(ژباړه)

طوفان الاقصی عملیات لا په زور کې روان دي او د درد او عذاب چیغې لاهم نه دي چوپې شوې؛ له ټپیانو پرته د وژل شوو کسانو شمېر سلګونو ته رسېدلی. په دې وخت کې نړۍ د مصر د پولیس په اړه اوري، چې په اسکندریه کې یې د یهودو پر تفریحي بس ډزې کړې او پر ټپیانو سربېره یې د هغوی درې کسان له منځه وړي دي (د قدس مطبوعات، ۲۰۲۳/۸/۱۰). د مصر د یوه پولیس لخوا دغه عملیات په داسې حال کې وشول چې طوفا الاقصی لاهم دوام لري؛ دا هغه عملیات دي چې په فلسطین کې د مجاهدینو د یوې ډلې لخوا ترسره شول او په ټولنیزو رسنیو کې هغه تصویرونه لاس په لاس شول، چې د یهودانو د تلفاتو له امله یې د هغوی چیغې او ژړاوې ښودلې.

زموږ په هېواد، مصر کې روانې پېښې په ښکاره بیانوي چې په اسلامي خاوره کې د یهودانو لپاره هېڅ ځای امن نه دی؛ ان که ټوله نړۍ د هغوی ملاتړ وکړي او ان که حکام او د دوی متحدین زموږ او دوی ترمنځ شي. کله چې د دغه امت مقدساتو ته سپکاوی وشي، نو دغه امت له خیر څخه برخمن کېږي او د الله او د هغه د رسول صلی الله علیه وسلم لپاره په قهر شي او د مظلومانو تر څنګ درېږي. دا قهر دوی په اور بدلوي او یهودان او د هغوی متحدین سوزوي. د فلسطین د خلکو پر رنځ سربېره د هغوی په خاوره کې یهودانو هم هېڅ ښه ورځ نه ده لیدلې. له فلسطین او د هغه له شاوخوا څخه اور راپورته کېږي او د مصري شهید محمد صلاح په واسطه تویې شوې وینې لا وچې نه دي، کله چې د پولیسو دغه افسر په خپلې شخصې وسله هغوی ته وویل: «که مو له حکامو سره اړیکې عادي شي که نه، خو ستاسو لپاره زموږ په خاوره کې هېڅ امن پټنځای نشته».

هغه کار چې دغه پولیس افسر د الله، د هغه د رسول صلی الله علیه وسلم او مقدساتو ته د سپکاوي په خاطر وکړ، د مصر د ټول نظامي پرسونل، پولیسو، افسرانو، سرتېرو او رهبرانو په زړه او ذهن کې باید ځای ونیسي. موږ فکر کوو چې دا د دوی په زړه کې شته دي، حتا که په ښکاره څرګند نه شي، خو دوی بیا هم د الاقصی او فلسطین د ازادۍ او له مظلومانو څخه د ملاتړ لېوال دي. یوازینی خنډ چې د دوی او دغه هدف تر منځ دی، هغه اوسني حکام دي؛ یعنې هغه اوسپنیزه ګومبزه چې د یهودو د مشرانو ساتنه کوي. له میدان څخه د هغوی په ایستلو سره، د یهودو اغېز هم نه پاتې کېږي.

اې د کنانه د پوځ مخلصینو! کوم کار چې د پولیسو دغه افسر وکړ، د یهودو پر وړاندې د هغه عمل یوه ساده بېلګه ده چې باید ترسره شي؛ ځکه یهود هېڅ تړون او امنیت نه لري. د فلسطین خاوره یوه اسلامي خاوره ده؛ موضوع يې په ټول امت پورې اړه لري او ازادول یې د ټول امت دنده ده؛ په ځانګړې توګه دغې خاورې ته د نږدې هېوادونو چې مصر یې په لومړي کتار کې راځي. همدرانګه د اسلامي خاورو د اشغالګرو او تېري کوونکو لپاره باید هېڅ تړون او امنیت نه وي. له هغوی سره یوازینۍ اړیکه چې ستاسو او دوی تر منځ باید وي، هغه جنګي وضعیت دی؛ تر دې چې دغه ناوړه موجود له منځه لاړ شي. د دغه موجود د له منځه وړلو لپاره لومړی ګام د هغه نظام ړنګول دي، چې له هغه سره بیعت کوي، ساتنه یې کوي او د له منځه وړلو د مخنیوي لپاره یې ستاسو پر وړاندې درېږي؛ دا هغه خاین او مزدور رژیم دی، چې پر تاسو حکومت کوي. دا ستاسو اساسي مسولیت دی، چې دغه رژیم باید د هغه له وسایلو، نښو او مخکښانو سره یو ځای له منځه یوسئ او پر ځای یې واک د امت مخلصو بچیانو ته وسپارئ، ترڅو د اسلام په واسطه د نبوت پر منهج د راشده خلافت په چوکاټ کې حکومت وکړي. دا هغه دولت دی چې ستاسو د وروڼو د ملاتړ او ستاسو د خاورې د ازادۍ په برخه کې ستاسو پر وړاندې نه درېږي، بلکې د نصرت (بریا) ترلاسه کولو، د زرګونو ښځو د ازادولو او زموږ د خاورې د ازادۍ لپاره چې یهودو برمته کړې، پوځونه چمتو کوي. هغه وخت به د پولیسو د دغه افسر او د ده په څېر د نورو کسانو پر قهر، چې د الله تعالی د رضا لپاره دی او غیرت چې د خپلو مقدساتو د سپکاوي پر وړاندې دی، څوک قضاوت ونه کړي؛ بلکې دا عمل به په پوځ کې د ټولو مخلصینو لپاره عادي وي: یعنې د الله سبحانه وتعالی د رضا لپاره قهر کول، ترڅو د هغه او د هغه د دین او دولت ملاتړ وکړي.

اې د کنانه د لښکر مخلصینو! د دغه رژيم د ريښو په له منځه وړلو کې بيړه وکړئ چې هڅې مو ضایع او خوځښتونه مو محدود نه کړي او له خپل مسولیت او مکلفیت څخه مو راونه ګرځوي. ریښې یې راوباسئ چې د داسې یوه دولت د تاسيس پر وړاندې مو خنډ نه شي چې ستاسو پر وړاندې دروازې پرانیزې او د الله سبحانه و تعالی د رضایت خواته مو هدایت کوي؛ د الله تعالی په لاره کې جهاد، د هغه د دین حمل او د بېوزلو خلکو مرستې ته مو هڅوي. نو اې د کنانه د پوځ مخلصینو! دغه دولت تاسیس کړئ؛ د نبوت پر منهج راشده خلافت تاسیس کړئ!

﴿وَالَّذِينَ آمَنُوا وَهَاجَرُوا وَجَاهَدُوا فِي سَبِيلِ اللَّهِ وَالَّذِينَ آوَوا وَّنَصَرُوا أُولَٰئِكَ هُمُ الْمُؤْمِنُونَ حَقًّا ۚ لَّهُم مَّغْفِرَةٌ وَرِزْقٌ كَرِيمٌ﴾

  [انفال – 74]

ژباړه: (هغه کسان چې ایمان یې راوړی او د الله په لاره کې یې هجرت او جهاد کړی او هغه کسان چې مرسته او نصرت یې کړی، هغوی حق مومنین دي، د دوی لپاره مغفرت او ښه روزي ده.)

د حزب‌التحریر ولایه – مصر مطبوعاتي دفتر

۱۴۴۵هـ.ق کال د ربیع الاول ۲۳مه

۲۰۲۳م کال د اکتوبر ۸مه

 ژباړن: صهیب منصور