د اسلام او مسلمانانو د دښمنانانو له ایتلافه لاس په سر شئ او د هغو کسانو مرسته وکړئ چې له دوی سره دښمني کوي

د پاکستان اوسني واکمنان باید سمدلاسه د وسله‌وال پوځ د مخلصو چارواکو له لوري له واکه ګوښه شي، ترڅو د امریکا متحده ایالتونو سره د رامنځته شوي تړون له امله د سترو ورانیو مخه ډب شي.

د سپتمبر پر ۲۱ مه د ملګرو ملتونو د عمومي سرمشريزې له وینا څخه مخکې د پاکستان لومړي وزیر شاهد خاقان عباسي د پاکستان لپاره د امریکا متحدو ایالتونو د بهرني سیاست د ټولو سترو موخو ملاتړ وکړ. شاهد خاقان عباسي د امریکا متحده ایالتونو د بهرنیو اړیکو اړوند شورا مجلس (CFR) څخه وړاندې، څرګنده کړه چې موږ د امریکا متحده ایالتونو سره سالمي اړیکې لرو. موږ به دغو اړیکو ته ترهغې دوام ورکوو، ترڅو ټولو هغو اختلافاتو ته چې ورسره لاس او ګرېوان یو او راتلونکي دي، حل لاره پیدا کړو. پاکستان په بشپړه توګه د هغه تړون له مخې چې د امریکا متحده ایالتونو سره یې کړی، زیات ځورېدلی او نوموړی امریکايي دولت نه یوازې د اسلام او مسلمانانو سره دښمني لري، بلکې د خپلې دښمنۍ له مخې له نورو سره مرسته کوي. د امریکا متحده ایالتونو سره تړون پاکستان د ګډوډۍ په اور کې سوځېدلو ته ټېل وهي، چې د دغه تړون پر بنسټ د امریکا متحده ایالتونو ځانګړي نظامي او استخباراتي نامشروع سیمه‌ییز عملیات، هوایي بریدونه او وژنې یې د خپلو سیمه‌ییزو موخو لاس ته راوړلو په موخه ترسره کړې دي.

دغه تړون تضمین کړه  چې په عملیاتو کې د پاکستان د پیاوړو وسله‌والو ځواکونو څخه د امریکایي ډارنو سرتېرو د ساتنې لپاره د افغان مخالفو طالبانو د مقاومت پر وړاندې ګټه اخیستل کېږي. دغه راز نوموړی تړون تضمینوي  چې په افغانستان کې زموږ د نوښتګرې استخباراتي ادارې څخه د سیاسي توافق د خونديتوب لپاره ګټه اخیستل کیږي، ترڅو په افغانستان کې د امریکا متحده ایالتونو د اوږد مهاله حضور لپاره د یو مسلمان اټومي ځواک لرونکې هیواد ترڅنګ استوګنځای رامنځته کړي. له امریکا سره تړون پاکستان اړ باسي چې په افغانستان کې د امریکا حضور ‌‌ډاډمن کړي.  په داسې حال کې چې له دې لارې امریکا غواړي هم هلته د هندوستان حضور پیاوړی کړي او هم په اشغال شوي کشمیر کې پر مسلمانانو  د وحشی تېرو  ملاتړ وکړي. 

لکه څرنګه چې د پاکستان رژیم ادعا کوي چې دوی  د امریکا د بدیل په لټه کې دي، ترڅو له بل بهرني ځواک سره یوځای شي. خو دوی له داسې ځواک سره یوځای کیږي چې له اسلام سره دښمني لري، له نورو سره د اسلام په دښمنی کې مرسته کوي او دا د حل واقعي لاره نه ده. چین د ختیځ ترکستان د مسلمانانو دښمن دی، دوی له روژې نیولو منع کوي، مسجدونو او ږیرې پرېښودو ته یې نه پرېږدي. چین له سیاسي، اقتصادي او نظامي پلوه د میانمار رژیم ملاتړ کوي ان تر دې چې روهینګیايي مسلمانان د حیواناتو په څېر حلالوي. د چین ـ پاکستان اقتصادي دهلیز (CPEC) له مخې، پاکستان لا له وړاندې مهمي سرچینې چین ته په واک کې ورکړي دي چې په دې لوبه کې پاکستان بایلونکی دی، نه لوبه بدلوونکی. د چین- پاکستان اقتصادي دهلیز د نورو بهرنیو سودي پورونو ترڅنګ، پاکستان د ښکېلاکګرو ځواکونو او بنسټونو له سترو پورونو سره مخ کړی.

د چین ـ پاکستان اقتصادي دهلیز پر بنسټ، پاکستان د چیناني وارداتو او کارګرانو پر مخ د آزادۍ ور پرانستی چې له دې لارې به  د پاکستان کورنۍ کرنې او صنعت ته اوږدمهاله زیان واوړي.

ولې مسلمانان باید له یوه غاره د بهرنیو آزادیو لپاره بیا او بیا و چیچل شي؟ ایا یو ځل چیچل بس نه وو؟

اې د پاکستان مسلمانانو! مسلمانان هېڅکله هم له بهرنیو ځواکونو څخه د شوي تړون پر بنسټ د امن او سوکالۍ راتلو تمه نه لري. دوی له اسلام او مسلمانانو سره دښمني لري او له نورو سره د دې دښمنی په تړاو مرسته کوي. موږ الله سبحانه و تعالی خبر کړي یو:

﴿إِنَّمَا يَنْهَاكُمْ اللَّهُ عَنْ الَّذِينَ قَاتَلُوكُمْ فِي الدِّينِ وَأَخْرَجُوكُمْ مِنْ دِيَارِكُمْ وَظَاهَرُوا عَلَى إِخْرَاجِكُمْ أَنْ تَوَلَّوْهُمْ وَمَنْ يَتَوَلَّهُمْ فَأُوْلَئِكَ هُمْ الظَّالِمُونَ﴾ [الممتحنه:۹]

ژباړه: بېشکه الله تاسې د هغو خلکو له دوستۍ منع کوي، چې د دین په معامله کې جنګېدلي دي، تاسي یې د خپلو کورونو څخه ایستلي یاست او ستاسي په ایستلو کې یې یو د بل ملاتړ کړی دی. له هغوی سره چې کوم کسان دوستي وکړي، هغوی هم ظالمان دي.

مسلمانان د اهل کتابو او مشرکینو د ځواکونو له تړونه د هيڅ شي تمه نه کوي، بلکې د زیان تمه ترې لري.

﴿مَا يَوَدُّ الَّذِينَ كَفَرُوا مِنْ أَهْلِ الْكِتَابِ وَلاَ الْمُشْرِكِينَ أَنْ يُنَزَّلَ عَلَيْكُمْ مِنْ خَيْرٍ مِنْ رَبِّكُمْ وَاللَّهُ يَخْتَصُّ بِرَحْمَتِهِ مَنْ يَشَاءُ وَاللَّهُ ذُو الْفَضْلِ الْعَظِيمِ﴾ [البقره:۱۰۵]

ژباړه: هغو خلکو چې د حق د بلنې له منلو څخه یې انکار کړی دی، که له اهل کتابو څخه وي او که مشرکان وي، هېڅکله دا نه خوښوي چې ستاسي د رب له خوا دې تاسي ته څه ښېګڼه راشی. خو د الله چې هر چا ته خوښه شي، د خپل رحمت لپاره یې غوره کوي او هغه د لوی فضل خاوند دی.

اوس هغه ستر فرصت را رسېدلی چې مسلمانان باید د بهرنیو متحدو ځواکونو ویجاړوونکې واکمنۍ پای ته ورسوي او د نبوت پر طریقه د خلافت د بیا تاسیس لپاره لاس په کار شي. اسلامي حکومتولي به د مسلمانو دولتونو د یو موټي کېدو له لارې و توانیږي چې د امت پیاوړتیا ډاډ منه کړي، د ټرانسپورټ، مخابراتي اړیکو او انرژي په رامنځته کولو کې به د زیاتو پیاوړو مسلمانو خاورو ترمنځ اړیکې ټینګې کړي. د بهرنۍ تکنالوژۍ او پانګونې پرځای، خلافت به په لویه کچه د پیاوړي صنعت په منځته راتګ کې د ماشینونو، درنو دستګاوو او وسلو جوړولو په ګډون پخپله پانګونه وکړي چې له دې لارې به اقتصادي پیاوړتیا او هغه ظرفیت را منځته شي چې اسلامي دولت د نړۍ یو مخکښ دولت شي. رښتیا هم د شمالي کوریا په څېر یو کوچینی دولت چې کولای شي د ټرمپ د څرګندونو او لاپې وهلو ځواب  وايي، نو هغه دولت چې د بشپړ اسلامي امت له ځواکه څخه برخمن وي د شمالي کوریا په پرتله به څومره ځواب ویونکی وي؟ له حزب التحریر سره و دریږئ، په وسله‌وال پوځ کې له خپلو وروڼو، پلرونو او زامنو څخه د نبوت پر طریقه د خلافت د بیا منځته راتګ لپاره  نصرت و غواړئ.

د حزب التحریر-ولایه پاکستان مطبوعاتي دفتر

خبر:

د افغانستان په سویلي ولایت هلمند کې د بهرنيو ځواکونو د هوايي برید په پایله کې لس افغان سرتېري وژل شوي او نهه نور ټپیان دي. پېښه د ګرېشک ولسوالۍ په «ده آدم خان» سیمه کې د تېرې یکشنبې په ورځ مازیګر ترسره شوې ده. څه موده مخکې د امریکا هوايي ځواکونو هم په هلمند ولایت کې د افغان پوځ پر پوسته برید وکړ چې له امله یې ۱۶ سرتېري ووژل شول. په وژل شویو کې دوه تنه د اردو قومندانان هم وو. دا پېښه هم په ګرېشک ولسوالۍ کې هغه مهال ترسره شوې ده چې امریکايي ځواکونو د افغان ځواکونو مرسته کوله. د پېښې مسؤوليت د افغان حکومت د دفاع وزارت پر غاړه اخیستی دی.

تبصره:

د جان کيري په لاس د اشرف غني او ډاکټر عبدالله عبدالله د رامنځ ته شوي ګډ حکومت درې کلونه پوره شول. د نوموړي حکومت لوړ پوړو چارواکو د جان کيري د دغه نېکۍ په بدل کې، د رامنځ ته شوي حکومت د لومړنيو ۴۸ ساعتونو له پوره کېدو مخکې په پټو سترګو له امريکا سره امنيتي تړون لاسليک کړ، چې له هغه سره سم د امریکا له خوا د افغانستان اشغال او استعمار دوه اړخیزه رسمي بڼه غوره کړه او افغانستان رسماً په سيمه کې د امريکا د نظامي اډې او جنګي پروژې په توګه وپېژندل شو.

د دغه نامشروع حکومت چارواکو د خپلې واکمنۍ د بقا په بيه، څو څو ځله په ډېره بې شرمۍ د امريکا او ناټو ځواکونو هر جنايت توجيه او ځان ته منسوب کړ. د بېلګې په توګه: تېر کال په کندز ولايت کې امريكايي الوتكو د بې پولې ډاكټرانو روغتون بمبار كړ او په لسګونو ډاكټرانو او ناروغانو ته يې مرګ ژوبله واړوله، لاسپوڅي دولت پخوا تر هغه چې يرغلګر امريکايان يې په اړه څه ووايي، په ياد جنايت کې ځان شريک او د پېښې پړه يې د مشورې او معلومات ورکولو له امله پر غاړه واخيسته. څو مياشتې وړاندې د ننګرهار په اچين ولسوالۍ كې امريكا تر اټومي بم وروسته تر ټولو ستر بم وغورځاوه، خاينو چارواكو بيا ادعا وكړه چې دغه بريد د دوى په مشوره ترسره شوى دی، همداراز په لوګر کې د ملي اردو پر کاروان، د ننګرهار په نازیانو کې پر ولسي خلکو د بمبارۍ او دا دی اوس يې د هلمند په ګريشک ولسوالۍ کې د امنيتي ځواکونو د بمبار مسؤولیت هم پر غاړه واخیست.

امريکا او ناټو په افغانستان غوندې جګړه مار ولس کې له خدايه نورڅه نه غواړي، مګر دا ډول ذليل او غلام چارواکي. د همدوی د ذلت او غلامۍ له امله ايله اوس امريکا دې ته چمتو شوې چې افغان وسله والو ځواکونو ته څرخي الوتکې ورکړي، ترڅو له يوې خوا د ټرامپ د نوې ستراتېژۍ له مخې د هوايي بريدونو له لارې پر وسله والو مخالفينو باندې فشار راوړي او طالب وسله وال له افغان حکومت سره د خبرو اترو مېز ته کېنوي او له بل پلوه د خپلو وحشيانه بمباريو د توجيه لپاره افغاني مرجع پیدا کړي. چې دا دي اوس د امريکا او ناټو ځواکونو د برائت په موخه د هغوی د هر جنايت پړه افغان پوځ پر غاړه اخلي، چې دا د افغانستان پر مسلمان ولس باندې د يرغلګرو تر وحشیانه بمباریو خورا ستونزمن تماميږي. د يادونې وړ ده چې د امريکايي چارواکو له خوا په وروستي خپاره شوي راپور کې ادعا شوې چې یوازې د اګسټ په مياشت کې امريکا په افغانستان کې تر دوو زور ډېر بمونه کارولي دي.

د دې ټولو ترڅنګ څه دپاسه يوه میاشت مخکې امریکايي ځواکونو د هېواد په څو ولایتونو کې د الوتکو له لارې داسې پاڼې غورځولې وې چې يرغلګر ځواکونه يې د زمري او طالبان يې د کوچيني سپي په څېرو کې تمثيل کړي وو. هغوی د طالبانو سپین بیرغ چې د اسلام سپېڅلې کليمه ورباندې ليکل شوې د سپي په شکل کې رسم کړې وه او له عامو خلکو يې غوښتي وو چې: «له ترهګرو سپيو خپله آزادي بېرته واخلئ او له ايتلافي ځواکونو سره مرسته وکړئ، ترڅو دغه دښمنان په نښه کړي او له منځه يې یوسي. خپله آزادي بېرته واخلئ او خپل کورنی خوندیتوب ډاډه کړئ» او له دوی سره په ځانګړو ليکل شوو ټليفوني شمېرو اړيکه ونيسئ. د جان کيري د حکومت دغه لاسپوڅي چارواکي د يرغلګرو ځواکونو له خوا اسلامي مقدساتو ته د دا ډول توهين په اړه بيا بشپړه چوپتيا غوره کوي. تر هغه چې عام ولس سړکونو ته راووځي، لاريونونه زور واخلي، يرغلګر ځواکونه له ولس څخه بښنه وغواړي، هغه مهال بيا د پېښې په اړه د داسې څېړنو امر ورکوي، چې پايلې يې هېڅکله هم نه اعلانېږي.

د جان کيري د نامشروع دولت د استعماري تګلارو له مخې ځوانان چې د ټولنې د آبادۍ او سوکالۍ لپاره کاري انرژي بلله کيږي، په لوی لاس د هېواد پرېښودو ته اړ شول، د ټولنې په ټولو پوړونو کې يې د عام ولس ترمنځ مذهبي، ژبنی او نژادي تبعیض عام کړی او د بېلابېلو اړخونو له خوا تر بېلابېلو نومونو لاندې پر وسلو سمبال شوی چې یو له بل سره د جګړې پر پوله ولاړ دی. غربي سفارتونو د اشرف غني د ښځې په ګډون د بېلابېلو پروژو پر مټ مسلمانه ښځه، تعليمي نصاب، اسلامي قوانين او فرهنګ تر سخت برید لاندې راوستي او د ټولنې په هره برخه کې د فحشا، قتل او فتنې په ترويج بوخت دي. امریکا هم له داعش سره د جګړې په بهانه خپلې اډې پر وسله والو پياوړې کړې او له هغې وروسته يې افغانستان هم د جنوبي آسیا لپاره د امریکا د ستراتيژۍ د یوې برخې په توګه اعلان کړ، چې د ښکېلو هېوادونو د کړکېچ او نيابتي جګړې پر ډګر د بدلېدو په حال کې دی.   

د پايلې په توګه نور باید هر سطحي فکر ته د دغه لاسپوڅي حکومت عورت بربنډ شوی وي، چې څنګه د امریکا او ناټو د يرغلګرو ځواکونو د برائت په موخه د هغوی جنایتونه توجیه کوي، څنګه مو وژني، څنګه مو مقدساتو ته سپکاوی کوي او د ژوند په ټولو برخو کې يې د «تروریزم او افراطیت» سره د مبارزې تر نامه لاندې څنګه د اسلام او مسلمانانو پر وړاندې سخته او نرمه جګړه روانه کړې. دغه غلام او ذليل چارواکي اصلاً د دې جرائت نه لري چې په دې اړه ولس ته ځواب ووايي او يا وضاحت ورکړي. نو جداً د دې اړتيا لیدل کيږي، ترڅو د افغانستان مسلمان ولس د نړۍ د مسلمانانو سره د واحد امت په توګه لاس يو کړي او د دويم راشده خلافت د تاسيس او د مخلص، مجاهد او زړور خليفه سره د بيعت په موخه د هر راز کفري مفکورو او پروګرامونو پر وړاندې په ګډه مبارزه وکړي. ځکه يوازې خليفه کولای شي د اسلامي امت، د دین، مقدساتو، نوامیسو، وينو او شتمنيو څخه دفاع وکړي.

"انما الإمام جُنة يقاتل من ورائه و يتقى به"

رواه مسلم

يوازې امام "خلیفه" هغه ډال دی چې امت يې تر شا جګړه کوي او په واسطه يې ځان ساتي.

سيف الله مستنير