(ژباړه)

د ۲۰۱۹م کال د اپریل په ۲۶مه پریوولسکي نظامي محکمې د حزب التحریر پنځه تاتاریستاني غړي محاکمه کړل. قاضي دغه کسان د روسیې فدراسیون د قوانینو له مخې په «ترهګرۍ» تورن کړل. محاکمه شوي کسان دا دي:

ګیمازیدینوف انس، په ۱۹۶۵م کې زیږېدلی، د ملي امنیت په زندان کې په ۱۸ کال بند او یو کال نه ګرځېدو محکوم شو.

محمدوف اریک، په ۱۹۸۸م کې زیږېدلی، د ملي امنیت په زندان کې په ۱۸ کاله بند او یو کال نه ګرځېدو محکوم شو.

زجیف عزت، په ۱۹۹۰ م کال کې زیږېدلی، د ملي امنیت په زندان کې په ۳ کاله بند محکوم شو.

خانانوف رینات، په ۱۹۸۶م کال کې زیږېدلی، د ملي امنیت په زندان کې په ۱۳ کاله بند محکوم شو.

شانګریف ایمل، په ۱۹۹۳ م کال کې زیږېدلی، د ملي امنیت په زندان کې په ۱۳ کاله زند محکوم شو.

د محاکمې پر وخت شبابو وویل: د «ترهګرۍ» تور په بشپړه توګه دروغ دی او ښايي پټ شاهدان هم د امنیتي ادارو کارکوونکي وو. همداراز، قاضي د تورونو د لېرې کولو لپاره هره کړنه رد کړه او خپله پرېکړه یې داسې ولوستله لکه هېڅ چې په ځیر څېړل شوې نه وي.

په دې توګه روسیه د اسلامي امت د ریښتینو بچو بندي کولو ته دوام ورکوي؛ خو سره له دې بیا هم د امت بچیان وېرولی نشي. زموږ شبابو د پنجرو تر شا هم اسلامي دعوت لېږداوه. د محکمې پر وخت یې د اسلام پر حاکمیت ټینګار کاوه او د دغه ناعادلانه  پرېکړې د اورولو پر مهال یې قران تلاوت کاوه، څو د پرېکړې پر وړاندې خپله بې تفاوتي وښیي.

د روسیې دولت لخوا دا ځورونې نه یوازې له اسلام سره د دوی کینه ښيي، بلکې د حزب التحریر د غړو سیاسي څارنه هم څرګندوي. د قضیې د اسنادو له کتنې وروسته د بشري حقونو دفتر د دغو کسانو نومونه په روسیه کې د سیاسي بندیانو په لېست کې زیات کړل. قاضی دنیس ګوډکوف پر خپله فیسبوک‌پاڼه ولیکل: «قاتلین؟ تجاوز کوونکي؟ غله؟ نه، دا سیاسیون دي. دوی ته یوازې په روسیه کې «ترهګر» وایي ... خو دوی ډېر ښه کسان دي.»

په روسیه کې د حزب التحریر مطبوعاتي دفتر