د الخلیل پېښو او پر مالونو او مقدساتو برید، ټوله سپېڅلې ځمکه خپه کړې، ځکله چې الخلیل ښار د باروتو په یوه داسې بېرل بدل شوی، چې چاودېدو ته نیږدې دی او بڅري به یې ټول فلسطین زیانمن کړي. دا به نو ولې پر ټول فلسطین اغېزه نه کوي، په داسې حال کې چې د خلیل الرحمان خلک د هغه چا اطاعت کوي، چې دوی ته نصیحت کوي او د هغه چا نافرماني کوي چې دوی غولوي، دوی حقیقتونه خپروي او د دښمنانو دسیسې شنډوي. د فلسطین خلک د الخلیل د خلکو رول او دریځ نه هېروي لکه: د ټولنیز امنیت د پروژې په مقابل کې، د CEDAW (د ښځو د حقونو) تړون او د کورنۍ د ساتنې د قانون پر وړاندې، د مذهبي تبلیغ (مسیحي) ښوونځيو د جوړولو مخه نیول او ډېرې نورې سترې کړنې دي، چې تر اوسه د خلکو په حافظه کې ثبت دي. ستاسو دغه قوي دریځ، یهودیان او د اسلام دوښمنان او د دوی مزدوران فلسطیني چارواکي دوښمنۍ ته اړ کړي او هڅه کوي تر څو دغه سپېڅلی ښار ویجاړ کړي.

اې د خلیل الرحمان خلکو! کوم اور چې نن د الخلیل د کورنیو ترمنځ بل شوی، لامل یې یهودي ادارې او فلسطيني چارواکي دي، چې غواړي هیواد مو ویجاړ او خلک یې بې ځایه کړي. هغه ډزې چې په جنوبي سیمه کې د یهودي ادارو تر سترګو لاندې رامنځ ته شوې، دوی پوهېږي چې دا ډزې یوازې تاسې سوځوي او یهودي اسېدونکو ته کوم زیان نه رسوي، که نه نو طرزالعمل به توپیر درلودای. د دې ترڅنګ کومې پېښې چې د امنیتي ادارو په سیمه کې د دوی تر څارنې لاندې ترسره کیږي لکه، د خلکو وژل، شتمۍ یې لوټول او په کورونو کې وېره خپرول، خو امنیتي ادارې اقدام نه کوي، ترڅو هغه کسان ونیسي چې دا ډول پېښې ترسره کوي. په حقیقت کې مجرمین دا جنایتونه کوي، د دوی فلمونه جوړېږي او په وېب پاڼو کې خپریږي، خو پوښتنه دا ده چې ولې دا کسان نه نیول کږي؟ او ولې د خلکو د مال ساتنه نه کېږي. په داسې حال کې چې امنیتي ادارې کولای شي د لاریونونو مخه ونیسي، هغه خلک بندي کړي چې یهودیانو ته زیان رسوي، خو خلک  له دغه فتنه ګرو څخه نشي ساتلی؟ هغه کسان چې خلک وژني، شتمنۍ لوټوي د فلسطیني چارواکو ملګري دي، چې د دوی په امر عمل کوي. د الخلیل د پېښې په اړه د فلسطین د ادارې دریځ او رول د یهودي نیواکګرو ځواکونو له دریځ سره توپیر نه لري، چې په نابلس سیمه کې یې دری تنه په ډېره بې رحمۍ سره د فلسطیني ادارې تر سترګو لاندې شهیدان کړل.

نن ورځ چې کومې پېښې رامنځ ته کیږي چارواکي په هغه کې ښکېل دي. په حقیقت کې په دواړو کورنیو کې د امنیتي ادارو غړي کار کوي، ترڅو د هغو کسانو هڅې شنډې کړي، چې د دغو دوو کورنیو ترمنځ د منځګړو په حیث د اصلاح او جوړجاړي لپاره کار کوي او په دې باندې ټول هغه کسان خبر دي او پوهیږي چې په الخلیل کې له نږدې دغه ګډوډۍ ګوري. همدا چارواکي د خلکو ترمنځ په جګړه کې ښکېل و، نه کورنۍ، بلکې کورنۍ د سونګ هغه توکي دي، چې چارواکي یې د الخلیل د سیمې د خلکو د سوځولو لپاره کاروي. جابري او ابو عایشې کورنۍ هغه باعزته او پېژندل شوې کورنۍ دي، چې په کې غوره کسان موجود دي او کولای شي د هر ډول فتنې مخه ونیسي او هره ستونزه حل کړي. خو د اشغالګرو مزدوران او ځینې عناصر، چې په امنیتي ادارو په ځانګړې توګه په استخباراتي ادارو کې کار کوي، د دواړو کورنیو ترمنځ د نفاق اور ته لمن وهي.

ایا د دولت له لوري د نظار بنات د وژلو په سبب د خلکو له پیاوړیو لاریونونو وروسته د ابو عایشه الجباري کورنیو تر منځ د وژنو وخت د شک وړ نه دی!؟ او ولې د دواړو کورنیو تر منځ خبرې هغه وخت لا ډېرې ترنګړې شوې چې خلکو د فلسطین دولت له لوري د لوړو بیو او مالیو په سبب لاریونونه پیل کړل!؟ یو هوښیار انسان ولې داسې فکر وکړي چې تصادف دی!؟

اې په سپېڅلې خاوره او په ځانګړي ډول په خلیل الرحمن ښار کې زموږ خلکو!

حزب التحریر ستاسو له منځه او ستاسو سره دی او ستاسې د مسایلو د حل لپاره هلې ځلې کوي. دغه ډله ستاسو په منځ کې د پېښو پر مهال موجوده وه او د اصلاح لپاره یې کار کاوه او هېڅ کله به تاسې یوازې پرېنږدي. موږ تاسې ته څرګنده کړه چې کوم کسان ستاسې پر وړاندې دسیسه جوړوي او یو ځل بیا درته خبردارۍ درکوو او به اخلاص سره مشوره درکوو، چې د نن ورځې چارواکي ستاسو له دوښمن سره یو ځای کار کوي، ترڅو د هغوی پلان تطبیق او تاسې وشړي. دا ستاسو د وینو، خاورې، عزت او ماشومانو پر وړاندې یوه دسیسه ده، نو مخه یې ونیسئ او ټول د الله سبحانه وتعالې په رسۍ منګولې ولګوئ او د خپل هېواد لپاره له ځانونو د سونګ توکي مه جوړوئ. موږ له تاسو دواړو معززو کورنیو الجبري او العووي څخه غوښتنه کوو؛ د هغو کسانو چې د منځکړي په توګه د روغې جوړې هڅې کوي ورته مثبت ځواب ووایئ، ترڅو ټول هغه کسان چې په دغه سپېڅلې ځمکه کې دسیسې جوړوي، مایوسه شي. هغه څه چې ستاسو دښمنان غوسه کوي ستاسې یووالی او د دسیسه جوړونکو پر وړاندې قوي دریځ دی، الله سبحانه وتعالې فرمایلي دی:

{...فَاتَّقُوا اللَّهَ ‌وَأَصْلِحُوا ذَاتَ بَيْنِكُمْ وَأَطِيعُوا اللَّهَ وَرَسُولَهُ إِنْ كُنْتُمْ مُؤْمِنِينَ}[الانفال:۱]

ژباړه: ... نو تاسو له الله تعالی څخه ووېرېږئ او خپلمنځي اړیکې مو سمې کړئ. د الله او د هغه د رسول اطاعت وکړئ، که تاسو مؤمنان یاست.

حزب التحریر ـ د فلسطین مبارکه خاوره

ژباړن: محمد هارون رؤفي

حزب التحریرـولایه ترکیه د سلواغې په ۲۸مه د خلافت د ړنګېدو د ۱۰۱ کالیزې په مناسبت یو لړ کنفرانسونه، سمینارونه او ناستې وکړې، چې پکې یې اسنیو اقتصادي بحرانونو ته اسلامي حلارې وړاندې کړې. دغه ګوند د غازي عنتاب په ښار کې له سیاسي ګوندونو، نادولتي مؤسسو، د محلي رسنیو له استازو او ښوونکو سره وکتل.

په دغه ناسته کې استاد احمد صفا، اسلامي اقتصاد پوه حنیفي یاغمور، ډاکتر عبدالرحیم سین، حقی ایرن او استاد عبدالله امام اوغلو خبرې وکړې.

ژباړه محمد هارون رؤفي

#YenidenHilafet

#ReturnTheKhilafah

#أقيموا_الخلافة

#الخلافة_101

#خلافت تأسیس کړئ

خبر:

د ۲۰۲۲م، د فبروري په اوولسمه د پنجشنبې په ورځ د "یهودي سمندري ځواک ادارې" تایید کړه، چې د امریکا په مشرۍ په سمندري تمریناتو کې یې له پاکستان، سعودي عربستان او نورو هغو هوادونو سره يو ځای ګډون کړی، چې له یهودي دولت سره يې ډیپلوماتیکي اړیکي نه لرلې.

تبصره:

د ۲۰۲۲م، د فبروري په پيل کې داسې راپورونه خپاره شول، چې پاکستان د ۲۰۲۲م، د جنوري په يو دېرشمه د امریکا لخوا په جوړو شوو نړیوالو سمندري تمریناتو کې د ګډون لپاره خپله سمندري بیړۍ لیږلې ده، چی په یادو سمندري تمریناتو کې یهودي دولت هم برخه اخیستې وه. د باجوه او عمران ريژيم تر اوسه د دې خبر د تایید او رد جریات نه دي ورکړي، خو اوس یهودي دولت تایید کړې، چې په دغو سمندري تمریناتو کې يې د پاکستان او یو شمېر نورو اسلامي هېوادونو د سمندري ځواکونو تر څنګ دوی هم برخه اخیستې وه. له بده مرغه دا پېښه نه په ټولنيزو رسنيو او نه هم آزادو رسنيو کې ياده شوې او نه هم په سیاسي جریانونو کې ورباندې بحث شوی. د باجوه او عمران ريژيم دغه عمل د الله سبحان وتعالی، رسول ﷺ او اسلامي امت سره لوی خیانت بللی شو، دا یو خیانت دی ځکه چی اسلام اجازه نه ده ورکړې، چې اسلامي خاوره دې په اشغال کې پرېښودل شي، د فلسطین خاوره د پیغمبرانو خاوره ده، دا هغه خاوره ده چې د رسول الله صلی علیه وسلم د صحابه کرامو په لاس ازاده شوې او دا هغه ځمکه ده چې د زرګونو شهیدانو د وینو په بدل کې یې ازادي تر لاسه کړې ده. لکه څرنګه چی تر ټولو غوره امت باید د الهي شریعت پر لوري روان وي او يوازې اسلامي امت د دې حق دعوه لري، خو د باجوه او عمران ريژيم د دې پر ځای چې د فلسطین د سپيڅلې ځمکې د ازادولو لپاره کار وکړي؛ له یهودي دولت سره خپلې اړیکې د پيژندګلوۍ او عادي کولو لپاره ټینګوي، دا هغه حکومت دی چې د هندوانو د اشغال پر وړاندې يې کشميريان د الله اسرې ته پرېښودل او دا پېښه د ۲۰۱۹م، په اګیست کې رامنځ ته شوه، چې له مخې يې اشغال شوی کشمير له هندوستان سره وتړل شو. د وسله والو ځواکونو او عامو مخلصو مسلمانانو له سختو فشارونو سره سره تراوسه پورې دې خاین ريژيم هېڅ پوځي اقدام ونکړ او نه يې هم زړورو خلکو ته اجازه ورکړه، چې د کنټرول له کرښې تېر شي او هلته د هندي اشغالګرو سره جګړه وکړي. پاکستاني چارواکي په کفارو دومره زیات مهربانه دي، چې د کشمير مسئلې څخه علاوه په اشغال شوي ختیځ ترکستان کې د چین حکومت له ظلمونو څخه هم انکار کوي، اقدام خو لرې خبره ده.

له ابن مسعود رضی الله څخه روایت دی چې رسول الله صلی الله علیه وسلم وفرمایل:

"إِنَّ مِمَّا أَدْرَكَ النَّاسُ مِنْ كَلَامِ النُّبُوَّةِ إِذَا لَمْ تَسْتَحْيِ فَافْعَلْ مَا شِئْتَ"

ژباړه: په حقیقت کې هغه خبرې چې خلک یې له پیغمبرانو څخه تر لاسه کوي دا دي: څوک چې شرم او حيا نه لري؛ څه يې چې زړه غواړي هغسې دې وکړي. "بخاری"

پاکستاني چارواکي هېڅ شرم نه لري، له هغه چا سره اړیکې ټینګوي، چا چې زموږ سپيڅلې خاوره اشغال کړې او زموږ وروڼه او خویندې يې شهیدان کړي او دغه پروسه لا هم دوام لري. د باجوه او عمران ريژيم په ښکاره توګه د اشغال شویو ځمکو د ازادولو په اړه د الله سبحان وتعالی له واضح حکمونو څخه سرغړونه کوي، دا بايد هېره نه کړو چې څوک زور لري او زورور له ګريوانه نه رانيسي؛ په اسلامي امت باندې د تيرېدونکو ټولو جرمونو مسؤل دی.

الله سبحانه و تعالی فرمايي:

{وَاتَّقُوا فِتْنَةً لَّا تُصِيبَنَّ الَّذِينَ ظَلَمُوا مِنكُمْ خَآصَّةً ۖ وَاعْلَمُوٓا أَنَّ اللَّهَ شَدِيدُ الْعِقَابِ} [الاٴنفَال : 25]

ژباړه: او له هغې فتنې څخه ځان وژغورئ چي د هغې ناوړه اغېزه به په ځانګړي توګه یوازې پر هغو خلكو پورې محدوده پاتې نه شي، چي په تاسو کې چا ګناه کړې وي. او وپوهېږئ چي الله سخت سزا وركونكى دى.

د پاکستان مسلمانان او په ځانګړې توګه په وسله والو ځواکونو کې باید د غدارانو مخه ونیول شي. دا کار هغه وخت په اغېزمنه توګه ترسره کېدای شي، چې په وسله وال پوځ کې مخلصین، حزب التحریر ته د نبوت په طریقه د خلافت د بیا تأسیس لپاره نصرت ورکړي.

د حزب التحریر مرکزي مطبوعاتي دفتر ته

لیکنه: انجنير شهزاد شیخ

ژباړه: حمزه صدیقي

(ژباړه)

پوښتنه:

د جهاد او اسلامي نظریو په تړاو د فارس له مشر روستم سره د ستر صحابي ربعي بن عامر ترسره شوې خبرې اترې زموږ لپاره تاریخي مسله ده، په دې اړه یې څه ویلي وو؟

د مسلمانو له خوا د فارس د نیولو په جریان کې نوموړي مسلمانان د فارس له رهبر روستم سره خبرو اترو ته ور غوښتي وو. دا څه د سولې لپاره یو قعطي وړاندیز و، د کوم پر مټ چې مسلمان پوځونه یوې جګړې ته له دننه کېدو پرته بیرته راوګرځېدل. نو ربعي بن عامر روستم ته ورغی، په داسې حال کې چې نوموړی د اسلامي پوځونو کوم مشر نه و، خو د خلکو یو مخکښ غړی و.

دلته یې خبرې اترې راخلو...

روستم هغه ته د داخلېدو اجازه ورکړه

ربعي له خپل اس سره یوځای پر فرشونو سربېره د هغه مخ ته ورغی او کله چې دی هلته ورسېد، نو دننه یې د سرو زرو بالښت پیدا کړ. یو دانه یې پرې کړ او وروسته یې د اس ځنځیر پرې وتړه. وروسته یې نېزه واخیسته او روستم ته یې مخ ور واړوه. نیزه پر فرش پرته وه، وروسته یې پرې کړ. روستم خبرې پیل کړې. 

روستم: پر فرش یا غولي دې څه کېښودل؟

ربعي: موږ ستا پر غلیو او ښکلیو فرشونو نه کېنو.

روستم: څه دې راوړي دي؟

ربعي: الله سبحانه وتعالی موږ رالېږلي یو چې غلامان د غلامانو له بندګۍ وژغورو او د داسې څښتن تعالی عبادت ته یې راوګرځوو چې هغه د بنده ګانو خالق دی، همدارنګه د بې عدالتۍ له نظامونو او مذهبونو څخه د اسلام دین ته مو دعوت کړو. د دې تر څنګ تاسو د دې نړۍ له محدودیت څخه د دې دنیا او اخرت پراخوالي ته راوګرځوو. هر څوک چې دا بلنه ومني، موږ به هغه ومنو او که یې ونه مني، موږ به له هغه څخه جزیه واخلو او که یې رد کړي، بیا به یې پر وړاندې جګړه وکړو، څو چې بریالي شوي نه وو.

روستم: کېدایشي تاسو به د دې څه ترسره کېدو وړاندې مړه شئ.

ربعي: الله سبحانه وتعالی له موږ سره د جنت ژمنه کړې او جنت به هم د هغو کسانو لپاره وي چې مړه کېږي او بریا به د هغو لپاره وي چې پاتې کېږي.

روستم: ما ستا خبرې واورېدې او ستا په موخه پوه شوم، ایا ماته دومره وخت راکولی شئ چې زه له خپلو مشرانو او خلکو سره په دې اړه مشوره وکړم؟ (نوموړي په دې اړه د فکر کولو لپاره د وخت غوښتنه وکړه.)

ربعي: هو، وخت درکولی شو، یوه او یا دوې ورځې

روستم: نه، ډېر وخت راکړئ، زه په دې ښار کې خپل خلک راټولوم. 

ربعي: رسول الله صلی الله علیه وسلم موږ ته امر کړی چې موږ باید د دښمن پر وړاندې همداسې پاتې نه شو او موږ باید تر درېیو ورځو ډېر وخت ورنه کړو. (یوازې همدا درې ورځې، چې هغوی د خلکو راټولو او زموږ پر وړاندې د چمتو کولو وخت او وړتیا پیدا نه کړي.) نو زه درې ورځې وخت درکوم، که اسلام ومنئ، راګرځو او که نه جزیه به ورکوئ. که تاسو زموږ مرستې ته اړتیا لرئ، موږ به مرسته درسره وکړو او که تاسو زموږ په بریا کې شامل نه وئ، پر څلورمه ورځ به مو پر وړاندې جګړه پیل شي. زه ضمانت در کوم چې تر درېیو ورځو به مو پر وړاندې جګړه نه کېږي، خو دا چې ستاسو له لوري جګړه پیل نه شي. دا هم ضمانت درکوم چې تر څلورمې ورځې به هم جګړه نه پیلېږي.

روستم: ته د هغوی مشر یې؟ (یعنې ته د مسلمانانو مشر یې چې ماته دا ضمانت راکوې چې هغوی به له ما سره جګړه ونه کړئ؟)

ربعي: نه، زه د پوځ یو سرتېری یم، خو زه موږ یو ټیټ رتبه هم لوړ رتبه ته قناعت ور کولی شي. د ده هدف دا و چې که زموږ یو ټیټ رتبه کس یو څه ووایي، بیا پر هغه عمل کېږي. 

روستم بیا خپلو ملګرو ته خبرې وکړې.

روستم: ایا تاسو د هغه منطق ولیدل؟ تاسو یې ځواک وینئ؟ تاسو د هغه باور وینئ؟ هغه خپلو خلکو ته خطاب کوي چې هغوی له مسلمانانو سره سولې ته وهڅوي. په همدې ترتیب جګړې ته له دننه کېدو څخه یې منع کوي. دوی په دې اړه تړون کول رد کړل او جګړه پیل شوه. مسلمانان په دې جګړه کې بریالي شول او د فارس امپراتوري نسکوره شوه.

وروره! ایا دغه خبرې اترې رښتیا دي دي که دروغ؟

اسلام علیکم ورحمت الله و برکاته

ځواب:

وعلیکم سلام ورحمت الله و برکاته!

اې وروره! دا اسلام ته عزت ورکول او ساته ده او له الله سبحانه وتعالی پرته له نور څه څخه د وېرې نشت دی. دغه مسله په بېلابېلو ځایونو کې له کوم بدلون پرته او له عمومي مانا سره په واضحه توګه راغلې ده.

د تبري تاریخ: (۳/۳۳-۴۰)

د ابن کثیر له خوا پیل شوی او پای ته رسېدلی: (۷/۴۶+۴۷)

د ابن خلدون تاریخ: ۲/۹۴+۹۵)

هو، دا مسله یادو سرچینو یاده کړې ده، ژباړن هغه ته وویل: تا څه راوړي دي؟ ده وویل: « الله سبحانه وتعالی موږ رالېږلي یو چې غلامان د غلامانو له بندګۍ وژغورو او د داسې څښتن تعالی عبادت ته یې راوګرځوو چې هغه د بنده ګانو خالق دی، همدارنګه د بې عدالتي له نظامونو او مذهبونو څخه د اسلام دین ته مو دعوت کړو. همدارنګه الله سبحانه وتعالی موږ د هغه سبحانه وتعالی له طرفه له رالېږل شوي نظام سره رالېږلي یو، که یې څوک ومني، موږ یې منو او پخپلو خاورو کې یې پرېږدو او که یې رد کړي، تر هغه جګړه ورسره کوو چې یا بریالي شوي نه وو او یا مو جنت تر لاسه کړی نه وي.» وروسته روستم وویل: کولی شئ په دې اړه د یو څه وخت لپاره فکر کولو ته راکړئ، ده ورته وویل:

هو، څومره وخت باید درکړم، یوه او که دوې ورځې؟ هغه وویل: «نه، تر هغه چې موږ له خپلو مشرانو او خلکو سره دا مسله شریکه کړو.» ده وویل: «رسول الله صلی الله علیه وسلم موږ ته امر کړی چې دښمن ته تر درېیو ورځو ډېر وخت ورنه کړو. نو په دې اړه فکر وکړئ او اسلام وټاکئ. که اسلام وټاکئ، پخپلو خارو کې پاتې کېږئ او یا به جزیه ورکوئ. که دا کار وکړئ، بیا هم پخپلو خاورو کې او سیمه کې مو پرېږدو. که مرستې ته اړتیا ولرئ، مرسته درسره کوو. که جګړه غواړئ، پر څلورمه ورځ به جګړه پیلېږي. زه تاسو ته د دغو مسایلو د راوړلو مسول وم. سعید وویل، ته څوک یې؟ نوموړي وویل: مسلمانان د یو بدن غوندې دي، له یو بل نه اجازه اخلي، له ټیټ رتبه بیا تر لوړ ربته ټول د بو بدن غوندې دي.

هو، دا اسلام ته عزت ورکول، په دې نړۍ او اخرت کې بریا ده.

(يَغْفِرْ لَكُمْ ذُنُوبَكُمْ وَيُدْخِلْكُمْ جَنَّاتٍ تَجْرِي مِنْ تَحْتِهَا الْأَنْهَارُ وَمَسَاكِنَ طَيِّبَةً فِي جَنَّاتِ عَدْنٍ ذَلِكَ الْفَوْزُ الْعَظِيمُ * وَأُخْرَى تُحِبُّونَهَا نَصْرٌ مِنَ اللَّهِ وَفَتْحٌ قَرِيبٌ وَبَشِّرِ الْمُؤْمِنِينَ) [صف: ۱۲م]

ژباړه: که داسې وکړئ، ګناهونه مو بښي او تاسو د جنت باغونو ته دننه کوي، چې تر ونو لاندې یې ویالې بهیږي او په سپڅلي جنت کې ځای ورکوي. دا ستره بریا ده.

ستاسو ورور شیخ عطا بن خلیل ابو رشته

ژباړه: بهیر «ویاړ»