د نړیوال کمپاین د یوې برخې په توګه چې حزب التحریر د نوید بټ د ازادۍ لپاره پیل کړی و، د حزب التحریرـ ولایه پاکستان ویاند، چې د ۲۰۱۲م، د مې په ۱۱مه د پاکستاني استخباراتو برمته کړ او له هغه وخت راهیسې ورک دی. په جرمني هېوادونو کې د حزب التحریر یو پلاوي د انجنیر شاکر عاصم په مشرۍ، چې په الماني ژبو غږېدونکو هېوادونو کې د حزب التحریر استازی دی، د مرکزي مطبوعاتي دفتر له لوري د بیانیې د وړاندې کولو لپاره په ویانا کې د پاکستان له سفارت څخه لیدنه وکړه. په دې اړه د سفارت یوه کارکوونکي د حزب التحریر بیانیه تر لاسه کړه او ژمنه یې وکړه، چې هغه به د پاکستان دولت ته سپاري او ویې منله چې په دې اړه به له پلاوي سره په اړیکه کې وي.

موږ له الله سبحانه و تعالی څخه غواړو چې دغه کمپاین ګټور تمام شي او د اسلام د زړور دعوتګر او زموږ ورور نوید بټ،  د ژر تر ژره خوشي کېدو لامل شي.

په الماني ژبه غږېدونکو هېوادونو کې د حزب التحریر مطبوعاتي دفتر