حزب التحریرـ کینیا د نبوت پر تګلاره د راشده خلافت د بیا تاسیس هڅه کوي او له ډېرو هلو ځلو وروسته یې یو بل سیمینار هم وړاندې کړ، چې پر ورځني ژوند په ځانګړې توګه پر بېوزلو خلکو د انفلاسیون ناوړه اغېزې یې پکې په ګوته کړې.

له پانګوال اقتصادي نظام څخه راپیدا شوې ستونزې چې اوس پر نړیوال ناورین بدلې شوې، لاندې ناوړه پایلې یې رامنځته کړې دي:

ـــــــــــ د پیسو بې ارزښته کېدل

ـــــــــــ ناانډولي

ـــــــــــ د اسعارو د بیو بدلون

ـــــــــــ د پور پر اخیستلو لوړ لګښت

ـــــــــــ د ورځني ژوند د لګښتونو لوړوالی

ـــــــــــ د ثابت عاید پر درلودونکو ناوړه اغېزې لکه: متقاعدین، معاش درلودونکي کارمندان او هغه کسان چې په بانکونو کې خپل عاید سپموي.

دا سیمینار د ۲۰۲۲م کال د جون پر ۲۶مه د «کلیفي کاونټي» په «متواپا» ښار کې تنظیم شوی و او د انفلاسیون ناورین د تحلیل پر بحث سربېره یې حل لارې هم وړاندې شوې، چې تر سلو ډېرو کسانو پکې ګډون کړی و.

دغه سیمینار د حزب التحریرـ کینیا د مطبوعاتي دفتر د دوو مخکښو غړو علي عمر او په کینیا کې د حزب التحریر د مطبوعاتي استازي شعباني موالیمو له لوري وړاندې شو.

شباني موالیمو

د حزب التحریرـ کینیا مطبوعاتي استازی