﴿ولَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ وَبَشِّرِ الصَّابِرِينَ﴾

[ البقره: ۱۵۵]

ژباړه: موږ هرو مرو په وېره، خطر، لوږه، د سر او مال په تاوان او د عایداتو په خساره کې په اخته کولو په تاسې ازمېښت کوو، او (اې رسول الله صلی الله علیه وسلم!) صبر کوونکو ته زیری ورکړه.

موږ د الله سبحانه وتعالی رضا په سر سترګو منلې ده. حزب التحریرـ ولایه سوډان د مرحوم شیخ د غم په ټغر ناست دی:

محمد السیر عمر، چې اسلامي ژوند ته د بیا راګرځېدلو لپاره یې خپله ځواني د نبوت پر منهج د راشده خلافت د تاسیس لپاره په دعوت کې تېره کړه او ټول ژوند یې  د لا اله الا الله محمد رسول الله صلی الله علیه وسلم د بیرغ لوړولو لپاره په صبر او استقامت سره کار وکړ. دغه راز زیان یې قبول کړ، د ظالمانو په زندانونو او بندیخانو کې د دې لپاره واچول شو، چې پرته له کومې ستړیا تر هغه وخت پورې د حق ملاتړ وکړي، تر څو چې یې په ناڅاپي توګه د ۱۴۴۱ هـ.ق د شوال په ۲۵مه چې له ۲۰۲۰م د جون له ۱۶مې سره سمون خوري، له دې فاني نړۍ څخه سترګې پټې کړې.

موږ الله سبحانه و تعالی ته د دعا لاسونه لپه کوو، چې هغه ته مغفرت وکړي او د پيغمبرانو، مومنانو، شهیدانو او صالحینو له ډلې یې وګرځوي. همدارنګه کورنۍ او ملګرو ته یې صبر او زغم غواړو. سړي له دنیا درومي، خو د بېلا بېلو مقامونو او غوره اعمالو خبرې یې پاتې کېږي.

[إنَّا للهِ وَإِنَّا إِلَيْهِ رَاجِعُونَ]

ابراهیم عثمان ابو خلیل د حزب التحریرـ ولایه سوډان رسمي ویاند