(ژباړه)

د ۲۰۱۲م کال، د مې د میاشتې له ۱۱مې راهيسې د نوید بټ برمته کول یوه ستره ګناه او له بشري حقونو څخه ښکاره سرغړونه ده. د نوید بټ پر وړاندې تر اوسه د ترهګرۍ، اورپکۍ، بغاوت یا خیانت هیڅ قضیه نه ده ثبت شوې. سربیره پردې، نوید بټ دومره خواخوږی او مهربان و، چې ان یوه مرغه ته یې زیان نه و رسولی او نه یې د کومې ونې پاڼه راشکولې. د هغه له برمته کېدو راهیسې څو پوځي او سیاسي رهبرۍ بدلې شوې، خو لا هم نه دی ازاد شوی. ولې!؟ په داسې حال کې چې د دغو سیاسي رهبرانو له بدلېدو رابدلېدلو سره سره د دوی بادار، امریکا پر خپل ځای پاتې ده. د یو دولت په توګه د اسلامي نړۍ د یووالي غوښتنه د غلامو سیاسي او نظامي رهبرانو له محدود او ارزانه ليدلوري څخه بهر ده. په هرصورت، دا یو غږ دی چې په سپینه ماڼۍ، د امريکا بهرنیو چارو وزارت او پنټاګون کې د خطر زنګونه غږوي. رسول الله صلی الله علیه وسلم فرمایلي دي: «وَمَنْ عَادَى أَوْلِيَاءَ اللَّهِ فَقَدْ بَارَزَ اللَّهَ بِالْمُحَارَبَةِ». ژباړه: «او څوک چې د الله سبحانه وتعالی له اولياوو سره دښمني کوي، په حقیقت کې له الله سبحانه وتعالی سره په جنګ دي». [حکیم له معاذ بن جبل څخه روایت کړی دی] خو بیا هم د پاکستان حکام پرې غوږ نه ګروي!

د رهبرۍ د بحران په وخت کې نوید بټ د اسلامي امت یو وړ او پیاوړی رهبر دی. نوید بټ د امت یو تکړه او هوښیار بچی او انجینر دی چې له ایلینوس پوهنتون څخه ماسټري لري او د حزب التحريرـ ولایه پاکستان ویاند دی؛ حزب التحریر چې په اسلامي نړۍ کې تر ټولو لوی اسلامي سیاسي حزب دی. خلافت ته د هغه د دعوت غږ ته په ټول پاکستان کې په درنه سترګه کتل کېږي. د ۲۰۱۲م کال، د مې په ۱۱مه، د هغه له لادرکه کولو سره سره، تر نن ورځې پورې خلک د خلافت په موضوع د هغه مقالې، مرکې او ویډیويي کلیپونه پر ټولنیزو رسنیو شریکوي. د اسلامي احکامو، اقتصاد، قضا، بهرنیو چارو، ښوونې او روزنې او په ټولنه کې د کورنۍ د تنظیم په برخه کې د ده کار، د خلافت غږ له یوه مبهم شعار څخه شفاف، مفصل لید لوري ته ورساوه. سره له دې چې د پاکستان حکام د مسلمانانو په اغېزناکه رهبرۍ کې پاتې راغلي، هغوی بیا هم نوید په تیاره خونه کې ساتي. الله سبحانه وتعالی فرمايي:

«إِنَّ الَّذِينَ يُحَادُّونَ اللَّهَ وَرَسُولَهُ أُوْلَئِكَ فِي الأَذَلِّينَ» [مجادله: ۲۰]

ژباړه: «هغه خلک په باوري  ډول له ډېرو ذليلو مخلوقاتو څخه دي، چې د الله سبحانه وتعالی او د هغه د رسول الله صلی الله علیه وسلم سره مقابله کوي»

خو بیا هم د پاکستان حکام د الله سبحانه وتعالی پر وړاندې سر نه ټيټوي!

نوید بټ د ۲۰۱۲م کال، د مې له ۱۱مې راهیسې ځکه لادرکه کړای شوی چې د ظالمو حکامو پر وړاندې یې د حق غږ پورته کاوه. د پاکستان د اجباري لادرکه کولو په اړه د څېړنو کمیسیون د ۲۰۱۸م کال، د جنورۍ په ۴مه د ColoED ID No. 860-P حوالې کوډ سره د اجباري لا درکه شوو کسانو د پيدا کولو امر وکړ؛ ایا تر اوسه د نوید بټ د خوشې کولو وخت نه دی را رسېدلی؟ خو د پاکستان حکام لا هم د دغه امر پیروي نه کوي؛ ځکه دوی د امریکا له اجازې پرته د ګوتې پورته کولو جرات هم نه کوي. د ظالمو حکامو پر وړاندې د حق خبره کول جرم نه، بلکې یو مهم مکلفیت دی. رسول الله صلی الله علیه وسلم فرمايي:

«أَلَا لَا يَمْنَعَنَّ أَحَدَكُمْ رَهْبَةُ النَّاسِ أَنْ يَقُولَ بِحَقٍّ إِذَا رَآهُ أَوْ شَهِدَهُ فَإِنَّهُ لَا يُقَرِّبُ مِنْ أَجَلٍ وَلَا يُبَاعِدُ مِنْ رِزْقٍ» [احمد]

ژباړه: مه پرېږدئ چې له خلکو څخه ویره مو د حق له ویلو او څرګندولو منع کړي، ځکه چې د حق ویل یو ستر کار دی، چې نه مرګ نږدې کولای او نه هم رزق لرې کولای شي.

نوید بټ و چې پر ایبټ آباد د امریکا د بريد لپاره اسانتیاوو برابرولو په سبب یې حکام له وېرې پرته محاسبه کول. دا نوید بټ و چې په زړورتیا یې له اشغال شوي کشمیر او فلسطین سره د حکامو خیانت ننګاوه او دا چې حکام له IMF څخه په پټو سترګو د پورونو اخیستو له لارې د پاکستان اقتصاد ویجاړوي.

د ۲۰۱۲م کال، د مې له ۱۱مې راهيسې د نوید بټ اختطاف د ډیموکراسۍ او د بیان د ازادۍ دروغ په ډ‌اګه کوي. د نوید بټ اولادونه د خپل پلار له سرپرستۍ، شفقت او مینې پرته لوی شوي، یوازې د دې لپاره چې هغه د الله سبحانه وتعالی د دین لپاره خپل غږ پورته کاوه، ترڅو دغه دين د دولت، ټولنې او ټولنيز ژوند په کچه په پام کې ونيول شي. الله سبحانه وتعالی فرمايي:

«وَمَنْ لَمْ يَحْكُمْ بِمَا أَنزَلَ اللَّهُ فَأُوْلَئِكَ هُمْ الظَّالِمُونَ» [مائده: ۴۵]

ژباړه: «او کوم خلک چې د الله سبحانه و تعالی له رالېږل شوي قانون سره سمه پرېکړه نه کوي هغوی ظالمان دي»

د اسمان او ځمکې په کوم قانون کې دا ډول سیاسي او ديني څرګندونې جرم دی؟ په حقیقت کې، د نوید بټ قضیه دا تاییدوي چې ډیموکراسي یو ظالمانه حاکمیت دی، چې یوازې د استعمار او د هغوی د اجنټانو ګټې خوندي کوي. ایا اوس هغه وخت نه دی رارسېدلی چې خبریالان، د بشري حقونو فعالان، وکیلان او علما د نوید بټ د ژر تر ژره خوشې کیدو لپاره غږ پورته کړي؟ ايا هغه وخت نه دی رارسېدلی چې دوی ټول د الله سبحانه وتعالی له لوري د ټولو نازل شويو حکمونو له مخې د هغه حاکمیت د بېرته راګرځولو په اجر کې برخه واخلي، چې د الله سبحانه وتعالی له لوري يو ستر فرض دی؟

اې د پاکستان د وسله والو ځواکونو مسلمانانو! نوید بټ د ۲۰۱۲م کال، د می له ۱۱مې راهیسې ځکه لادرکه کړای شوی چې تاسو تر اوسه خپل مکلفیت نه دی ترسره کړی. نوید بټ درنه غوښتل چې د راشده خلافت د بیا تاسیس لپاره حزب التحریر ته خپل نصرت ورکړئ. هغه تر نن ورځې پورې د الله سبحانه وتعالی پر وړاندې خپل مکلفیت ادا کوي، په داسې حال کې چې تاسو په غفلت کې یاست. څومره نور غواړئ په ګناه کې پاتې شئ؟ په داسې حال کې چې الله سبحانه وتعالی د راشده خلافت د بیا راګرځولو لپاره نړۍ چمتو کړې ده، تاسو څنګه په ګناه کې پاتې کېږئ؟ د غزې د مسلمانانو سرښندونکي مقاومت د یهودي دولت کمزورتیا او د امریکا د نړیوال نظام فساد په ډاګه کړ. د مسلمانانو حکام ټول افشا شول، چې د مسلمانانو د پوځونو د محدودولو او د امریکا د دوو- دولتونو حل له لارې د فلسطین ډیره برخه یهودیانو ته سپاري. اې د پاکستان د وسله‌والو ځواکونو مسلمانانو! د شرق او غرب منصف او سالم ذهن واله خلک مو ملاتړي دي. تر ټولو پورته، که د النصیر الله سبحانه و تعالی په اطاعت حرکت وکړئ، د هغه سبحانه وتعالی نصرت درسره دی. فتنې ختمې کړئ، ظالمان ونیسئ، ظلم او باطل اصلاح کړئ او د الله سبحانه وتعالی رضایت ترلاسه کړئ. الله سبحانه وتعالی فرمايي:

«وَاتَّقُوا فِتْنَةً لاَ تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ» [انفال: ۲۵]

ژباړه: «او له هغې فتنې ځان وژغورئ چې د هغې ناوړه اغېزه به په ځانګړې توګه یوازې تر هغو خلکو پورې محدوده پاتې نه شي چې په تاسو کې يې ګناه کړې وي. او وپوهېږئ چې الله سخت سزا ورکوونکی دئ»

د حزب التحريرـ ولایه پاکستان مطبوعاتي دفتر

۱۴۴۵ هـ.ق کال، د شوال ۲۶مه

۲۰۲۴م کال، د مې ۵مه

ژباړن: محمد حامد

ګارډین ورځپاڼې راپور ورکړی چې په افغانستان کې د بریتانیايي پوځیانو د جنګي جنایتونو قضیې ته رسیدګي ښايي تر ۲۰۲۵م کال پورې وځنډېږي. د بریتانیا هوايي ځواکونه په هلمند ولایت کې د افغانتسان د شاوخوا ۸۰ مسلمانانو پر وژنې تورن دي. ویل شوي چې دغو سرتېرو یاد کسان د ۲۰۱۰-۲۰۱۳ کلونو ترمنځ د خوب پر مهال یا تر نیولو وروسته په سړه سینه وژلي. د قضیې یوه وکیل ویلي چې د بریتانیا ځانګړو ځواکونو په هلمند کې «د جګړې پر شرایطو برابرو ټولو نارینه‌وو» د له منځه وړلو سیاست پلی کړی. دا په داسې حال کې ده چې په ۲۰۲۰م کال کې د اسټرالیا نظامي څېړنو هم تایید کړې وه چې د دغه هیواد ځواکونو په افغانستان کې د ۲۰۰۵-۲۰۱۶ کلونو ترمنځ د ماشومانو او بندیانو په ګډون شاوخوا ۳۹ ملکیان په مرميو وژلي.

یادې پېښې په افغانستان کې د بهرنیو اشغالګرو ځواکونو د زرګونو جنایتونو وړه بېلګه ده چې ډېره کمه برخه یې منعکسه شوې. د مسلمانانو پر وړاندې د غرب جنایتونه یوازې تر افغانستانه نه را لنډېږي، بلکې ۱۰۳ کاله کېږي چې د خلافت دولت په نشتون کې له فلسطین څخه تر عراق او له سوریې تر افریقا پورې د مسلمانانو وینه په ډېرې بې رحمۍ تویېږي او د مسلمانانو هېڅ پوځ او حاکم نشته چې د دغې ارزښتمنې وینې دفاع وکړي. ان تر دې چې د مسلمانانو وینه د غربي سرتېرو پر سرګرمۍ بدله شوې؛ ځینو امریکايي او د ناټو پوځیانو اعتراف کړی چې په افغانستان کې یې د ماموریت پر مهال د شرط تړلو او د تفریح په موخه ملکي خلک ویشتل.

په غرب کې چې د جنګي جنایتونو د څېړلو لپاره کومې محکمې جوړېږي، د عدالت ټینګولو وړتیا نه لري. ډیری تورن کسان د ډول ډول جنګي جنایتونو پر ترسره کولو سربېره، په نظامي محکمه کې تبرئه شوي او له معنی لرونکې موسکا سره له محکمې وتلي. لکه څه ډول چې ټرمپ په ۲۰۱۹ کال کې درې هغه جنګي جنایتکاران وبښل چې په افغانستان او سوریه کې د بې ګناه مسلمانانو قاتلین وو او ان محکمو پرې د اوږدې مودې بند جزا حکم صادر کړی و.

په دې کې هېڅ شک نشته چې د غرب ټول تاریخ د بشریت پر وړاندې له جنایتونو ډک دی او په هره خاوره کې یې چې خپل شوم ګام اېښی، وحشت او جنایت یې رامنځته کړی. ځکه چې غربي اشغالګر هېڅ انساني او اخلاقي ارزښت ته ژمن نه دي. د غرب جرايم یوازې تر جنګي جنایتونو نه را لنډېږي، بلکې له هغه وخته چې خلافت سقوط شوی او د ډیموکراسۍ فاسدې مفکورې او وینه زبېښونکي پانګوال نظام د نړۍ واکمني په لاس کې اخیستې، ټول بشریت او په ځانګړي ډول اسلامي امت تر اشغال، استعمار، ظلم او جنایت لاندې دی او ان ځمکه، سمندر، مرغان او ژوي هم د دوی له جنایتونو خوندي نه دي پاتې.

په حقیقت کې؛ هر مسلمان چې وژل کېږي، هغه یو عدد نه بلکې یو انسان دی او هر څاڅکی وینه یې تر کعبې لوړ ارزښت لري؛ د مسلمان د یوه څاڅکي وینې لپاره پکار ده چې د غرب مبدأ، ثقافت او نظم يې را نسکور او له منځه لاړ شي. خو هغه څه چې د خواشينۍ وړ دي، دا دي چې په تېرو ۲۰ کلونو کې د افغانستان د مسلمان او مجاهد ولس پر وړاندې د غرب پر جنګي جنایتونو سربېره، اوسنی حاکم نظام له دغو جنایتکارانو سره د نږدې اړیکو ټینګولو په هڅه کې دی او د بریتانیې او امریکا له امنیتي چارواکو او ډیپلوماټانو سره سیاسي او امنیتي ناستې کېږی. په دغو ناستو کې له هغوی څخه د سیاسي مشروعیت او اقتصادي مرستو غوښتنې کېږي. موږ په ډیر اخلاص خپلو مجاهدو وروڼو ته شرعي تذکر ورکوو چې پیاوړی نظامي موقف مو د جګړې په ډګر کې د دښمن د ماتې سبب شو، اړتیا ده چې د سیاست او ډیپلوماسۍ په ډګر کې هم پیاوړی شرعي موقف ونیول شي چې دغه مکار او جنایتکار دښمن زموږ په خاورو کې د نفوذ فرصت او جرات پیدا نه کړي. شرعي سیاست حکم کوي چې له دغو جنایتکارانو سره هر راز سیاسي او اقتصادي تعامل پای ومومي او د امت د وحدت لپاره هڅې وشي. ځکه چې د متکبر غرب جنایتونو ته غاښ ماتوونکی ځواب او له اسلامي ارزښتونو او د مسلمانانو له وینو دفاع د امت له فکري، سیاسي، نظامي او جغرافیوي وحدت او د نبوت پر منهج خلافت له تاسیس پرته شونې نه ده.

«إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ فَإِنْ أَمَرَ بِتَقْوَى اللَّهِ عَزَّ وَجَلَّ وَعَدَلَ كَانَ لَهُ بِذَلِكَ أَجْرٌ وَإِنْ يَأْمُرْ بِغَيْرِهِ كَانَ عَلَيْهِ مِنْهُ» رواه مسلم.

ژباړه: «امام (خليفه) ډال دی چې تر شا يې جګړه کېږي او هغه ته پنا وړل کېږي. که چېرې هغه له الله عز وجل څخه پر تقوی امر وکړي او عدالت وکړي، نو د هغه لپاره د دغو کارونو اجر دی، خو که چېرې له دې (تقوی او عدالت) پرته پر بل څه امر وکړي، نو ګناه يې د هغه پر غاړه ده».

د حزب التحریر – ولایه افغانستان مطبوعاتي دفتر