي لامل يې څو تنه فاسد چارواکي دي نه ټول سيسټم.

دا خبره يې سمه نه ده.

له دليلونو سره سره برعکس، بشري حقونه نيمګړي دي. په ټولنه کې دايمي کړکېچ شته او دا چې څوک به واکمن وي او واکمني هغه ته دا واک ورکوي، چې خپلې غوښتنې او کلتور په نورو پلی کړي؛ هغوی چې په واک کې نه دي، نو د هغوی اساسي بشري حقونه نه دي تضمين شوي.

په اسلام کې هرڅه بل ډول دي. د لږکيو په نوم هېڅ نشته. یوازې دا ده چې ایا د اسلامي دولت تبع یې او که نه او د اسلامي دولت تبع کېدل په دې مانا چې له تاسو څخه بدني او مادي ملاتړ کيږي.

«په اسلامي دولت کې له ټولو وګړو سره د مذهب، نژاد يا بلې هر ډول موضوع پرته يو ډول چلند کېږي. اسلامي دولت د خپلو اتباعو پر وړاندې د هر ډول تبعیض څخه منع شوی، که هغه حکمي، قضايي يا د خلکو چارو ته لاسرسی وي.» (د خلافت دستور 6 ماده)

همدارنګه «د دولت هر بالغ تبع حق لري چې د امت مجلس غړی شي، نر او ښځه مسلمان او غير‌مسلمان دا حق لري. خو د غير‌ مسلمانانو ګډون په دغه مجلس کې په دوو کارونو پورې محدود دی، چې د حکامو له ظلم او د اسلام له نه تطبيق څخه شکایت وکړي.» (د خلافت دستور 103 ماده)

همدارنګه رسول الله صلی الله عليه وسلم فرمایلي دي:

«مَنْ ظَلَمَ مُعَاهِدًا أَوْ انْتَقَصَهُ أَوْ كَلَّفَهُ فَوْقَ طَاقَتِهِ أَوْ أَخَذَ مِنْهُ شَيْئًا بِغَيْرِ طِيبِ نَفْسٍ فَأَنَا حَجِيجُهُ يَوْمَ الْقِيَامَةِ» ( ابو داود)

ژباړه: چا چې په معاهد ظلم وکړ يا يې خوار کړ يا يې د هغه له توان څخه ډېر مسؤليت ورکړ يا يې يو شی د هغه له خوښې پرته ورڅخه واخيست، د قيامت په ورځ زه د هغه مخالف يم.

 رسول الله صلی الله عليه وسلم همدارنګه فرمایلي دي:

«مَنْ قَتَلَ مُعَاهَدًا لَمْ يَرِحْ رَائِحَةَ الْجَنَّةِ وَإِنَّ رِيحَهَا تُوجَدُ مِنْ مَسِيرَةِ أَرْبَعِينَ عَامًا»(بخاري شريف)

ژباړه: څوک چې معاهد(غير مسلمان معاهد) ووژني هغه به د جنت بوی و نه ويني او د جنت بوی له څلوېښتو پسرليو پيدا کيږي.

لکه څرنګه چې موږ وينو له اسنادو داسې ښکاري چې په اسلامي دولت کې توپير يوازې د مسلمان او غير‌مسلمان اتباع ترمنځ شته. خو دا توپير په دې مانا نه دی چې د اتباعو چارو ته دې يو ډول لاسرسی نه وي. دولت ته دا جواز نه لري چې د رعيت تر منځ د ژبې، رنګ، نژاد، جنسيت او دين پر اساس توپير او تبعیض وکړي او مکلف دی چې له ټولو سره د چارو په رسيدګی کې يو ډول چلند وکړي.

ځينې خلک وايي چې د مسلمان او غير ‌مسلمان اتباعو تر منځ توپير تبعیض دی، ځينې حقوق مسلمانانو ته ورکول او غير مسلمان ته نه ورکول لکه په سياسي ډګر کې د ګډون حق.

د دې لپاره چې پوه شو داسې نه ده، بايد د اسلامي شريعت په واقعيت پوه شو. اسلام د ژوند ټولو چارو ته پراخ سيسټم لري. که څه هم چې دا سيسټم له اسلامي عقيدې څخه سرچينه اخلي، خو په معنوي بُعد پورې تړلی نه دی. همدارنګه د داسې قوانينو وړاندې کوونکی دی، چې د دولت په دننه کې تطبيق کېږي. کله چې اسلام د دې نظام د تطبيق امر کوي، د قوانينو او شريعت د تطبيق امر، نه د معنوي او ديني کارونو. په همدې ډول، د شرعي احکامو عملي کول د دولت په ټولو اتباعو کېږي، په استثنا د ځينو ديني اعمالو، چې هلته د هغوی خپل دین غالب دی، په نورو ځایونو کې دین په پام کې نه نیول کېږي.

اسلام انسان ته د انساني صفت په سترګه ګوري او قوانين يې هم د انسان فطرت مطابق جوړ کړي. اسلامي قوانين د انسان ستونزې د انساني فطرت مطابق ځواب کړي، نه له کوم بله پلوه. ستونزې حل غواړي او ستونزې د فطرت مطابق حل شوي دي.  مثلآ اسلامي احکامو کې تبعیض هېڅ ځای نه لري. دا په دې مانا نه ده چې اسلام د ټولو موضوعاتو په اړه ټولو خلکو ته يو واحد حکم وړاندې کوي، بلکې په خپل شريعت کې ځانګړې موضوع او د هغې مشخصاتو ته، چې موضوع ته مناسب او د مشکل سره سم حلاره وړاندې کړي، ډېر پام کوي. مثلآ کله چې اسلام د نر او ښځې اړيکه تنظيم کړه د هغوی ځانګړتياوو ته يې پام کړی. همداشان د مسلمان او غير ‌مسلمان موضوع دواړه توپيرونه لري، نو څرنګه بيا د دواړو لپاره يو ډول احکام په پام کې ونيول شي د دواړو واقعيتونه توپیر لري؛ دا تبعیض نه دی، بلکې له واقعیت سره سم حکم کول دي.

د مثال په ډول، د حاکم کېدو لپاره اسلام مسلمانتوب شرط ایښی، چې غیر ‌مسلمان دا حق نه لري چې حاکم شي او حکم وکړي. ځکه چې اسلامي دولت اسلام په داخل کې پلی کوي او نړۍ ته يې د دعوت او جهاد له لارې لېږدوي. په اسلامي دولت کې د حاکم دنده او رول په اسلامي احکامو راڅرخي او د خلکو روابط د اسلامي احکامو پر اساس تنظیموي او اسلام د دعوت له لارې نړیوالو ته رسوي. نو د پورتنیو کارونو لپاره دا اړینه ده، چې یو څوک باید په اسلام باور او عقیده ولري، هم يې پلی کړي او هم يې  تر نورو ورسوي دا ممکنه نه ده چې یو څوک دې په اسلام باور ونه لري هغه دې پلی او تر نورو ته ورسوي.

په شرعیت کې ډېر داسې شرعي احکام شته، چې اهل‌ذمه ته یې حقوق ورکړي، چې مسلمانانو ته یې هغسي حقوق نه دي ورکړي، بیا هم، دا د مسلمانانو او اهل‌ذمه پر وړاندې تبعیض نه دی، د هغوی د باورونو او عقایدو پر اساس چې کفر او اسلام دی، په ځانګړو موضوعاتو کې یې احکام بیل دي. شارع پر مسلمانانو باندې زکات واجب کړی، چې په اهل‌ذمه نه دی واجب دا ځکه چې زکات عبادت دی او پر اهل‌ذمه باندې عبادت واجب نه دی. شریعت پر مسلمانانو د اړتیا په وخت کې مالیات واجب کړي په داسې حال کې چې په اهل‌ذمه یې نه دي واجب کړي د دې لپاره چې له جزیې زیات نور څه ورڅخه وا نخیستل شي. همدارنګه شارع اهل‌ذمه ته اجازه ورکړې، چې د خنزیر غوښه وخوري او شراب وڅښې او هم يې وپلوري. په داسې حال کې چې پر مسلمانانو دا کار حرام شوی او هغوی مجازات کېږي.

که چیرې په شرعي احکامو کې  ژور فکر وکړو، دې پایلې ته رسېږو، چې په اسلام کې اهل‌ذمه ته تر مسلمانانو ډېر حق ورکړل شوی دی. حقیقت دا دی، چې د خلکو تر منځ او د خلکو پر وړاندې هېڅ ډول لوړوالی او توپیر نشته، بلکې خلکو ته د هغوی د اوصافو مطابق حقوق ورکول کېږي.

موږ دا ډول کړنې په خلافت کې لرو. کله چې د بدر په غزا کې جنګي اسیران ونیول شول، هغوی د دې پر ځای چې خپلو خلکو ته ورشي لومړیتوب يې دې ته ورکړ، چې له خپلو خلکو سره پاتې شي (د مسلمانانو د ښه چلند له امله) او کله چې مسیحیان په صلیبي جګړو کې د مسلمانانو خواته پاتې شول. سره له دې چې په بل دین وو، خو هغوی ته حقوق ورکړل شول او له هغوی څخه ملاتړ وشو. ځکه چې بشري حقوق هغوی ته د الله تعالی له لوري ورکول شوي دي، هغوی د اسلامي دولت له لوري ملاتړ شول او دا کار به انشاءالله په نیږدې وخت کې بیا ترسره شي.

د حزب التحریر مرکزي مطبوعاتي دفتر ته!

فاطمه مصعب؛ د حزب التحریر مرکزي مطبوعاتي دفتر غړې

#خلافت تاسیس کړئ

#ReturnTheKhilafah

#YenidenHilafet

#أقيموا_الخلافة

#الخلافة_101

د الخلیل پېښو او پر مالونو او مقدساتو برید، ټوله سپېڅلې ځمکه خپه کړې، ځکله چې الخلیل ښار د باروتو په یوه داسې بېرل بدل شوی، چې چاودېدو ته نیږدې دی او بڅري به یې ټول فلسطین زیانمن کړي. دا به نو ولې پر ټول فلسطین اغېزه نه کوي، په داسې حال کې چې د خلیل الرحمان خلک د هغه چا اطاعت کوي، چې دوی ته نصیحت کوي او د هغه چا نافرماني کوي چې دوی غولوي، دوی حقیقتونه خپروي او د دښمنانو دسیسې شنډوي. د فلسطین خلک د الخلیل د خلکو رول او دریځ نه هېروي لکه: د ټولنیز امنیت د پروژې په مقابل کې، د CEDAW (د ښځو د حقونو) تړون او د کورنۍ د ساتنې د قانون پر وړاندې، د مذهبي تبلیغ (مسیحي) ښوونځيو د جوړولو مخه نیول او ډېرې نورې سترې کړنې دي، چې تر اوسه د خلکو په حافظه کې ثبت دي. ستاسو دغه قوي دریځ، یهودیان او د اسلام دوښمنان او د دوی مزدوران فلسطیني چارواکي دوښمنۍ ته اړ کړي او هڅه کوي تر څو دغه سپېڅلی ښار ویجاړ کړي.

اې د خلیل الرحمان خلکو! کوم اور چې نن د الخلیل د کورنیو ترمنځ بل شوی، لامل یې یهودي ادارې او فلسطيني چارواکي دي، چې غواړي هیواد مو ویجاړ او خلک یې بې ځایه کړي. هغه ډزې چې په جنوبي سیمه کې د یهودي ادارو تر سترګو لاندې رامنځ ته شوې، دوی پوهېږي چې دا ډزې یوازې تاسې سوځوي او یهودي اسېدونکو ته کوم زیان نه رسوي، که نه نو طرزالعمل به توپیر درلودای. د دې ترڅنګ کومې پېښې چې د امنیتي ادارو په سیمه کې د دوی تر څارنې لاندې ترسره کیږي لکه، د خلکو وژل، شتمۍ یې لوټول او په کورونو کې وېره خپرول، خو امنیتي ادارې اقدام نه کوي، ترڅو هغه کسان ونیسي چې دا ډول پېښې ترسره کوي. په حقیقت کې مجرمین دا جنایتونه کوي، د دوی فلمونه جوړېږي او په وېب پاڼو کې خپریږي، خو پوښتنه دا ده چې ولې دا کسان نه نیول کږي؟ او ولې د خلکو د مال ساتنه نه کېږي. په داسې حال کې چې امنیتي ادارې کولای شي د لاریونونو مخه ونیسي، هغه خلک بندي کړي چې یهودیانو ته زیان رسوي، خو خلک  له دغه فتنه ګرو څخه نشي ساتلی؟ هغه کسان چې خلک وژني، شتمنۍ لوټوي د فلسطیني چارواکو ملګري دي، چې د دوی په امر عمل کوي. د الخلیل د پېښې په اړه د فلسطین د ادارې دریځ او رول د یهودي نیواکګرو ځواکونو له دریځ سره توپیر نه لري، چې په نابلس سیمه کې یې دری تنه په ډېره بې رحمۍ سره د فلسطیني ادارې تر سترګو لاندې شهیدان کړل.

نن ورځ چې کومې پېښې رامنځ ته کیږي چارواکي په هغه کې ښکېل دي. په حقیقت کې په دواړو کورنیو کې د امنیتي ادارو غړي کار کوي، ترڅو د هغو کسانو هڅې شنډې کړي، چې د دغو دوو کورنیو ترمنځ د منځګړو په حیث د اصلاح او جوړجاړي لپاره کار کوي او په دې باندې ټول هغه کسان خبر دي او پوهیږي چې په الخلیل کې له نږدې دغه ګډوډۍ ګوري. همدا چارواکي د خلکو ترمنځ په جګړه کې ښکېل و، نه کورنۍ، بلکې کورنۍ د سونګ هغه توکي دي، چې چارواکي یې د الخلیل د سیمې د خلکو د سوځولو لپاره کاروي. جابري او ابو عایشې کورنۍ هغه باعزته او پېژندل شوې کورنۍ دي، چې په کې غوره کسان موجود دي او کولای شي د هر ډول فتنې مخه ونیسي او هره ستونزه حل کړي. خو د اشغالګرو مزدوران او ځینې عناصر، چې په امنیتي ادارو په ځانګړې توګه په استخباراتي ادارو کې کار کوي، د دواړو کورنیو ترمنځ د نفاق اور ته لمن وهي.

ایا د دولت له لوري د نظار بنات د وژلو په سبب د خلکو له پیاوړیو لاریونونو وروسته د ابو عایشه الجباري کورنیو تر منځ د وژنو وخت د شک وړ نه دی!؟ او ولې د دواړو کورنیو تر منځ خبرې هغه وخت لا ډېرې ترنګړې شوې چې خلکو د فلسطین دولت له لوري د لوړو بیو او مالیو په سبب لاریونونه پیل کړل!؟ یو هوښیار انسان ولې داسې فکر وکړي چې تصادف دی!؟

اې په سپېڅلې خاوره او په ځانګړي ډول په خلیل الرحمن ښار کې زموږ خلکو!

حزب التحریر ستاسو له منځه او ستاسو سره دی او ستاسې د مسایلو د حل لپاره هلې ځلې کوي. دغه ډله ستاسو په منځ کې د پېښو پر مهال موجوده وه او د اصلاح لپاره یې کار کاوه او هېڅ کله به تاسې یوازې پرېنږدي. موږ تاسې ته څرګنده کړه چې کوم کسان ستاسې پر وړاندې دسیسه جوړوي او یو ځل بیا درته خبردارۍ درکوو او به اخلاص سره مشوره درکوو، چې د نن ورځې چارواکي ستاسو له دوښمن سره یو ځای کار کوي، ترڅو د هغوی پلان تطبیق او تاسې وشړي. دا ستاسو د وینو، خاورې، عزت او ماشومانو پر وړاندې یوه دسیسه ده، نو مخه یې ونیسئ او ټول د الله سبحانه وتعالې په رسۍ منګولې ولګوئ او د خپل هېواد لپاره له ځانونو د سونګ توکي مه جوړوئ. موږ له تاسو دواړو معززو کورنیو الجبري او العووي څخه غوښتنه کوو؛ د هغو کسانو چې د منځکړي په توګه د روغې جوړې هڅې کوي ورته مثبت ځواب ووایئ، ترڅو ټول هغه کسان چې په دغه سپېڅلې ځمکه کې دسیسې جوړوي، مایوسه شي. هغه څه چې ستاسو دښمنان غوسه کوي ستاسې یووالی او د دسیسه جوړونکو پر وړاندې قوي دریځ دی، الله سبحانه وتعالې فرمایلي دی:

{...فَاتَّقُوا اللَّهَ ‌وَأَصْلِحُوا ذَاتَ بَيْنِكُمْ وَأَطِيعُوا اللَّهَ وَرَسُولَهُ إِنْ كُنْتُمْ مُؤْمِنِينَ}[الانفال:۱]

ژباړه: ... نو تاسو له الله تعالی څخه ووېرېږئ او خپلمنځي اړیکې مو سمې کړئ. د الله او د هغه د رسول اطاعت وکړئ، که تاسو مؤمنان یاست.

حزب التحریر ـ د فلسطین مبارکه خاوره

ژباړن: محمد هارون رؤفي

حزب التحریرـولایه ترکیه د سلواغې په ۲۸مه د خلافت د ړنګېدو د ۱۰۱ کالیزې په مناسبت یو لړ کنفرانسونه، سمینارونه او ناستې وکړې، چې پکې یې اسنیو اقتصادي بحرانونو ته اسلامي حلارې وړاندې کړې. دغه ګوند د غازي عنتاب په ښار کې له سیاسي ګوندونو، نادولتي مؤسسو، د محلي رسنیو له استازو او ښوونکو سره وکتل.

په دغه ناسته کې استاد احمد صفا، اسلامي اقتصاد پوه حنیفي یاغمور، ډاکتر عبدالرحیم سین، حقی ایرن او استاد عبدالله امام اوغلو خبرې وکړې.

ژباړه محمد هارون رؤفي

#YenidenHilafet

#ReturnTheKhilafah

#أقيموا_الخلافة

#الخلافة_101

#خلافت تأسیس کړئ

خبر:

د ۲۰۲۲م، د فبروري په اوولسمه د پنجشنبې په ورځ د "یهودي سمندري ځواک ادارې" تایید کړه، چې د امریکا په مشرۍ په سمندري تمریناتو کې یې له پاکستان، سعودي عربستان او نورو هغو هوادونو سره يو ځای ګډون کړی، چې له یهودي دولت سره يې ډیپلوماتیکي اړیکي نه لرلې.

تبصره:

د ۲۰۲۲م، د فبروري په پيل کې داسې راپورونه خپاره شول، چې پاکستان د ۲۰۲۲م، د جنوري په يو دېرشمه د امریکا لخوا په جوړو شوو نړیوالو سمندري تمریناتو کې د ګډون لپاره خپله سمندري بیړۍ لیږلې ده، چی په یادو سمندري تمریناتو کې یهودي دولت هم برخه اخیستې وه. د باجوه او عمران ريژيم تر اوسه د دې خبر د تایید او رد جریات نه دي ورکړي، خو اوس یهودي دولت تایید کړې، چې په دغو سمندري تمریناتو کې يې د پاکستان او یو شمېر نورو اسلامي هېوادونو د سمندري ځواکونو تر څنګ دوی هم برخه اخیستې وه. له بده مرغه دا پېښه نه په ټولنيزو رسنيو او نه هم آزادو رسنيو کې ياده شوې او نه هم په سیاسي جریانونو کې ورباندې بحث شوی. د باجوه او عمران ريژيم دغه عمل د الله سبحان وتعالی، رسول ﷺ او اسلامي امت سره لوی خیانت بللی شو، دا یو خیانت دی ځکه چی اسلام اجازه نه ده ورکړې، چې اسلامي خاوره دې په اشغال کې پرېښودل شي، د فلسطین خاوره د پیغمبرانو خاوره ده، دا هغه خاوره ده چې د رسول الله صلی علیه وسلم د صحابه کرامو په لاس ازاده شوې او دا هغه ځمکه ده چې د زرګونو شهیدانو د وینو په بدل کې یې ازادي تر لاسه کړې ده. لکه څرنګه چی تر ټولو غوره امت باید د الهي شریعت پر لوري روان وي او يوازې اسلامي امت د دې حق دعوه لري، خو د باجوه او عمران ريژيم د دې پر ځای چې د فلسطین د سپيڅلې ځمکې د ازادولو لپاره کار وکړي؛ له یهودي دولت سره خپلې اړیکې د پيژندګلوۍ او عادي کولو لپاره ټینګوي، دا هغه حکومت دی چې د هندوانو د اشغال پر وړاندې يې کشميريان د الله اسرې ته پرېښودل او دا پېښه د ۲۰۱۹م، په اګیست کې رامنځ ته شوه، چې له مخې يې اشغال شوی کشمير له هندوستان سره وتړل شو. د وسله والو ځواکونو او عامو مخلصو مسلمانانو له سختو فشارونو سره سره تراوسه پورې دې خاین ريژيم هېڅ پوځي اقدام ونکړ او نه يې هم زړورو خلکو ته اجازه ورکړه، چې د کنټرول له کرښې تېر شي او هلته د هندي اشغالګرو سره جګړه وکړي. پاکستاني چارواکي په کفارو دومره زیات مهربانه دي، چې د کشمير مسئلې څخه علاوه په اشغال شوي ختیځ ترکستان کې د چین حکومت له ظلمونو څخه هم انکار کوي، اقدام خو لرې خبره ده.

له ابن مسعود رضی الله څخه روایت دی چې رسول الله صلی الله علیه وسلم وفرمایل:

"إِنَّ مِمَّا أَدْرَكَ النَّاسُ مِنْ كَلَامِ النُّبُوَّةِ إِذَا لَمْ تَسْتَحْيِ فَافْعَلْ مَا شِئْتَ"

ژباړه: په حقیقت کې هغه خبرې چې خلک یې له پیغمبرانو څخه تر لاسه کوي دا دي: څوک چې شرم او حيا نه لري؛ څه يې چې زړه غواړي هغسې دې وکړي. "بخاری"

پاکستاني چارواکي هېڅ شرم نه لري، له هغه چا سره اړیکې ټینګوي، چا چې زموږ سپيڅلې خاوره اشغال کړې او زموږ وروڼه او خویندې يې شهیدان کړي او دغه پروسه لا هم دوام لري. د باجوه او عمران ريژيم په ښکاره توګه د اشغال شویو ځمکو د ازادولو په اړه د الله سبحان وتعالی له واضح حکمونو څخه سرغړونه کوي، دا بايد هېره نه کړو چې څوک زور لري او زورور له ګريوانه نه رانيسي؛ په اسلامي امت باندې د تيرېدونکو ټولو جرمونو مسؤل دی.

الله سبحانه و تعالی فرمايي:

{وَاتَّقُوا فِتْنَةً لَّا تُصِيبَنَّ الَّذِينَ ظَلَمُوا مِنكُمْ خَآصَّةً ۖ وَاعْلَمُوٓا أَنَّ اللَّهَ شَدِيدُ الْعِقَابِ} [الاٴنفَال : 25]

ژباړه: او له هغې فتنې څخه ځان وژغورئ چي د هغې ناوړه اغېزه به په ځانګړي توګه یوازې پر هغو خلكو پورې محدوده پاتې نه شي، چي په تاسو کې چا ګناه کړې وي. او وپوهېږئ چي الله سخت سزا وركونكى دى.

د پاکستان مسلمانان او په ځانګړې توګه په وسله والو ځواکونو کې باید د غدارانو مخه ونیول شي. دا کار هغه وخت په اغېزمنه توګه ترسره کېدای شي، چې په وسله وال پوځ کې مخلصین، حزب التحریر ته د نبوت په طریقه د خلافت د بیا تأسیس لپاره نصرت ورکړي.

د حزب التحریر مرکزي مطبوعاتي دفتر ته

لیکنه: انجنير شهزاد شیخ

ژباړه: حمزه صدیقي