نه جنرال باجوا! خلافت کوم نااشنا احساس نه؛ بلکې هغه فریضه ده چې

 رسول الله صلی الله علیه وسلم یې د بیا راتګ زېری ورکړی

د ۲۰۱۸م کال د فبروري په ۱۷مه د مونیخ په ۵۴مې امنیتي غونډه کې جنرال باجوا وویل:« د خلافت مفهوم یو خیالي احساس دی» همداراز هغه وویل: « په پاکستان کې د خلافت فکر نه دی خپور شوی». .په دې اساس د لویو استعماري قدرتونو په کنفرانس کې چې له لسیزو راهیسې یې د امت پر وړاندې جګړه روانه کړې، د نړۍ د تر ټولو لوی اسلامي پوځ قومندان د خلافت د فکر په اړه نا سمې خبرې کوي.

له شک پرته چې خلافت د تېر حسرت نه، بلکې د ټولو مسلمانانو مسولیت دی او په اړه یې بې پروایي په جهالت کې مړینه ده. رسول الله علیه وسلم فرمایي:

«مَنْ مَاتَ وَلَيْسَ فِي عُنُقِهِ بَيْعَةٌ مَاتَ مِيتَة جَاهِلِيَّةً»

(مسلم)

ژباړه: څوک چې مړ شي او له امیر سره یې بیعت نه وي کړی د هغه مرګ د جهالت مرګ دی.

خلافت د ټولو عمرونو پر خاوندانو فرض دی؛ رسول الله علیه وسلم فرمایلي:

«وَإِنَّهُ لَا نَبِيَّ بَعْدِي وَسَتَكُونُ خُلَفَاءُ فتَكْثُرُ»  قَالُوا: فَمَا تَأْمُرُنَا؟ قَالَ: « فُوا بِبَيْعَةِ الْأَوَّلِ فَالْأَوَّلِوَ أَعْطُوهُمْ حَقَّهُمْ فَإِنَّا للَّهَ سَائِلُهُمْ عَمَّا اسْتَرْعَاهُمْ»

(بخاری)

ژباړه: په حقیقت کې ورسته له ما بل نبي نشته، خو خلفاء به وي او زیاتیږي به، نو دوی ورته وویل، په څه باندې موږ ته امر کوې؟ ویې فرمایل: لومړنی بیعت لومړنی دی هغه بشپړ کړئ او حق یې ورکړئ، ځکه الله د هغه څه پوښتونکی دی، کوم چې هغوی یې رعایت او سرپرستي کړې ده

او رسول الله علیه وسلم یې له جبریه نظامونو ورسته د راګرځیدو زیری ورکړی. رسول الله علیه وسلم فرمایلي:

«ثُمّ تكونُ مُلْكاً جَبريَّةً، فتكونُ ماشاءَالله أنْ تكون، ثُمّ يرفعُها إذ اشاءَ أنْ يرفعَها.  ثُمّ تكونُ خِلافةً على مِنهاجا لنُّبُوَّة ،ثم سكت»

(رواه احمد)

ژباړه: بيا به جبريه نظامونه وي او تر هغه به وي چې الله سبحانه وتعالی یې وغواړي.  بيا چې کله وغواړي هغه به لرې کړي او  د نبوت پر منهج خلافت به راشي، بيا غلی شو.

له شک پرته نه یوازې دا چې د خلافت فکر په پاکستان کې ځای نیولی، بلکې د پوځیانو په ګډون دا د ټولو مسلمانانو لویه غوښتنه ده. له دې کبله پاکستاني حکام مجبور دي چې نوم یې واخلي، خو تر څنګ یې دوی خپل صلیبي باداران په دې ډاډمنوي چې خلافت به د تېر په څېر بیا د دوی د ښکار لپاره را ونه ګرځي. نو له همدې امله د پاکستان حکامو د خلافت غوښتونکو پر وړاندې د تهمت، ځورونې، نیولو، ربړولو او تښتولو کمپاین پیل کړی دی. حزب التحریر ټولو مسلمانانو ته دعوت ورکوي چې د خلافت د حکم د ادا کولو لپار ورسره یو ځای کار وکړي. او همدارنګه د پوځونو پر افسرانو غږ کوي چې ژر تر ژره نصرت ورکړي، چې یو ځل بیا دا حقیقي دین پر اسلامي خاورو عملي کړي.

د حزب التحریر ولایه ـ پاکستان مطبوعاتي دفتر

ژباړن: علي عسکري