[كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُورِ]

ژباړه: «په پای کې هر څوک د مرګ خوند څکونکی دی او تاسې ټول د قیامت په ورځ د خپلو پوره اجرونو تر لاسه کوونکي یاست، په اصل کې بریالی هغه څوک دی  چې هلته د دوزخ له اوره وژغورل شي او جنت ته داخل شي. پاتې شوه دا دنیا، دا خو یوازې او یوازې یو غولوونکی شی دی.» [عمران: ۱۸۵]

حزب التحریر ـ ولایه لبنان  د خپل یو دعوتګر پر مړینه ډېر خواشینی دی. حاجي ماجد زید (ابو رامي) د تایرې اوسېدونکی، د ۱۴۴۲ هـ.ق کال، د جمادی الاخر په ۱۲مه چې د ۲۰۲۱م کال، د جنوري له ۲۵مې سره سمون خوري، د یوې لا علاجه ناروغۍ له امله خپل روح حق ته وسپاره.

په داسې حال کې چې موږ خپل ځان، د هغه له کورنۍ او دوستانو سره په غمرازۍ کې شریک ګڼو، موږ د رحیم او مهربان الله سبحانه و تعالی دربار ته لاسونه لپه کوو، چې هغه وبښي او رحم پرې وکړي. لکه څنګه چې الله سبحانه و تعالی شاهد دی، چې په عموم کې هغه یو دعوتګر و او په ځانګړې توګه په تایرې ښار کې یې د مسلمانانو د یووالي لپاره ډېر زیار ګاله.

موږ له الله سبحانه و تعالی څخه غواړو چې ژر تر ژره موږ ته هغه دولت راپه برخه کړي، چې حاجي ابو رامي ورته کار کاوه. د صداقت او رښتینولۍ دولت، د نبوت پر منهج دویم راشده خلافت، چې مسلمانان تر یو بیرغ «لا اله الالله» لاندې راټول کړي.»

[وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُوْلَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُوْلَئِكَ هُمُ الْمُهْتَدُونَ]

ژباړه: «... او [اې رسول الله صلی الله علیه وسلم!] صبر کوونکو ته زیری ورکړه؛ هغه کسان چې کله ورته کوم مصیبت ورسېږي، نو ووايي: «موږ د الله سبحانه و تعالی یو او هغه سبحانه و تعالی ته ورګرځېدونکي یو.» دا هم هغه کسان دي چې د دوی د رب له لوري پرې بښنه او رحمت دی او همدا کسان د سمې لارې موندونکي دي.» [بقرة: ۱۵۵-۱۵۷]

د حزب التحریرـ ولایه لبنان مطبوعاتي دفتر